ချောင်းရိုက်ကင်မရာကိစ္စအတွက် အမျိုးသမီးတစ်ဦးကို တောင်ကိုရီးယားက ထောင် ၁၀ လချ

သြဂုတ် ၁၃၊ ၂၀၁၈
M-Media

– အမျိုးသားမော်ဒယ်တစ်ဦးရဲ့ ၀တ်လစလစ်ပုံတွေကို ရိုက်ကူးဖို့အတွက် လျှို့ဝှက်ကင်မရာ တပ်ဆင်မှုနဲ့ အမျိုးသမီးတစ်ဦးကို တောင်ကိုရီးယားက ထောင်ဒဏ် ၁၀ လ ချမှတ်လိုက်ပါတယ်။

အဆင့်မြင့်နည်းပညာတွေ တိုးတက်ထွန်းကားနေတဲ့ တောင်ကိုရီးယားမှာ တစ်လွဲသုံးမှုတွေ မြင့်တက်လာခဲ့ပြီး အထူးသဖြင့် ချောင်းရိုက်ကင်မရာတွေနဲ့ ပတ်သက်လို့ ဝေဖန်မှုတွေ မြင့်တက်နေတာပါ။

စာသင်ကျောင်းတွေ၊ ရုံးတွေ၊ ဘူတာတွေ၊ အိမ်သာတွေ၊ အ၀တ်လဲခန်းတွေနဲ့ လမ်းတွေပေါ်မှာ လျှို့ဝှက်ကင်မရာတွေ တပ်ဆင်ကာ အမျိုးသမီးတွေရဲ့ မဖွယ်မရာပုံတွေကို ရိုက်ကူးကာ အင်တာနက်စာ မျက်နှာမှာ လွှင့်တင်မှုကြောင့် တောင်ကိုရီးယားအမျိုးသမီးတွေက ပြီးခဲ့တဲ့သီတင်းပတ်မှာ အကြီးအကျယ် ဆန္ဒပြခဲ့ကြပါတယ်။

အဲဒီလိုကိစ္စမျိုးတွေကို ကျူးလွန်မှုရဲ့ ၉၈ ရာခိုင်နှုန်းဟာ အမျိုးသားတွေဖြစ်တယ်လို့ အစိုးရအချက်အလက်တွေအရ သိရပါတယ်။

ဒီကနေ့ ထောင်ဒဏ် ၁၀ လချမှတ်လိုက်သူဟာ အသက် ၂၀ ကျော်အရွယ် အဖော်အချွတ်မယ်ဖြစ်ပြီး ဆိုးလ်မြို့ အနုပညာကောလိပ်မှာ လုပ်ဖော်ကိုင်ဖက်တစ်ဦးကိုရဲ့ ပုံရိပ်တွေကို လျှို့ဝှက်ကင်မရာနဲ့ရိုက်ကူးကာ မေလအတွင်း အင်တာနက်မှာ လွှင့်တင်ခဲ့တာ ဖြစ်ပါတယ်။

ပြီးခဲ့တဲ့ရက်ပိုင်းက ဒီအမျိုးသမီးကို ဖမ်းဆီးမှုမှာ ရဲတွေဟာ ကျင့်ဝတ်နဲ့မညီတဲ့ လုပ်ဆောင်မှုတွေ ရှိခဲ့တယ်လို့ စွပ်စွဲမှုတွေ ရှိနေသလို၊ အမျိုးသားတွေကျူးလွန်မှုများတဲ့ ကိစ္စမှာ အမျိုးသမီးတစ်ဦးကို ပြင်းထန်တယ်လို့ ပြောလို့ရတဲ့ ထောင် ၁၀ လ ချမှတ်မှုအပေါ် ဝေဖန်တာတွေလည်း ရှိနေပါတယ်။

အစိုးရမှတ်တမ်းတွေအရ လျှို့ဝှက်ကင်မရာနဲ့ ရိုက်ကူးမှု ပြုလုပ်သူတွေကို ပထမဆုံး ကြားနာမှုအတွင်း အမိန့်ချမှုဟာ ၈.၇ ရာခိုင်နှုန်းသာရှိပြီး အများစုဟာ ဒဏ်ငွေရိုက်ခံရတာ၊ ဆိုင်းငံ့ထောင်ဒဏ် ချမှတ်ခံရတာတွေလောက်သာ ရှိပါတယ်။

‘ကိုရီးယား ဆိုက်ဘာအကြမ်းဖက်မှု စောင့်ကြည့်ရေးအဖွဲ့’ ရဲ့ အကြီးအကဲ ဆိုဆွန်ဟီက ကျူးလွန်သူဟာ အမျိုးသားဖြစ်ပြီး၊ ကျူးလွန်ခံရသူက အမျိုးသမီးဖြစ်မယ်ဆိုရင် ရဲတပ်ဖွဲ့ဟာ ဒီလို မြန်မြန်ဆန်ဆန်နဲ့ ပြင်းထန်တဲ့အမိန့်ချတာမျိုး လုပ်လေ့မရှိဘူးလို့ ဝေဖန်ခဲ့ပါတယ်။

Ref: CNA