တရုတ်နိုင်ငံသားများကို ပျော်တော်ဆက်ရသည့် ပြည့်တန်ဆာဂိုဏ်းများကို ကမ္ဘောဒီးယား ဖမ်းဆီး

သြဂုတ် ၁၄၊ ၂၀၁၈
M-Media

သီဟာနုဗီလီမြို့ တစ်နေရာ

– တရုတ်က ရင်းနှီးမြှုပ်နှံမှုတွေ အကြီးအကျယ်လုပ်ထားတဲ့ သီဟာနုဗီလီမြို့မှာ နိုင်ငံခြားသားတွေကို ပျော်တော်ဆက်ရတဲ့ ပြည့်တန်ဆာဂိုဏ်းတွေကို ကမ္ဘောဒီယားအစိုးရက စတင်နှိမ်နှင်းနေပြီး တရုတ်လူမျိုး ၅၀ ကို ဖမ်းဆီးထားတယ်လို့ ပြည်နယ်အုပ်ချုပ်ရေးမှူးက ဒီကနေ့မှာ ပြောကြားလိုက်ပါတယ်။

ကမ္ဘောဒီးယားဝန်ကြီးချုပ် ဟွန်ဆန်ဟာ တရုတ်ရဲ့ အနီးကပ်မဟာမိတ်တစ်ဦးဖြစ်ပြီး မြို့တော်ဖနွမ်ပင်နဲ့ အခြားမြို့ကြီးတွေမှာ တရုတ်ရဲ့ ရင်းနှီးမြှုပ်နှံမှုတွေဟာ ပြီးခဲ့တဲ့နှစ်တွေမှာ အလုံးအရင်းနဲ့ ၀င်လာခဲ့ပါတယ်။

ကမ်းခြေမြို့ဖြစ်တဲ့ သီဟာနုဗီလီဟာ ဆောက်လုပ်ရေးလုပ်ငန်း၊ ကာဆီနိုလောင်းကစား လုပ်ငန်းနဲ့ ဟိုတယ်လုပ်ငန်းတွေ ထွန်းကားပြီး၊ တရုတ်လူမျိုးတွေ အလုံးအရင်းနဲ့ ၀င်ရောက်မှုရှိနေတဲ့မြို့ ဖြစ်ပါတယ်။

နိုင်ငံခြားသားတွေ အ၀င်များလာမှုနဲ့အတူ ဒုစရိုက်လုပ်ငန်းတွေလည်း ထူပြောလာခဲ့ပါတယ်။

ပြည်နယ်အုပ်ချုပ်ရေးမှူး ယွန်မင်းက တရုတ်နိုင်ငံသားတွေကို ပျော်တော်ဆက်ဖို့အတွက်၊ တရားမ၀င် လိင်ဝန်ဆောင်မှုလုပ်ငန်းဟာ မြင့်တက်လာခဲ့တယ်လို့ ဆိုပါတယ်။

“သူတို့တွေအများကြီးဝင်လာတော့ လိင်ဝန်ဆောင်မှုအတွက် ၀ယ်လိုအားလည်း မြင့်လာပါတယ်။ ဒီလုပ်ငန်းဟာ ကျွန်တော်တို့တိုင်းပြည်မှာ တရားမ၀င်လုပ်ငန်း ဖြစ်တာကြောင့် နှိမ်နှင်းဖို့ လိုအပ်ပါတယ်။ လုံးဝချုပ်ငြိမ်းသွားတဲ့အထိ နှိမ်နှင်းမှာပါ” လို့ အုပ်ချုပ်ရေးမှူးက ပြောကြားခဲ့ပါတယ်။

ဖနွမ်းပင်က တရုတ်သံရုံးကတော့ ဒီကိစ္စနဲ့ပတ်သက်ပြီး ရိုက်တာသတင်းဌာနရဲ့ မေးမြန်းမှုကို ဖြေကြားခဲ့ခြင်း မရှိပါဘူး။

သီဟာနုဗီလီမြို့ရဲ့ ရဲတပ်ဖွဲ့အကြီးအကဲ ဖူလ် ဖေါ်ဆဒါက ပြည့်တန်ဆာဂိုဏ်းတွေကို နှိမ်နင်းနေတယ်လို့ ပြောကြားခဲ့ပေမယ့် အသေးစိတ် မရှင်းပြခဲ့ပါဘူး။

ရိုက်တာသတင်းဌာနက ရရှိတဲ့ ကမ္ဘောဒီးယားရဲတပ်ဖွဲ့ရဲ့ အစီရင်ခံစာမှာ စီးနင်းဖမ်းဆီးမှုအတွင်း ၀တ်လစ်စလစ်အမျိုးသမီးပုံတွေနဲ့ ဖုံးနံပါတ်တွေပါဝင်တဲ့ လိင်ဝန်ဆောင်မှု လက်ကမ်းကြော်ငြာတွေကို တွေ့ရှိရတယ်လို့ ဖော်ပြထားပါတယ်။

ပြည်နယ်အုပ်ချုပ်ရေးမှူး ယွန်မင်းက ဇန်န၀ါရီ ပြည်ထဲရေးဝန်ကြီးဌာနကို ပေးပို့တဲ့စာမှာ သီဟာနုဗီလီမြို့အတွင်း တရုတ်လူမျိုးတွေ အုံနဲ့ကျင်းနဲ့ ၀င်ရောက်လာမှုကြောင့် ရာဇ၀တ်မှုတွေ ထူပြောလာ တယ်လို့ ဖော်ပြထားပေမယ့် ဒီကနေ့မှာတော့ သူက ဒီမှတ်ချက်ကို ငြင်းဆိုခဲ့ပါတယ်။

“တရုတ်မှာလည်း ကောင်းတဲ့တရုတ်တွေ အများကြီးရှိပါတယ်။ ဖမ်းထားတဲ့ လူ ၅၀ လောက်ဟာ တရုတ်အားလုံးကို ကိုယ်စားမပြုပါဘူး”

Ref: CNA