ပထမဆုံးမိန့်ခွန်းမှာ ပါကစ္စတန်ဝန်ကြီးချုပ်သစ် ဘာတွေပြောသလဲ

သြဂုတ် ၂၀၊ ၂၀၁၈
M-Media

ပါကစ္စတန်ဝန်ကြီးချုပ်သစ် အင်မရန်းခန်း

– တိုင်းပြည်ရဲ့ သုံးစွဲမှုတွေကို သိသိသာသာ လျှော့ချကာ ခြစားမှုကို တိုက်ဖျက်သွားမယ်လို့ ပါကစ္စတန်ဝန်ကြီးချုပ်သစ်ဖြစ်တဲ့ အင်မရန်းခန်းက မနေ့က နိုင်ငံတော်အခြေပြမိန့်ခွန်းမှာ ပြောကြားခဲ့ပါတယ်။

နာမည်ကျော် ခရစ်ကတ်ကစားသမားဟောင်းလည်းဖြစ်တဲ့ အင်မရန်းခန်းရဲ့ PTI ပါတီဟာ ပြီးခဲ့တဲ့လနှောင်းပိုင်းမှာ ပြုလုပ်ခဲ့တဲ့ အထွေထွေရွေးကောက်ပွဲမှာ မဲအများဆုံးရခဲ့ပြီး ပြီးခဲ့တဲ့တစ်ပတ်မှာ လွှတ်တော်က ၀န်ကြီးချုပ်အဖြစ် သူ့ကို အတည်ပြုခဲ့ပါတယ်။

မနေ့က နိုင်ငံတော်အခြေပြမိန့်ခွန်းမှာတော့ ခန်းဟာ တိုင်းပြည်ရဲ့ လိုငွေပြမှုကို ဖြေရှင်းရေး၊ နိုင်ငံရပ်ခြားမှာ ကြီးပွားနေတဲ့ နိုင်ငံသားတွေ ပြည်တွင်းပြန်လာရေးအပါအ၀င် ကိစ္စတော်တော်များများကို ထည့်သွင်းပြောကြားခဲ့ပါတယ်။

“ဒီကနေ့ ကျွန်တော်တို့ဟာ ပါကစ္စတန်သမိုင်းမှာ ဘယ်တုန်းကမှ မကြုံဖူးခဲ့တဲ့ စီးပွားရေးပြဿနာကို ကြုံနေရတာ ဖြစ်ပါတယ်” လို့ ခန်းကဆိုပြီး ၇ ရာစုက တမန်တော်မိုဟာမက် တည်ထောင်ခဲ့တဲ့ ‘အစ္စလာမ်အခြေပြု သာယာဝပြောတဲ့နိုင်ငံ’ မျိုး ဖန်တီးသွားမယ်လို့လည်း ကတိပြုခဲ့ပါတယ်။

“ကျွန်တော်တို့ဟာ ငွေမရှိဘဲ အကြွေးထူနေတဲ့ နိုင်ငံပါ။ ကျွန်တော်တို့ရဲ့ကလေးတွေ၊ ဆင်းရဲတဲ့ပြည်သူတွေ၊ လယ်သမားတွေကို ပံ့ပိုးဖို့ ကျွန်တော်တို့မှာ ငွေမရှိဘူး။ ပြည်သူတွေကို သန့်ရှင်းတဲ့ သောက်သုံးရေလည်း မပေးနိုင်ဘူး”

ဝန်ကြီးချုပ်ရုံးမှာ ရှိနေတဲ့ မော်တော်ကား အစီး ၈၀ ကျော်ကို လေလံပစ်သွားမှာဖြစ်ပြီး ၀န်ကြီးချုပ် တရားဝင်အသုံးပြုဖို့အတွက် ၂ စီးသာ ယူထားမယ်လို့လည်း အင်မရန်းခန်းက ထည့်သွင်းပြောဆိုခဲ့ပါတယ်။

ခန်းဟာ ၀န်ကြီးချုပ်နေအိမ်မှာ ခန့်ထားတဲ့ ၀န်ထမ်း ၅၂၄ ဦးက တော်တော်များများကိုလည်း အလုပ်ဖြုတ်ပစ်ဖို့ရှိနေပြီး တိုင်းပြည်က အခြားသောခေါင်းဆောင်တွေနဲ့ တာဝန်ရှိသူတွေ အတုယူစေဖို့အတွက် ဖြစ်တယ်လို့ ဆိုပါတယ်။

“ဒီလိုဆိုးရွားတဲ့အခြေအနေကနေ တိုင်းပြည်ကိုကယ်တင်ချင်ရင် ပထမဆုံး ကျွန်တော်တို့ဟာ အတွေးအခေါ်တွေ၊ အပြုအမူတွေကို ပြောင်းလဲဖို့ လိုအပ်ပါတယ်။ အရေးကြီးဆုံးက ကျွန်တော်တို့ရဲ့ နှလုံးသားထဲမှာ ကြင်နာသနားတတ်တဲ့စိတ်ကို ထည့်သွင်းဖို့ ဖြစ်ပါတယ်”

ပါကစ္စတန်ရဲ့ အိမ်နီးချင်းနိုင်ငံတွေနဲ့ ငြိမ်းချမ်းရေးကို ဆက်လက်ထိန်းသိမ်းဖို့၊ ရာသီဥတု ပြောင်းလဲမှုကို တိုက်ဖျက်ဖို့၊ လှုမှုဖူလှုံရေးစနစ် ပြုပြင်ပြောင်းလဲဖို့၊ ပညာရေးနဲ့ ကျန်းမာရေးကဏ္ဍတွေကို တိုးတက်အောင်လုပ်ဖို့ ခန်းက သူ့ရဲ့မိန့်ခွန်းမှာ ထည့်သွင်းပြောကြားခဲ့ပါတယ်။

ဥရောပမြောက်ပိုင်း စကင်ဒီနေးဗီယားဒေသက နိုင်ငံတွေရဲ့ အခွန်စနစ်နဲ့ လူမှုဖူလှုံရေးစနစ်တွေကို သဘောကျတယ်လို့လည်း ခန်းက ဆိုပါတယ်။

“သူတို့ဆီက တိရိစ္ဆာတွေဟာ ကျွန်တော်တို့ပြည်သူတွေထက် ပိုကောင်းတဲ့ဘ၀မျိုး ရနေပါတယ်”

Ref: Aljazeera