အမေရိကန်က သတိပေးထားသော်လည်း အိန္ဒိယက ရုရှားထံမှ ဒုံးခွင်းစနစ် ၀ယ်မည်

သြဂုတ် ၂၀၊ ၂၀၁၈
M-Media

– အိန္ဒိယနိုင်ငံနဲ့ ကာကွယ်ရေးဆိုင်ရာ သဘောတူညီချက်နှစ်ခုကို ဒီနှစ်နှောင်းပိုင်းမှာ အဆုံးသတ်ဖို့ရှိနေပြီး၊ ၂၀၂၀ ခုနှစ်မှာ S-400 လေကြောင်းရန် ကာကွယ်ရေးစနစ်ကို စတင်ပေးပို့သွားဖို့ရှိတယ်လို့ ရုရှား ကာကွယ်ရေး တာဝန်ရှိသူတစ်ဦးက ပြောကြားလိုက်ပါတယ်။

အခုနှစ်အစောပိုင်းမှာ အိန္ဒိယဟာ S-400 ဒုံးခွင်းစနစ် ၀ယ်ယူရေးအပါအ၀င် ရုရှားနဲ့ ကာကွယ်ရေးဆိုင်ရာ သဘောတူညီချက်တွေ ရရှိခဲ့ပါတယ်။

ဒါပေမယ့် အမေရိကန်က ဒီသဘောတူညီချက်ကို ပယ်ဖျက်ဖို့ အိန္ဒိယကို သတိပေးခဲ့ပြီး မလိုက်နာရင် ပိတ်ဆို့မှုတွေ ပြုလုပ်မယ်လို့ ပြောကြားခဲ့ပါတယ်။

ရုရှား စစ်ဖက်ဆိုင်ရာ နည်းပညာပူးပေါင်းဆောင်ရွက်ရေးဌာန (FSMTC) ရဲ့ ညွှန်ကြားရေးမှူးဖြစ်သူ ဒီမီထရီ ရှူဂေ့ဗ်က S-400 စနစ်နဲ့ပတ်သက်တဲ့ သဘောတူညီချက်ကို လက်မှတ်ထိုးဖို့အတွက် အားလုံး ပြင်ဆင်ထားတယ်လို့ ဆိုပါတယ်။

“နည်းစနစ်ပိုင်းဆိုင်ရာနဲ့ စီးပွားရေးပိုင်းဆိုင်ရာ အဓိက သဘောတူညီချက်တွေအားလုံး ရရှိပြီးပါပြီ။ လက်မှတ်ထိုးဖို့ တော်တော်လေးကို နီးစပ်နေပါပြီ။ အခုနှစ်နှောင်းပိုင်းမှာ အိန္ဒိယနဲ့ သဘောတူညီချက် နှစ်ခုစလုံးကို လက်မှတ်ထိုးနိုင်မယ်လို့ မျှော်လင့်ပါတယ်”

အိန္ဒိယရဲ့ တောင်းဆိုမှုကို လေကြောင်းရန် ကာကွယ်ရေးစနစ်ကို ဈေးလျော့ပေးသွားမယ်လို့လည်း ရှူဂေ့ဗ်က ပြောကြားခဲ့ပါတယ်။

အမေရိကန်ရဲ့ သတိပေးမှုနဲ့ပတ်သက်ပြီး အိန္ဒိယကာကွယ်ရေးဝန်ကြီး နီရ်မာလာ စီသာရာမန်က ကာလရှည်ရှိခဲ့တဲ့ အိန္ဒိယနဲ့ ရုရှားတို့ရဲ့ ပူးပေါင်းဆောင်ရွက်မှုတွေကို အမေရိကန်ကို နားလည်အောင် ရှင်းပြထားကြောင်း၊ အမေရိကန်ရဲ့ ခြိမ်းခြောက်မှုဟာ အိန္ဒိယ-ရုရှား နှစ်နိုင်ငံ ပူးပေါင်းဆောင်ရွက်မှုကို ထိခိုက်နိုင်မှာမဟုတ်ကြောင်း ပြန်လည်တုန့်ပြန်ခဲ့ပါတယ်။

Ref: RT