ချင်းပြည်နယ်တွင် ကလေးများ အဟာရချို့တဲ့မှု တစ်နိုင်ငံလုံးထက် ပိုမိုဆိုးဝါး

သြဂုတ် ၂၃၊ ၂၀၁၈
M-Media

ချင်းပြည်နယ်မှ သားအမိနှစ်ဦး (Photo credit – Myanmar Times)

– ချင်းပြည်နယ်က ကလေးတွေရဲ့ ကြီးထွားမှုနှုန်းနှေးကွေးမှုဟာ နိုင်ငံရဲ့ ပျမ်းမျှနှုန်းထက် တော်တော်လေးကို မြင့်များနေတယ်လို့ ကုလကစီမံတဲ့ Livelihood and Food Security Trust Fund (LIFT) အဖွဲ့ရဲ့ စစ်တမ်းကောက်ယူမှုမှာ တွေ့ရပြီး ဒါဟာ အဟာရချို့တဲ့မှု ကျယ်ကျယ်ပြန့်ပြန့် ဖြစ်နေတာကို ပြသနေတာဖြစ်တယ်လို့ ဆိုပါတယ်။

စစ်တမ်းကောက်ယူမှုကို ပြီးခဲ့တဲ့နှစ်မှာ ပြုလုပ်ခဲ့တာဖြစ်ပြီး ပြည်နယ်တစ်ဝှမ်းက ရပ်ကွက်နဲ့ ကျေးရွာ ၁၈၉ ခုက လူပေါင်း ၂၅၈၅ ဦးကို လေ့လာမေးမြန်းရာမှာ ၅ နှစ်အောက် ကလေးတွေရဲ့ ကြီးထွားမှုနှုန်း နှေးကွေးမှုဟာ ၃၇.၁ ရာခိုင်နှုန်း ရှိနေတယ်ဆိုတာကို တွေ့ခဲ့ရပါတယ်။ နိုင်ငံတစ်ဝှမ်း ပျမ်းမျှ ကြီးထွားမှုနှုန်း နှေးကွေးမှုဟာ ၂၉.၂ ရာခိုင်နှုန်း ရှိနေတာပါ။

LIFT ရဲ့ အစီရင်ခံစာထုတ်ပြန်ပွဲမှာ ဗြိတိသျှသံအမတ်ပြီး ဒန်နီယဲလ် ချက်ဂ်က အဟာရချို့တဲ့မှုပြဿနာဟာ မြန်မာနိုင်ငံမှာ အရေးတကြီး ဖြေရှင်းရမယ့် ကိစ္စတစ်ခုဖြစ်ကြောင်း၊ ချင်းပြည်နယ်က ကလေး ၃ ဦးမှာ တစ်ဦးဟာ အဟာရချို့တဲ့နေပြီး ဒါဟာ တစ်နိုင်ငံလုံးကို ထိခိုက်နိုင်ကြောင်း ပြောကြားခဲ့ပါတယ်။

“ဒီလိုဖြစ်တဲ့လူဟာ ဘ၀မှာ အခွင့်အရေးတွေ ဆုံးရှုံးပြီး တိုင်းပြည်တစ်ခုလုံးကိုလည်း ထိခိုက်စေနိုင်ပါတယ်။ တုန်လှုပ်စရာကောင်းပေမယ့် ကုသလို့တော့ ရပါသေးတယ်”

အဟာရချို့တဲ့မှု ပြဿနာကို ဖြေရှင်းဖို့အတွက် ကန်ဒေါ်လာ ၆ ဘီလီယံလောက် လိုအပ်မှာဖြစ်ပြီး ကလေးတွေကို မွေးပြီး ရက် ၁၀၀ အတွင်းမှာ အဟာရပြည့်ဝအောင် ဆောင်ရွက်ပေးရမယ်လို့လည်း သံအမတ်က ဆိုပါတယ်။

“ကြီးထွားမှုနှုန်း နိမ့်ပါးတာကို လျှော့ချမယ်ဆိုရင် ကလေးတွရဲ့ဘ၀ဟာ အခုထက် ၁၀ ဆလောက် တိုးတက်လာပါလိမ့်မယ်။ ဒီပြဿနာကို ဖြေရှင်းဖို့အတွက် မိခင်တွေကို အဟာရဆိုင်ရာ မှန်ကန်တဲ့ အသိတွေရအောင် ပညာပေးရပါမယ်”

မြန်မာနိုင်ငံရဲ့ ကျေးလက်ဒေသက ချို့တဲ့တဲ့ လယ်သမားတွေ၊ လယ်ပိုင်ယာပိုင်မရှိသူတွေကို ကူညီပေးနေတဲ့ LIFT အဖွဲ့ကို ဗြိတိန်က အများဆုံး ထောက်ပံ့နေပြီး သြစတေးလျ၊ ဒိန်းမတ်၊ ဥရောပသမဂ္ဂ၊ ပြင်သစ်၊ အိုင်ယာလန်၊ အီတလီ၊ လူဇင်ဘတ်၊ နယ်သာလန်၊ နယူးဇီလန်၊ ဆွီဒင်၊ ဆွစ်ဇာလန်နဲ့ အမေရိကန်တို့ကလည်း ငွေကြေးထည့်ဝင်နေပါတယ်။

၂၀၁၇ ခုနှစ် ဇွန်လကစတင်ပြီး LIFT ဟာ ချင်းပြည်နယ်တစ်ဝှမ်းက ကိုယ်ဝန်ဆောင် အမျိုးသမီးတွေနဲ့ အသက် ၂ နှစ်ယောက် ကလေးမိခင်တွေကို ငွေကြေးထောက်ပံ့မှုတွေ လုပ်နေပါတယ်။

Ref : mmtimes