ထိုင်းတွင် ကိုရင်တစ်ပါးကို ဘုန်းကြီးက ၀ါရင်းတုတ်ဖြင့် ရိုတ်သတ်မှုဖြစ်

သြဂုတ် ၂၄၊ ၂၀၁၈
M-Media

ထိုင်းနိုင်ငံမှ ဘုန်းတော်ကြီးများ

– ထိုင်းနိုင်ငံ ကန်ချာနာဘူရီက ဘုန်းကြီးကျောင်းတစ်ခုမှာ ဘုန်းကြီးတစ်ပါးက ကိုရင်တစ်ပါးကို ၀ါးရင်းတုတ်နဲ့ ရိုက်နှက်သတ်ဖြတ်မှု ဖြစ်ပွားခဲ့တယ်လို့ ထိုင်းအာဏာပိုင်တွေက ဒီကနေ့မှာ ပြောကြားလိုက်ပါတယ်။

ပြီးခဲ့တဲ့ တနင်္ဂနွေနေ့က ဘုရားရှိခိုးချိန်မှာ Wattanapol Sisawad ဆိုတဲ့ အသက်ကိုးနှစ်အရွယ် ကိုရင်လေးဟာ ဆော့ကစားတယ်ဆိုပြီး သက်တော် ၆၄ နှစ်ရှိတဲ့ ဘုန်းတော်ကြီး Suphachai Suthiyano က ကျောကုန်းကို ၀ါရင်းတုတ်နဲ့ အကြိမ်ပေါင်းများစွာ ရိုက်နှက်ခဲ့ကာ ခေါင်းကိုလည်း တိုင်နဲ့ ဆောင့်ခဲ့ပါတယ်။

အဲဒီနောက် ကိုရင်ဟာ သတိလစ်မေ့မြောသွားခဲ့ပြီး ဆေးရုံတင်လိုက်ရကာ ကြာသာပတေးနေ့မှာ ကွယ်လွန်သွားခဲ့ပါတယ်။

ကျူးလွန်သူ ဘုန်းကြီး Suphachai Suthiyano ကို တနင်္ဂနွေနေ့မှာ ဖမ်းဆီးကာ သိက္ခာချခဲ့ပြီး အခုတစ်ပတ်အစောပိုင်းမှာ ‘သေစေလောက်သည်အထိ ပြင်းထန်စွာ နာကျင်စေမှု’ နဲ့ တရားစွဲဆိုထားပါတယ်။

သေဆုံးသူ ကိုရင်ရဲ့ မိခင်ဖြစ်သူက သူ့အနေနဲ့ ဒီဘုန်းကြီးကို ခွင့်လွှတ်မှာမဟုတ်ဘူးလို့ ပြောကြားခဲ့ပါတယ်။

ထိုင်းနိုင်ငံက သံဃာအသိုင်းအ၀ိုင်းမှာ စာရိတ္တပျက်ပြားမှု သတင်းတွေဟာ အခုနှစ်ပိုင်းမှာ ကျယ်ကျယ်လောင်လောင် ထွက်ပေါ်လာခဲ့ပါတယ်။

အခုလအစောပိုင်းမှာ ထိုင်းအစိုးရဟာ ကိုယ်ပိုင်ဂျက်လေယာဉ်တွေ၊ တန်ဖိုးကြီးပစ္စည်းတွေကို အသုံးပြုနေတဲ့ ဇိမ်ခံဘုန်းကြီတစ်ပါးကို လိမ်လည်မှု၊ ငွေကြေးခ၀ါချမှုတွေနဲ့ ထောင်ဒဏ် ၁၁၄ နှစ် ချမှတ်ခဲ့ပါတယ်။

ဘန်ကောက်က နာမည်ကျော် Golden Mount ဘုန်းကြီးကျောင်းက ကျောင်းထိုင်ဘုန်းကြီးတစ်ပါးကို စီးပွားရေး၊ နိုင်ငံရေးသမားတွေနဲ့ပေါင်းပြီး ငွေကြေးခ၀ါချမှုတွေ လုပ်တယ်ဆိုတဲ့ ကိစ္စနဲ့ မေလမှာ ဖမ်းဆီးခဲ့ပြီးနောက် သူ့ရဲ့ ဘဏ်အကောင့်မှာ ကန်ဒေါ်လာ ၄ သန်းကို တွေ့ရှိခဲ့ရပါတယ်။

ရာဇ၀တ်မှုမှတ်တမ်းရှိတဲ့ ဘုန်းကြီးတွေကို အလွယ်တကူ စောင့်ကြည့်နိုင်ဖို့အတွက် ထိုင်းအစိုးရဟာ ဘုန်းကြီးတွေအတွက် ဒစ်ဂျစ်တယ် မှတ်ပုံတင် ထုတ်ပေးတဲ့အစီအစဉ်ကို ပြီးခဲ့တဲ့နှစ်မှာ စတင်ခဲ့ပါတယ်။

Ref: CNA