နယ်သာလန်မှ တမန်တော်ကာတွန်းပြိုင်ပွဲကို ပါကစ္စတန်ပြည်သူများ ဆန့်ကျင်ဆန္ဒပြ

သြဂုတ် ၃၀၊ ၂၀၁၈
M-Media

ဆန္ဒပြမှု မြင်ကွင်းတစ်ခု

– နယ်သာလန်နိုင်ငံမှာ လာမယ့်လအတွင်း ကျင်းပပြုလုပ်ဖို့ စီစဉ်ထားတဲ့ တမန်တော်မိုဟာမက် ရုပ်ပြောင်ကာတွန်းပြိုင်ပွဲကို ဆန့်ကျင်တဲ့အနေနဲ့ ပါကစ္စတန်ပြည်သူ ထောင်ပေါင်းများစွာဟာ မြို့တော် အစ္စလာမ်မာဘတ်မှာကို ချီတက်လာကြပြီး နယ်သာလန်နဲ့ သံအဆက်အသွယ်ဖြတ်ဖို့ အစိုးရကို တောင်းဆိုနေပါတယ်။

အဲဒီ ရုပ်ပြောင်ကာတွန်းပြိုင်ပွဲကို မွတ်စလင်ဆန့်ကျင်ရေး အတိုက်အခံလွှတ်တော်အမတ် ဂါ့တ်ဝိုင်းလ်ဒါးက စီစဉ်တာဖြစ်ပါတယ်။

လာဟိုးရ်မြို့က Tehreek-e-Labbaik Pakistan (TLP) ပါတီဝင်တွေဟာ မနေ့ကစတင်ကာ မြို့တော်အစ္စလာမ်မာဘတ်ကို ချီတက်လာတာဖြစ်ပြီး တောင်းဆိုမှုတွေကို အစိုးရက မလုပ်ပေးဘူးဆိုရင် မြို့တော်ကို ပိတ်ဆို့ဖို့လည်း စီစဉ်ထားပါတယ်။

အစိုးရကတော့ ချီတက်သူတွေမရောက်ခင် မြို့တော်မှာ လုံခြုံရေးကို တိုးမြှင့်ချထားပြီး အဓိကလမ်းမတွေကိုလည်း ပိတ်ဆို့ဖို့ ပြင်ဆင်နေပါတယ်။

အစ္စလာမ်သာသနာမှာ တမန်တော်မိုဟာမက်ရဲ့ပုံ ရေးဆွဲထားကို တားမြစ်ထားပြီး ၀ိုင်းလ်ဒါးစီစဉ်တဲ့ ဒီပြိုင်ပွဲဟာ ဘာသာသာသနာတစ်ခုကို စော်ကားမှုဖြစ်တယ်လို့ TLP က ပြောကြားခဲ့ပါတယ်။

နယ်သာလန်ဝန်ကြီးချုပ် မာ့ခ် ရုတ်က ၀ိုင်းလ်ဒါးဟာ အစိုးရအဖွဲ့ဝင်မဟုတ်ဘူးလို့ဆိုကာ ဒီကိစ္စကို ကိုင်တွယ်တာမျိုး မလုပ်ပါဘူး။

နိုင်ငံခြားရေးဝန်ကြီး စတက်ဖ်ဘလော့က သူတို့တိုင်းပြည်ဟာ လွတ်လပ်စွာ ထုတ်ဖော်ပြောဆိုမှုကို အလေးထားတာကြောင့် ဒီပြိုင်ပွဲကို တားဆီးမှာမဟုတ်ဘူးလို့ ပြောကြားခဲ့ပါတယ်။

ပါကစ္စတန်အထက်လွှတ်တော်က ဒီကာတွန်းပြိုင်ပွဲကို ဆန့်ကျင်တဲ့ ဆုံးဖြတ်ချက်တစ်ခုကို တနင်္လာနေ့က အတည်ပြုခဲ့ပြီး၊ ၀န်ကြီးချုပ် အင်မရန်းခန်းကလည်း အစ္စလာမ်သာသနာကို စော်ကားမှုကို တားဆီးဖို့အတွက် ပေါ်လစီတစ်ခုကို မွတ်စလင်တိုင်းပြည်တွေက မချမှတ်နိုင်ခဲ့ဘူးလို့လည်း ဝေဖန်ခဲ့ပါတယ်။

Ref: Aljazeera