တိုင်းပြည်စီးပွားရေးအပေါ် ရခိုင်ပြဿနာ၏ ရိုက်ခတ်မှုကို လျှော့တွက်မိခဲ့သည်ဟု တာဝန်ရှိသူပြော

စက်တင်ဘာ ၆၊ ၂၀၁၈
M-Media

photo credit – Irrawaddy

– ရခိုင်ပြည်နယ် ပြဿနာကြောင့် တိုင်းပြည်ရဲ့ စီးပွားရေး ထိခိုက်နိုင်မှုကို မိမိအနေနဲ့ လျှော့တွက်မိခဲ့ပြီး၊ ရိုက်တာသတင်းဌာန ၂ ဦးကို ထောင်ချလိုက်တာကလည်း နိုင်ငံဂုဏ်သိက္ခာကို ထိခိုက်မှုရှိတယ်လို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာန(DICA) က ညွှန်ကြားရေးမှူးချုပ် ဦးအောင်နိုင်ဦးက ပြောကြားလိုက်ပါတယ်။

မနေ့က စင်ကာပူနိုင်ငံမှာ ပြုလုပ်တဲ့ ရင်းနှီးမြှုပ်နှံမှုဖိုရမ်က မေးခွန်းတစ်ခုကို ဖြေကြားရာမှာ ညွှန်ကြားရေးမှူးက ဒီလို ပြောကြားလိုက်တာဖြစ်ပြီး လူမျိုးရေးတင်းမာမှုတွေကို အစိုးရက ထိန်းချုပ်နိုင်ခဲ့ပေမယ့် ရခိုင်ကိစ္စက တစ်မူထူးတယ်လို့ ဆိုပါတယ်။

“ကျွန်တော် လုံးဝ လျော့တွက်မိခဲ့ပါတယ်။ ဒါပေမယ့် ၂ နှစ်ကြာပြီးတဲ့နောက်မှာ မြန်မာနိုင်ငံက FDI (တိုက်ရိုက် နိုင်ငံခြားရင်းနှီးမြှုပ်နှံမှု) ကျဆင်းသွားတာကို မြင်ရတယ်။ ဆက်ပြီးလည်း ကျဆင်းနေပါတယ်” လို့ ၂၀၁၆ ခုနှစ်က စတင်ခဲ့တဲ့ ရခိုင်ပြည်နယ်က အကြမ်းဖက်မှုကိစ္စကို ရည်ညွှန်းပြီး ပြောကြားခဲ့ပါတယ်။

DICA ရဲ့ ထုတ်ပြန်မှုအရ ၂၀၁၆ ခုနှစ်နဲ့ ၂၀၁၇ ခုနှစ်တွေမှာ မြန်မာနိုင်ငံကို နိုင်ငံခြား ရင်းနှီးမြှုပ်နှံမှု ၀င်ရောက်မှုဟာ ကျဆင်းသွားပြီး၊ ပြီးခဲ့တဲ့နှစ်ဟာ ၂၀၁၃ ခုနှစ်နောက်ပိုင်း အဆိုးဝါးဆုံး ကျဆင်းတဲ့နှစ် ဖြစ်ပါတယ်။

ရခိုင်ပြည်နယ်မှာ အစုလိုက်အပြုံလိုက် သတ်ဖြတ်မှုတစ်ခုကို ဖော်ထုတ်ခဲ့တဲ့ ရိုက်တာသတင်းထောက် ၂ ဦးဟာ တနင်္လာနေ့မှာ ထောင်ဒဏ် ၇ နှစ် ချမှတ်ခံခဲ့ရပါတယ်။

ဦးအောင်နိုင်ဦးကတော့ ဒီကိစ္စကို နိုင်ငံတကာ သတင်းမီဒီယာတွေက ကျယ်ကျယ်ပြန့်ပြန့် ဖော်ပြခဲ့ကြတာကြောင့် အနောက်နိုင်ငံက ရင်းနှီးမြှုပ်နှံသူတွေအနေနဲ့ မြန်မာနိုင်ငံကို လာရောက်ဖို့ဆိုရင် ဒီအချက်ကို ထည့်စဉ်းစားကြလိမ့်မယ်လို့ ပြောကြားခဲ့ပါတယ်။

“နိုင်ငံတကာ အသိုင်းအ၀ိုင်းကတင်မက ပြည်တွင်းကတစ်ချို့လည်း ဒီလိုထောင်ချမှုကို မကြိုက်ကြပါဘူး။ ဒါ့ကြောင့် ဒါဟာ ကျွန်တော်တို့နိုင်ငံရဲ့ ဂုဏ်သိက္ခာအပေါ် ထိခိုက်မှုတစ်ချို့ ရှိလာပါလိမ့်မယ်”

Ref: Irrawaddy