နော်ဝေရှိ မြို့တစ်မြို့တွင် မွတ်စလင်များ၏ ကင်းလှည့်အစီအစဉ်ကြောင့် ရာဇ၀တ်မှုများ လျော့ကျ

စက်တင်ဘာ ၆၊ ၂၀၁၈
M-Media

ကရစ်ရှန်ဆန်းမြို့မြင်ကွင်း

– နော်ဝေနိုင်ငံက ပဉ္စမအကြီးဆုံးမြို့ ကရစ်ရှန်ဆန်းမှာ အပတ်စဉ် မွတ်စလင်လူ့အဖွဲ့အစည်းက လုပ်ဆောင်တဲ့ ကိုယ်ထူကိုယ်ထ ကင်းလှည့်စောင့်ကြည့်အရေး အစီအစဉ်ကြောင့် ရာဇ၀တ်မှုတွေ သိသိသာသာ ကျဆင်းလာခဲ့ပြီး အာဏာပိုင်တွေရဲ့ ချီးကျူးမှုကိုလည်း ရရှိနေပါတယ်။

၂၀၁၇ ခုနှစ်အတွင်း ကရစ်ရှန်ဆန်းမှာ ရာဇ၀တ်မှုကျူးလွန်သူ လူငယ် အရေအတွက်ဟာ ၂၄၀ လောက် ရှိတာကို တွေ့ခဲ့ရပြီးတဲ့နောက် မြို့တွင်းက မွတ်စလင်အကြီးအကဲတွေဟာ လူငယ်တွေကို ထိန်းကျောင်းနိုင်ဖို့အတွက် ရပ်ကွက်တွေမှာ ကိုယ်ထူကိုယ်ထ ကင်းလှည့်စောင့်ကြည့်ရေး အစီအစဉ်တစ်ခုကို စတင် ဆောင်ရွက်ခဲ့ပါတယ်။

အစီအစဉ် စတင်သူတွေထဲမှာ ပါဝင်ခဲ့တဲ့ မွတ်စလင်သမဂ္ဂဥက္ကဌ တာလာဟ်ဟိုက်ဒါက လူငယ်တွေနဲ့ ဆက်ဆံရေးတစ်ခု ထူထောင်ခဲ့ပြီး၊ နားလည်မှုရအောင် ဆောင်ရွက်ခဲ့တယ်လို့ ပြောကြားခဲ့ပါတယ်။

မြို့တွင်းက လူငယ်တွေကို အသိပညာပေးဖို့ မစွမ်းဆောင်နိုင်ဘူးလို့ ၀န်ခံထားတဲ့ ကရစ်ရှန်ဆန်းမြို့ ရဲတပ်ဖွဲ့နဲ့ စည်ပင်သာယာရေးဌာနကတို့ကတော့ မွတ်စလင်လူ့အဖွဲ့အစည်းရဲ့ ဒီ ကိုယ်ထူကိုယ်ထ ကင်းလှည့်မှုကို ချီးကျူးခဲ့ပါတယ်။

“သိသာတဲ့ရလဒ်မျိုးတွေ ရခဲ့တယ်။ လူငယ်တွေဟာ ရဲတွေထက်စာရင် သူတို့ရဲ့ ခေါင်းဆောင်တွေကို ပိုလေးစားပြီး၊ စကားလည်း ပိုနားထောင်ပါတယ်။ အဲဒီအစီအစဉ်စကတည်းက မြို့ဟာ လုံးဝ ပြောင်းလဲသွားပါတယ်” လို့ မြို့တော်ရဲတပ်ဖွဲ့ အကြီးအကဲ အိုလေး ဟိုတီမိုက ဆိုပါတယ်။

တာလာလ် ဟိုက်ဒါဟာ မြို့တွင်းမှာရှိတဲ့ လူနည်းစုလူ့အဖွဲ့အစည်းတွေဟာ ရဲတပ်ဖွဲ့အပေါ် အမြင်မကောင်းကြောင်း၊ ဒီအမြင်တွေ ပြောင်းလဲဖို့အတွက် သူတို့ ကြိုးစားနေကြောင်း ထည့်သွင်းပြောဆိုခဲ့ပါတယ်။

ကရစ်ရှန်ဆန်းမြို့တော်စည်ပင်က ရာဇ၀တ်မှုဆိုင်ရာ တာဝန်ရှိသူ ဂျိုဟန်နီ ဘနီတက်စ် နီလ်ဆန်က မြို့မှာ ကိုယ်ထူကိုယ်ထ လှည့်ကင်းအစီအစဉ်ကြောင့် ရာဇ၀တ်မှုနည်းသွားတယ်လို့ ပြောကြားခဲ့ပါတယ်။

“မွတ်စလင်ခေါင်းတောင်တွေကို တော်တော်လေး ကျေးဇူးတင်ရမှာပါ။ ကျွန်မတို့ဟာ မွတ်စလင်ခေါင်းဆောင်တွေ၊ မိဘတွေနဲ့ ဆွေးနွေးခဲ့ပြီး သိသာတဲ့ အောင်မြင်မှုမျိုးလည်း ရရှိခဲ့ပါတယ်။ သူတို့ကိုပဲ ကျွန်မတို့ အားထားနေရတာပါ”

နော်ဝေနိုင်ငံတောင်ပိုင်းမှာရှိတဲ့ ကရစ်ရှန်ဆန်းမြို့ဟာ လူဦးရေ ၉ သောင်း နေထိုင်တဲ့မြို့ဖြစ်ပြီး ၁၅ ရာခိုင်နှုန်းက တစ်ခြားနိုင်ငံကနေ ပြောင်းရွှေ့အခြေချသူတွေ ဖြစ်ပါတယ်။

Ref: Sputnik News