ဧရာဝတီတိုင်းတွင် ရေတိုက်စားကမ်းပြိုမှုကြောင့် ရွာလုံးကျွတ်လိုက် ရွှေ့ပြောင်းရမှုများ ရှိလာ

စက်တင်ဘာ ၁၀၊ ၂၀၁၈
M-Media

Photo Credit – Irrawaddy

– ဧရာဝတီတိုင်းဒေသကြီးမှာ မြစ်ကမ်းပါးတွေ ရေတိုက်စားပြိုကျမှုဟာ ပြီးခဲ့တဲ့နှစ်ကထက် ၄ ဆ ပိုဆိုးလာတယ်လို့ တိုင်းဒေသကြီး သဘာဝဘေးအန္တရာယ် စီမံခန့်ခွဲရေးစင်တာက ပြောကြားလိုက်ပါတယ်။

၂၀၁၆-၁၇ ဘဏ္ဍာရေးနှစ်မှာ ကမ်းပါးပြိုမှု ၅၇ ခု သာ ရှိခဲ့ရာကနေ ၂၀၁၇-၁၈ ဘဏ္ဍာရေးမှာ ၂၆၆ ခုအထိ ရှိလာခဲ့တာ ဖြစ်ပါတယ်။

“တိုင်းဒေသကြီးအတွင်း ကမ်းပါးပြိုမှုတွေဟာ လတ်တလောမှာ တော်တော်များများ ဖြစ်လာပါတယ်” လို့ စင်တာရဲ့ ညွှန်ကြားရေးမှူး ဦးသန်းစိုးက ပြောကြားခဲ့ပါတယ်။

တိုင်းဒေသကြီးအတွင်း ခရို ၆ ခုရှိရာမှာ ဟင်္သာတခရိုင်က ကမ်းပါးပြိုမှု အရေအတွက် ၁၉၁ ကြိမ်ရှိပြီး အများဆုံး ဖြစ်ပါတယ်။ မအူပင်ခရိုင်မှာ ၅၇ ခု ရှိပြီး ပုသိမ်၊ မြောင်းမြနဲ့ လပွတ္တာတို့မှာလည်း ကမ်းပါးပြိုကျမှုတွေ ဖြစ်ပွားခဲ့ပါတယ်။ ဖျာပုံခရိုင်မှာတော့ ကမ်းပါးပြိုမှု မရှိပါဘူး။

ဧရာဝတီတိုင်းဒေသကြီးမှား မြစ်ကမ်းပါးတွေ ရေတိုက်စားမှုကြောင့် ပြိုကျတဲ့ အဖြစ်အပျက်တွေဟာ ၂၀၁၅ ခုနှစ်ကတည်း ခပ်စိပ်စိပ် ဖြစ်ပွားခဲ့ပြီး ရွာလုံးကျွတ်လိုက် ပြောင်းရွှေ့ရတာတွေ ရှိလာခဲ့ပါတယ်။

၂၀၁၈-၁၉ ဘဏ္ဍာရေးနှစ်အတွင်း ဧရာဝတီတိုင်းဒေသကြီးမှာ ဖြစ်ပွားခဲ့တဲ့ သာဘ၀ဘေးအန္တရာယ်တွေထဲမှာ ရေတိုက်စားမှုကြောင့် မြစ်ကမ်းပါးပြိုကျမှုဟာ ၄၉ ရာခိုင်နှုန်း ရှိနေပါတယ်။ လေပြင်းတိုက်ခတ်မှု ၂၆ ရာခိုင်နှုန်း ရှိနေပါတယ်။

“ရေတိုက်စားပြီး ကမ်းပါးတွေ ပြိုတာကြောင့် ၂၀၁၅ ခုနှစ်ကတည်းကစပြီး အိမ်ပြောင်းရတာတွေ ဖြစ်လာတယ်။ (၂၀၁၈) ဇွန်လမှာ အခြေအနေက ပိုဆိုးလာပြီး ရွာမှာ ကျန်နေတဲ့အိမ်တွေအားလုံး ပြောင်းရွှေ့လိုက်ရပါတယ်။ အခုဆိုရင် ရွာမှာရှိတဲ့ အိမ်ခြေ ၂၀၀ လုံး ပြောင်းလိုက်ရပါပြီ” လို့ ပန်းတနော်မြို့နယ် ရွှေဖလားကျောင်းရွာက ရပ်မိရပ်ဖတစ်ဦးဖြစ်သူ ဦးမျိုးသန့်က ပြောကြားခဲ့ပါတယ်။

ဧရာဝတီတိုင်းဒေသကြီးမှာ ၂၀၁၇-၁၈ ဘဏ္ဍာရေးနှစ်အတွင်း မိုးကြိုးပစ်မှု ရေကြီးရေလျှံမှုတို့ အပါအ၀င် သဘာဝဘေးအန္တရာယ်ဒဏ်ကို အိမ်ထောင်စု ၂၃၀၀၀ က လူပေါင်း ၉၂၇၀၅ ဦး ခံစားခဲ့ရပါတယ်။

တိုင်းဒေသကြီး သဘာဝဘေးအန္တရာယ် စီမံခန့်ခွဲရေးစင်တာက ၂၀၁၇-၁၈ ဘဏ္ဍာရေးနှစ်အတွင်း သဘာဘေးအန္တရာယ်ဒဏ် ခံစားခဲ့ရသူတွေအတွက် အစိုးရက ငွေကျပ်သန်းပေါင်း ၇၂၀ ထောက်ပံ့ပေးခဲ့တယ်လို့ ပြောကြားခဲ့ပါတယ်။

Ref: Irrawaddy