ကိုယ်ပျောက် ရေငုပ်သင်္ဘောတစ်စီးကို ရုရှားထုတ်ပြ

စက်တင်ဘာ ၂၁၊ ၂၀၁၈
M-Media

– ရေအောက်ထဲမှာ ရန်သူတွေမသိအောင် ကိုယ်ဖျောက်နိုင်ပြီး ခရုဇ်ဒုံးကျည်တွေကို အတွဲလိုက်ပစ်လွှတ်နိုင်မယ့် ရေငုပ်သင်္ဘောတစ်စီးကို ရုရှားကာကွယ်ရေးဝန်ကြီးဌာနက မနေ့မှာ ထုတ်ပြလိုက်ပါတယ်။

Kronstadt လို့ အမည်ပေးထားတဲ့ အဲဒီသင်္ဘောမှာ တိကျမှုမြင့်မားတဲ့ ခရုဇ်ဒုံးကျည်တွေ၊ တော်ပီဒိုတွေ၊ ရေငုပ်မိုင်းတွေ တပ်ဆင်ထားပြီး ရေအောက်ထဲမှာ ဆူညံမှုမရှိတဲ့ ပစ်မှတ်တွေကို တော်တော်ဝေးဝေးကနေ ပစ်ခတ်နိုင်တယ်လို့ ဆိုပါတယ်။ သင်္ဘောရဲ့စွမ်းအင်စနစ်ကတော့ ဒီဇယ်-လျှပ်စစ်စနစ် ဖြစ်ပါတယ်။

ရေငုပ်သင်္ဘောမှာ အသုံးပြုထားတဲ့ စနစ်တွေဟာ အလွန်အဆင့်မြင့်တာကြောင့် ရန်သူသင်္ဘောတွေဟာ Kronstadt ကို ထောက်လှမ်းနိုင်မှာ မဟုတ်ဘူးလို့ ကာကွယ်ရေးဝန်ကြီးဌာနက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ဒီရေငုပ်သင်္ဘောက ခရုဇ်ဒုံးကျည်တွေကို အတွဲလိုက် ပစ်လွှတ်နိုင်တဲ့အတွက် ရန်သူတွေဟာ ကာကွယ်ဖို့အတွက် အခွင့်အလမ်း နည်းပါတယ်။

Kronstadt ဟာ ရေတပ်အခြေစိုက်စခန်းတွေကို ကာကွယ်ဖို့၊ ထောက်လှမ်းဖို့နဲ့ ရန်သူ့သေင်္ဘာတွေ၊ ရေငုပ်သင်္ဘောတွေကို တုန့်ပြန်တိုက်ခိုက်ဖို့ အသုံးပြုနိုင်မယ်လို့လည်း ရုရှားကာကွယ်ရေးဝန်ကြီးဌာနက ပြောကြားခဲ့ပါတယ်။

Ref: RT