အရက်အတုရောင်းသူများကို ပြင်းပြင်းထန်ထန်အပြစ်ပေးရန် မလေးအန်ဂျီအို တောင်းဆို

စက်တင်ဘာ ၂၃၊ ၂၀၁၈
M-Media

– နိုင်ငံအတွင်း အရက်တွေကို ခိုးသွင်းသူတွေ၊ အရက်အတုရောင်းသူတွေကို ကြီးလေးတဲ့အပြစ်ပေးဖို့ မလေးရှား ရာဇ၀တ်မှုတားဆီးရေး ဖောင်ဒေးရှင်း MCPE က အစိုးရကို ဒီကနေ့မှာ တိုက်တွန်းလိုက်ပါတယ်။

အခုတစ်ပတ်အစောပိုင်းမှာ ကွာလာလမ်ပူမြို့ ဆင်ခြေဖုံးဒေသတစ်ခုမှာ အရက်အတုတွေ သောက်သုံးမှုကြောင့် ၂၄ ဦးသေဆုံးကာ အများအပြား ဆေးရုံတင်ထားရပါတယ်။

အစိုးရမဟုတ်တဲ့ အဖွဲ့အစည်း MCPE ရဲ့ ဒုတိယဥက္ကဌ လီလန်သိုင်က နိုင်ငံအတွင်း အရက်ရောင်းချသူတွေ မြင့်တက်လာပြီး အာဏာပိုင်တွေက ထိထိရောက်ရောက် စောင့်ကြည့်တာမျိုး မရှိတာကြောင့် အရက်နဲ့ပတ်သက်တဲ့ လက်ရှိဥပဒေတွေကို ပြင်ဆင်ရမယ်လို့ ပြောကြားခဲ့ပါတယ်။

“ဆိုင်တော်တော်များများဟာ တရားမ၀င်သွင်းထားတဲ့ အရက်တွေနဲ့ အရက်အတုတွေကို ရောင်းနေကြပြီး အာဏာပိုင်တွေကလည်း အရက်ရောင်းချမှုကို ထိန်းချုပ်နိုင်ခြင်း မရှိတဲ့အတွက်ကြောင့် အခုလို အရက်အဆိပ်ဖြစ်သေဆုံးမှု ဖြစ်လာတာဖြစ်တယ်လို့ ကျွန်တော် ယုံကြည်ပါတယ်”

ကွာလာလမ်ပူမှာ သေဆုံးသွားသူတွေနဲ့ ဆေးရုံတင်ထားရသူတွေဟာ မလေးရှား၊ မြန်မာ၊ နီပေါနဲ့ ဘင်္ဂလားဒေ့ရ်ှနိုင်ငံသားတွေဖြစ်ပြီး Mandalay Whiskey၊ King Fisher Beer နဲ့ Grand Royal Whiskey တွေကို သောက်သုံးပြီးတဲ့နောက် ဒီလိုဖြစ်ခဲ့တာပါ။

အရက်အလွန်အကျွံသောက်သုံးမှုနဲ့ ဆက်စပ်နေတဲ့ မိသားစုပြဿနာတွေ၊ ကျောင်းသားတွေ အဆင့်ကျမှုတွေ၊ ယာဉ်မတော်တဆမှု၊ လေယာဉ်ပျံမတော်တဆဖြစ်မှုတွေကို ဖြေရှင်းဖို့အတွက် မလေးရှားနိုင်ငံသားတွေအနေနဲ့ အစိုးရကို ကူညီဖို့ လီက ထည့်သွင်းတိုက်တွန်းခဲ့ပါတယ်။

ပဲရက်ပြည်နယ်မှာလည်း မနေ့က အရက်အဆိပ်သင့်မှုတစ်ခု ဖြစ်ခဲ့ပြီး မလေးရှားနိုင်ငံသားတစ်ဦး ဆေးရုံတင်ထားရပါတယ်။

ကွာလာလမ်ပူ၊ ဆီလန်ဂေါနဲ့ ပဲရက်တို့မှာ လတ်တလော အရက်အဆိပ်သင့်မှုကြောင့် သေဆုံးသူအရေအတွက်ဟာ ၃၆ ဦးအထိ ရှိလာပြီ ဖြစ်ပါတယ်။

Ref: CNA