ဆော်ဒီ လူ့အခွင့်အရေး တက်ကြွလှုပ်ရှားသူ ၃ ဦး ထိပ်တန်းဆုတစ်ခု ရရှိ

စက်တင်ဘာ ၂၄၊ ၂၀၁၈
M-Media

– ကမ္ဘာထိပ်တန်း လူမှုအကျိုးပြုဆုတစ်ခုဖြစ်တဲ့ Right Livelihood Award အတွက် အကျဉ်းကျနေတဲ့ ဆော်ဒီလူ့အခွင့်အရေး တက်ကြွလှုပ်ရှားသူ ၃ ဦး ရွေးချယ်ခံခဲ့ရပါတယ်။

Right Livelihood Award ဆုကို ‘ဒုတိယနိုဘယ်ဆု’ လို့လည်းခေါ်ဆိုပြီး ၁၉၈၀ ခုနှစ်မှာ ဂျာမန်-ဆွီဒင် ပရဟိတသမား Jakob von Uexkull က စတင်ဖန်တီးခဲ့ကာ ကမ္ဘာတစ်ဝှမ်း ရင်ဆိုင်နေရတဲ့ စိန်ခေါ်မှုတွေကို လက်တွေ့ကျကျ ဖြေရှင်းနိုင်စွမ်းရှိတဲ့ သူတွေကို ရွေးချယ်ချီးမြှင့်တာ ဖြစ်ပါတယ်။

ယခုနှစ်အတွက် ဆုရရှိသူ ဆော်ဒီ လူ့အခွင့်အရေး တက်ကြွလှုပ်ရှားသူ ၃ ဦးဟာ အဘ်ဒူလာ အလ်-ဟာမစ်၊ မိုဟာမက် ဖာဟဒ် အလ်-ကွတာနီနဲ့ ၀ါလစ် အဘူ အလ်-ခိုင်ရ်တို့ ဖြစ်ကြပါတယ်။

Right Livelihood Award ကတော့ သူတို့တွေဟာ ဆော်ဒီအာရေဗျက မိသားစုတစ်စု ကြီးစိုးတဲ့ နိုင်ငံရေးစနစ်ကို ပြုပြင်ပြောင်းလဲရေး ရည်မှန်းချက်ကြီးကြီး၊ သတ္တိရှိရှိ ကြိုးစားသူတွေ ဖြစ်တယ်လို့ ပြောကြားခဲ့ပါတယ်။

“ရွေးချယ်ခံရသူ ၃ ဦးဟာ အာဏာရှင်စနစ်ကို ငြိမ်းချမ်းတဲ့နည်းလမ်းနဲ့ စိတ်ခေါ်ကာ ကမ္ဘာလုံးဆိုင်ရာ လူ့အခွင့်အရေးရဖို့၊ စည်းမျဉ်းခံဘုရင်စနစ် ထူထောင်ဖို့ ဆော်သြခဲ့ကြသူတွေ ဖြစ်ပါတယ်။ လူအများပါဝင်တဲ့ ဒီမိုကရက်တစ် လူ့အဖွဲ့အစည်းတစ်ရပ်ကို ထူထောင်ဖို့ သူတို့ရဲ့ ရဲရဲဝင့်ဝင့်ကြိုးပမ်းမှုကြောင့် ၁၀ နှစ်ကနေ ၁၅ နှစ်အထိ ထောင်ဒဏ်တွေ ချခံထားရပြီး အခု ထောင်ထဲမှာ ဖြစ်ပါတယ်” လို့ ဆုရွေးချယ်ရေးအဖွဲ့က ပြောကြားခဲ့ပါတယ်။

အလ်-ကွာတာနီနဲ့ အလ်-ဟာမစ်တို့ဟာ HASEM ‘လို့ခေါ်တဲ့ ဆော်ဒီ နိုင်ငံသားနဲ့ နိုင်ငံရေးအခွင့်အရေးဆိုင်ရာ အသင်း’ ကို တည်ထောင်ထားကြသူတွေ ဖြစ်ပါတယ်။

Right Livelihood Award ဆုကို အရင်က ရရှိကြသူတွေထဲမှာ အမေရိကန်လုံခြုံရေးဌာနရဲ့ လုပ်ရပ်တွေကို ဖွင့်ချခဲ့တဲ့ ကွန်ပျူတာပညာရှင် အက်ဒ၀ပ်စနိုးဒင်၊ ယူကေအခြေစိုက် နိုင်ငံတကာလက်နက်ကုန်သွယ်မှု တိုက်ဖျက်ရေးအဖွဲ့ CAAT၊ ဆီးရီးယားက ကယ်ဆယ်ရေးအဖွဲ့ White Helmets တို့လည်း ပါဝင်ပါတယ်။

ဆုချီးမြှင့်ပွဲအခမ်းအနားကို ဒီဇင်ဘာလမှာ ကျင်းပပြုလုပ်မှာ ဖြစ်ပါတယ်။

Ref: Aljazeera