စနေနေ့မနက် နိုင်ငံတကာသတင်းများ

စက်တင်ဘာ ၂၉၊ ၂၀၁၈
M-Media

ဆူလာသေစီကျွန်း ဆူနာမီပြီးနောက် မြင်ကွင်း

အစ္စရေးလက်ချက်ကြောင့် ဂါဇာတွင် ပါလက်စတိုင်း ၆ ဦး သေဆုံး
=================
အစ္စရေးက ကျူးကျော်သိမ်းပိုက်မှုကြောင့် ထွက်ပြေးခဲ့ရတဲ့ ပါလက်စတိုင်းတွေ နေရပ်ပြန်ရေး ရည်ရွယ်ကာ ဂါဇာမှာ မနေ့က ပြုလုပ်တဲ့ ဆန္ဒပြမှုအတွင်း အစ္စရေးလက်ချက်ကြောင့် ကလေးငယ် ၂ ဦး အပါအ၀င် ပါလက်စတိုင်း ၆ ဦး သေဆုံးခဲ့ပြီး ၅၀၀ ကျော်လောက် ဒဏ်ရာရရှိခဲ့ပါတယ်။ Great March of Return လို့ခေါ်တဲ့ အဲဒီဆန္ဒပြမှုကို ဂါဇာမှာ မေလ ၃၀ ရက်နေ့ကတည်းက စတင်ပြုလုပ်ခဲ့တာဖြစ်ပြီး အစ္စရေးတပ်ဖွဲ့တွေရဲ့ အကြမ်းဖက်နှိမ်နှင်းမှုကြောင့် အနည်းဆုံး ၁၈၀ သေဆုံးကာ၊ ၁၈၀၀၀ ကျော် ဒဏ်ရာရရှိခဲ့ပါတယ်။

အင်ဒိုနီးရှားဆူနာမီ လူအများအပြား သေဆုံး
===========
အင်ဒိုနီးရှားနိုင်ငံ ဆူလာဝေဆီကျွန်း မြို့တော် ပါလူမှာ မနေ့က ဆူနာမီလှိုင်းလုံးတွေ ၀င်ရောက်လာမှုကြောင့် အနည်းဆုံး လူ ၃၀ လောက် သေဆုံးတယ်လို့ အင်ဒိုနီးရှားအာဏာပိုင်တွေက သတင်းထုတ်ပြန်ပြီး အရေအတွက်အတိအကျကိုတော့ မသိရသေးပါဘူး။ ပြင်းအား ၇.၅ မဂ္ဂနီကျုရှိတဲ့ ငလျင်တစ်ခုလှုပ်ခတ်ခဲ့ပြီးတဲ့နောက်ပိုင်း ဆူနာမီ ဖြစ်ပေါ်လာတာ ဖြစ်ပါတယ်။ ပျောက်ဆုံးနေသူတွေလည်း ရှိတာကြောင့် အသေဆုံးသူအရေအတွက်ဟာ မြင့်တက်လာနိုင်ပြီး အာဏာပိုင်တွေကတော့ ရှာဖွေကယ်ဆယ်ရေးတွေ လုပ်ဆောင်နေပါတယ်။

ကုလသမဂ္ဂ ပြုပြင်ပြောင်းလဲရန် မဟာသီတိုက်တွန်း
==============
ကမ္ဘာကြီးဟာ လွန်ခဲ့တဲ့ ၁၅ နှစ်ကထက် အခြေအနေ ပိုဆိုးလာတယ်လို့ မလေးရှားဝန်ကြီးချုပ် မဟာသီယာ မိုဟာမက်က ကုလအထွေထွေညီလာခံမှာ မနေ့က ပြောကြားခဲ့ပြီး ကုလအဖွဲ့ ပြုပြင်ပြောင်းလဲဖို့လည်း တိုက်တွန်းလိုက်ပါတယ်။ မဟာသီဟာ ၂၀၀၃ ခုနှစ်က ကုလမှာ နောက်ဆုံး စကားပြောဆိုခဲ့တာ ဖြစ်ပါတယ်။ ဗီတိုကိုင်ထားတဲ့ နိုင်ငံ ၅ နိုင်ငံအနေနဲ့ လွန်ခဲ့တဲ့ နှစ် ၇၀ က ကမ္ဘာစစ်အောင်ပွဲကို အကြောင်းပြပြီး ကမ္ဘာကြီးကို အမြဲတမ်း ပြန်ပေးဆွဲထားလို့ မရတော့သလို၊ ကုလအတွင်းမှာ ဒီမိုကရေစီဝါဒကို လက်မခံဘဲနဲ့ ဒီနိုင်ငံတွေက ဒီမိုကရေစီတရားဟောတာ၊ ကမ္ဘာ့နိုင်ငံတွေမှာ အစိုးရအပြောင်းအလဲလုပ်ဖို့ ဆော်သြတာတွေ လုပ်လို့မရဘူးလို့လည်း မဟာသီက ထည့်သွင်းပြောဆိုခဲ့ပါတယ်။

ဆီးရီးယားသို့ ရုရှားက S-300 ဒုံးခွင်းစနစ် စတင်ပို့ဆောင်
=============
S-300 ဒုံးခွင်းစနစ်ကို ဆီးရီးယားနိုင်ငံကို စတင်ပို့ဆောင်နေပြီလို့ ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်က မနေ့မှာ ပြောကြားလိုက်ပါတယ်။ ဆီးရီးယားက ၀ယ်ယူထားတဲ့ S-300 ဒုံးခွင်းစနစ်ကို အစ္စရေးရဲ့ မေတ္တာရပ်ခံမှုကြောင့် ၂၀၁၃ ခုနှစ်ကတည်းက ပေးပို့ဖို့ ဆိုင်ငံ့ထားတာ ဖြစ်ပါတယ်။ ဒါပေမယ့် ပြီးခဲ့တဲ့တစ်ပတ် ဆီးရီးယားမှာ အစ္စရေးတိုက်လေယာဉ်တွေရဲ့ တိုက်ခိုက်မှုအတွင်း ရုရှား စစ်လေယာဉ်တစ်စင်း ပစ်ချခံရကာ လိုက်ပါလာသူ ၁၅ ဦးစလုံး သေဆုံးခဲ့ပြီးတဲ့နောက် ရုရှားက ဒီဒုံးခွင်းစနစ်ကို ပို့ဆောင်ဖို့ ဆုံးဖြတ်ခဲ့တာ ဖြစ်ပါတယ်။ လာဗရော့ဗ်ကတော့ ဆီးရီးယားမှာရှိတဲ့ သူတို့ရဲ့တပ်ဖွဲ့တွေ ၁၀၀ ရာခိုင်နှုန်း ဘေးကင်းဖို့အတွက် ဒီလိုဆောင်ရွက်တာလို့ ပြောကြားခဲ့ပါတယ်။

Ref: Aljazeera, Press TV, CNA