ဆူပူဆန္ဒပြခဲ့သည့် လူဖြူ မဘသ ၄ ဦးကို အမေရိကန် ဖမ်းဆီးတရားစွဲ

အောက်တိုဘာ ၃၊ ၂၀၁၈
M-Media

– ပြီးခဲ့တဲ့နှစ်က ဗာဂျီးနီးယားပြည်နယ် ချားလော့ဗီလီမြို့မှာ ပြုလုပ်ခဲ့ပြီး အကြမ်းဖက်မှုဖြစ်ခဲ့တဲ့ လက်ယာအစွန်းရောက်တွေရဲ့ ချီတက်ဆန္ဒပြမှုနဲ့ပတ်သက်တဲ့ လူဖြူအစွန်းရောက် ၄ ဦးကို အမေရိကန်က မနေ့မှာ ဖမ်းဆီးလိုက်ပါတယ်။

ဖမ်းဆီးခံရသူတွေဟာ အသက် ၂၅ နှစ်အရွယ် ဘင်ဂျမင် ဒရာကီ ဒါလေး၊ အသက် ၂၉ နှစ်အရွယ် မိုက်ကယ် ပေါလ် မီစီလစ်၊ အသက် ၃၄ နှစ်အရွယ် သောမတ်စ် ဝေါလ်တာ ဂီလန်နဲ့ အသက် ၂၄ နှစ်အရွယ် ကိုးလ် အီဗန် ၀ှိုက်တို့ ဖြစ်ပါတယ်။

သူတို့ကို ကယ်လီဖိုးနီးယားမှာ ဖမ်းဆီးနိုင်ခဲ့တာဖြစ်ပြီး မနေ့က ချားလော့ဗီလီတရားရုံးမှာ ရုန်းရင်းဆန်ခတ်မှုဆိုင်ရာ ပုဒ်မ ၂ ခုနဲ့ တရားစွဲဆိုခဲ့ပါတယ်။ အပြစ်ရှိကြောင်း တွေ့ရမယ်ဆိုရင် အမြင့်ဆုံး ထောင်ဒဏ် ၁၀ နှစ်လောက် ကျခံရနိုင်ပါတယ်။

အမေရိကန် တရားရေးဌာန တာဝန်ရှိသူတွေက ဒီလူတွေဟာ လူဖြူအစွန်းရောက် စစ်သွေးကြွအဖွဲ့ Rise Above Movement (RAM) က အဖွဲ့ဝင်တွေဖြစ်ပြီး၊ ကယ်လီဖိုးနီးယားကနေ ဗာဂျီးနီးယားကို လာရောက်ကာ ဆူပူဆန္ဒပြဖို့ လှုံ့ဆော်ခဲ့တာဖြစ်တယ်လို့ ပြောကြားခဲ့ပါတယ်။

RAM အဖွဲ့မှာ အဖွဲ့ဝင် ၅၀ ကျော်လောက်ရှိပြီး သူတို့နဲ့ အယူမတူသူတွေကို တိုက်ခိုက်သတ်ဖြတ်ဖို့ ရည်ရွယ်ချက်နဲ့ ဖွဲ့စည်းခဲ့တာဖြစ်တယ်လို့ မတရားမှုတွေကို စုံစမ်းဖော်ထုတ်နေတဲ့ ProPublica ၀ဘ်ဆိုက်မှာ ဖော်ပြထားပါတယ်။

အမေရိကန်ပြည်တွင်းစစ်အတွင်း ခွဲထွက်ရေးတပ်ဖွဲ့က တပ်မှူး ရောဘတ်အီးလီရဲ့ ရုပ်တု ဖယ်ရှားခံရတာကို မကျေနပ်ရာကနေ အစပြုကာ လူဖြူအစွန်းရောက်တွေဟာ ၂၀၁၇ ခုနှစ် သြဂုတ်လက ချားလော့ဗီလီမှာ ချီတက်ဆန္ဒပြခဲ့ကြတာပါ။

အစွန်းရောက်တွေကို တန်ပြန်ဆန္ဒပြမှုလည်း ရှိခဲ့ပြီး လူဖြူအစွန်းရောက်တစ်ဦးက တန်ပြန်ဆန္ဒပြလူအုပ်ထဲကို ကားနဲ့ ၀င်တိုက် အကြမ်းဖက်တာကြောင့် အသက် ၃၂ နှစ်အရွယ် အမျိုးသမီး ဟီသာဟိုင်ယာ သေဆုံးကာ ဒါဇင်နဲ့ချီ ဒဏ်ရာရရှိခဲ့ပါတယ်။

ဒီကိစ္စနဲ့ပတ်သက်ပြီး အမေရိကန်သမ္မတ ဒေါ်နယ်ထရမ့်ဟာ အစွန်းရောက်တွေကို မျက်နှာသာပေးတဲ့ စကားမျိုး ပြောခဲ့တဲ့အတွက် ဝေဖန်ခံခဲ့ရပါတယ်။

Ref: Aljazeera