အရှေ့တောင်အာရှ မူးယစ်ဆေးဝါးပြဿနာကို ကုလ သတိပေး

အောက်တိုဘာ ၃၊ ၂၀၁၈
M-Media

ထိုင်းနိုင်ငံတွင် စိတ်ကြွဆေးပြားများ ဖမ်းဆီးရမိစဉ်

– အရှေ့တောင်အာရှရဲ့ မဲခေါင်ဒေသနဲ့ အရှေ့အာရှတို့မှာ မူးယစ်ဆေးဝါး ထုတ်လုပ်မှုနဲ့ တရားမ၀င် ရောင်းချမှုတွေဟာ မကြုံစဖူးအဆင့်အထိ ရောက်ရှိလာပြီး ဒေသတွင်းက လူငယ်တွေအတွက် အန္တရာယ်တွေ မြင့်တက်လာစေတယ်လို့ ကုလသမဂ္ဂ မူးယစ်ဆေးနဲ့ ရာဇ၀တ်မှုဆိုင်ရာရုံး (UNODC) က သတိပေးလိုက်ပါတယ်။

ဒေသတွင်းမှာ အာဏာပိုင်တွေက မူးယစ်ဆေးတွေ အမြောက်အများ ဖမ်းဆီးရမိနေပေမယ့် ထုတ်လုပ်မှုမြင့်တက်နေတာကြောင့် ဈေးချိုကာ လူတိုင်းဝယ်ယူနိုင်တဲ့အနေအထား ရောက်နေတယ်လို့လည်း ဆိုပါတယ်။

“မူးယစ်ဂိုဏ်းတွေက ထုတ်လုပ်မှုကို တိုးမြှင့်လုပ်ဆောင်လာတာကြောင့် ရောင်းလိုအားက မြင့်တက်လာနေပြီး ဒေသတွင်းမှာ ပစ္စည်းတွေက ဖောခြင်းသောခြင်း ဖြစ်နေပါတယ်” လို့ UNODC ရဲ့ အရှေ့တောင်အာရှ ဒေသဆိုင်ရာ ကိုယ်စားလှယ် ဂျယ်ရီမီ ဒေါက်ဂလက်စ်က ပြောကြားခဲ့ပါတယ်။

ထိုင်းနိုင်ငံမှာ မက်သာဖက်သမင်းလို စိတ်ကြွဆေးပြားဈေးဟာ ၂၀၁၄ ခုနှစ်မှာ တစ်ပြားကို ကန် ၄ ဒေါ်လာကနေ ၇ ဒေါ်လာအထိ ရှိခဲ့ပေမယ့် နောက်တစ်နှစ်မှာတော့ ၁.၅ ဒေါ်လာကနေ ၄.၅ ဒေါ်လာအထိ ကျဆင်းခဲ့ပါတယ်။

စင်ကာပူနိုင်ငံမှာလည်း ၂၀၁၄ ခုနှစ်မှာ တစ်ပြားကို ဒေါ်လာ ၂၀ ရှိရာကနေ ၂၀၁၇ ခုနှစ်မှာ ၆ ဒေါ်လာအထိ ကျဆင်းခဲ့ပါတယ်။

“ယာဘဆေးပြား ရောင်းလိုအား မြင့်တက်လာမှုကြောင့် ဒေသတွင်း လမ်းပေါ်ကဈေးတွေ ကျဆင်းလာပြီး မူးယစ်ဆေးကို စမ်းသပ်ကြည့်လိုတဲ့ လူငယ်တွေ လွယ်လွယ်ကူကူ ၀ယ်လို့ရတဲ့ အနေအထားမျိုး ဖြစ်လာပါတယ်” လို့ ဒေါက်ဂလက်စ်က ပြောပါတယ်။

သြဂုတ်လက ထိုင်းနိုင်ငံမှာ စိတ်ကြွဆေးပြား ၁၄ သန်း၊ ကန်ဒေါ်လာ ၄၅ သန်းဖို့ ဖမ်းမိခဲ့ပြီး နိုင်ငံရဲ့သမိုင်းမှာ အကြီးဆုံး မူးယစ်ဆေးဝါး ဖမ်းဆီးရမိမှုလည်း ဖြစ်ပါတယ်။

မြန်မာနိုင်ငံကနေ လက်ဖက်ခြောက်ဆိုတဲ့ပုံစံနဲ့ တင်သွင်းလာတဲ့ စိတ်ကြွဆေး ၁.၂ တန်နီးပါးကို မလေးရှားမှာ မေလအတွင်းက သိမ်းဆည်းရမိခဲ့ပြီး ဒါဟာ မလေးရှားသမိုင်းမှာ အကြီးမားဆုံး ဖမ်းဆီးနိုင်မှု ဖြစ်ပါတယ်။

၂၀၁၇ ခုနှစ် UNODC ရဲ့ အစီရင်ခံစာမှာ အရှေ့တောင်အာရှတစ်ဝှမ်းက မူးယစ်ဆေး အများစုဟာ မြန်မာနိုင်ငံက ဥပဒေမစိုးမိုးတဲ့ ဒေသတွေကနေ လာတယ်လို့ ဖော်ပြထားပါတယ်။

Ref: Reuters