အမေရိကန်မကာကွယ်လျှင် ဆော်ဒီ နှစ်ပတ်မခံဟု ထရမ့်ပြော

အောက်တိုဘာ ၄၊ ၂၀၁၈
M-Media

– အမေရိကန်ရဲ့ ကာကွယ်ပေးမှုသာ မရှိဘူးဆိုရင် ဆော်ဒီဘုရင် ဆလ်မန်ရဲ့ အုပ်စိုးမှုဟာ ၂ ပတ်တောင် ခံမှာမဟုတ်ဘူးလို့ သမ္မတဒေါ်နယ်ထရမ့်က ပြောကြားလိုက်ပါတယ်။

အင်္ဂါနေ့က မစ္စစီပီမှာပြုလုပ်တဲ့ လူထုထောက်ခံပွဲအခမ်းအနားတစ်ခုမှာ ထရမ့်က ဒီလိုပြောကြားလိုက်တာဖြစ်ပြီး၊ ရေနံဈေး မြင့်တက်နေတဲ့အတွက် ရေနံထုတ်လုပ်တဲ့နိုင်ငံတွေနဲ့ အခြေအတင်ဖြစ်နေတဲ့အချိန် ဒီလိုစကားမျိုး ထွက်လာတာလည်း ဖြစ်ပါတယ်။

“ကျွန်တော်တို့ ဆော်ဒီအာရေဗျကို ကာကွယ်ပေးထားတာပါ။ သူတို့ချမ်းသာတယ်လို့ ခင်ဗျားတို့ပြောမလား။ ကျွန်တော် ဘုရင်ဆလ်မန်ကို ချစ်တယ်။ ဒါပေမယ့် ‘ဘုရင်ကြီး – ခင်ဗျားကို ကျွန်တော်တို့ ကာကွယ်ပေးထားတာနော်။ ကျွန်တော်တို့မရှိဘဲနဲ့ ခင်ဗျား ၂ ပတ်တောင် ခံမှာမဟုတ်ဘူး။ ကျွန်တော်တို့စစ်စားရိတ်အတွက် ခင်ဗျား ပိုက်ဆံပေးရမယ်’ လို့ ကျွန်တော် ပြောခဲ့တယ်”

ဘုရင်ဆလ်မန်ကို ဒီစကား ဘယ်တုန်းကပြောခဲ့သလဲဆိုတာကိုတော့ ထရမ့်က ထည့်သွင်းပြောဆိုခဲ့ခြင်း မရှိပါဘူး။

ဆော်ဒီဟာ ကမ္ဘာ့ ထိပ်တန်း ရေနံတင်ပို့တဲ့နိုင်ငံဖြစ်ပြီး ရေနံထုတ်လုပ်သူများအဖွဲ့ အိုပက်ရဲ့ ခေါင်းဆောင်လည်း ဖြစ်ပါတယ်။ ထရမ့်ကတော့ ကမ္ဘာတစ်ဝှမ်း ရေနံဈေးမြင့်တက်လာမှုအတွက် အိုပက်နိုင်ငံတွေကို အပြစ်တင်ထားပါတယ်။

စနေနေ့မှာ ထရမ့်ဟာ ဘုရင်ဆလ်မန်ကို ဖုန်းခေါ်ခဲ့ပြီး ရေနံဈေးကွက် တည်ငြိမ်ရေးနဲ့ စီးပွားရေးဖွံ့ဖြိုးတိုးတက်မှုအတွက် ရေနံထုတ်လုပ်မှုကို ထိန်းညှိဖို့ ဆွေးနွေးခဲ့ပါတယ်။

ဆော်ဒီအိမ်ရှေ့မင်းသား မိုဟာမက် ဘင် ဆလ်မန်ဟာ ပြီးခဲ့တဲ့တစ်ပတ်မှာ ကူဝိတ်ကိုသွားရောက်ပြီး ရေနံထုတ်လုပ်မှု တိုးမြှင့်ဖို့ကိစ္စကို ကူဝိတ်ခေါင်းဆောင်နဲ့ ညှိနှိုင်းခဲ့ပါတယ်။ ဒါပေမယ့် အခုအချိန်အထိ တိုးတက်မှု မရှိသေးပါဘူး။

ဆော်ဒီအပါအ၀င် ပင်လယ်ကွေ့နိုင်ငံမှာ အမေရိကန်စစ်တပ်တွေ တပ်စွဲထားပြီး ထရမ့်က ဒီကုန်ကျစားရိတ်အတွက် လက်ခံထားတဲ့နိုင်ငံတွေကို ပေးစေချင်နေတာ ဖြစ်ပါတယ်။

Ref: Aljazeera