သောကြာနေ့မနက် နိုင်ငံတကာသတင်းများ

အောက်တိုဘာ ၅၊ ၂၀၁၈
M-Media

ပူတင်အား အိန္ဒိယ၀န်ကြီးချုပ် မိုဒီ၏ ကြိုဆိုမှု

တရားသူကြီးချုပ်ကိစ္စ မကျေနပ်၍ အမေရိကန်ပြည်သူများ ဆန္ဒပြ
================
ထရမ့်က တရားသူကြီးချုပ်အဖြစ် အဆိုပြုထားတဲ့ ဘရတ်ကာဗာနော့ကို ဆန့်ကျင်တဲ့ ဆန္ဒပြမှုတစ်ခု ၀ါရှင်တန်မှာ မနေ့က ဖြစ်ပွားခဲ့ပြီး လူရာနဲ့ချီ ဖမ်းဆီးခံခဲ့ရပါတယ်။ ကာဗာနော့ဟာ သူတို့ကို လိင်ပိုင်းဆိုင်ရာ ကျူးလွန်ခဲ့တယ်လို့ အမျိုးသမီးတစ်ချို့က ဖွင့်ဟလာကြပြီးနောက်ပိုင်း FBI က စုံစမ်းစစ်ဆေးခဲ့ပေမယ့် ကာဗာနော့ အပြစ်မရှိကြောင်း ဆုံးဖြတ်ခဲ့ပါတယ်။ ဒါပေမယ့် ဝေဖန်သူတွေကတော့ ၅ ရက်တာ စုံစမ်းစစ်ဆေးမှုဟာ ဘယ်လိုမှ မပြည့်စုံနိုင်ဘူးလို့ ပြောကြားခဲ့ပါတယ်။ ကာဗာနော့ကို ဒီကနေ့မှာ လွှတ်တော်က အတည်ပြုမှာ ဖြစ်ပါတယ်။

အဓမ္မမှု စွပ်စွဲခံနေရသည့် ရော်နယ်ဒို နိုင်ငံအသင်းလူစာရင်းတွင် ချန်လှပ်ခံရ
===================
တိုက်စစ်မှူး ခရစ္စတီယာနို ရော်နယ်ဒိုဟာ အခုလနဲ့ လာမယ့်လမှာ ကစားမယ့် နိုင်ငံတကာပွဲတွေမှာ ပါဝင်မှာမဟုတ်ဘူးလို့ ပေါ်တူဂီ လက်ရွေးစင်အသင်း နည်းပြ ဖာနန်ဒိုဆန်းတို့စ်က မနေ့မှာ ပြောကြားလိုက်ပါတယ်။ အမေရိကန်မော်ဒယ်ဟောင်းတစ်ယောက်က ရော်နယ်ဒိုဟာ ၂၀၀၉ ခုနှစ်မှာ သူမကို အလိုမတူဘဲ လိင်ပိုင်းဆိုင်ရာ စော်ကားခဲ့တယ်လို့ စွပ်စွဲမှုတွေ လက်ရှိမှာ ထွက်ပေါ်နေပြီး ရော်နယ်ဒိုက ဒီကိစ္စကို ငြင်းဆိုထားပါတယ်။ ဆန်းတို့စ်က သူရယ်၊ ရော်နယ်ဒိုရယ်၊ ပေါ်တူဂီ ဘောလုံးအဖွဲ့ချုပ် ဥက္ကဌရယ် တွေ့ဆုံ စကားပြောဆိုခဲ့ပြီးတဲ့နောက်ပိုင်း ဒီလို ဆုံးဖြတ်လိုက်ရတာဖြစ်တယ်လို့ ပြောကြားခဲ့ပြီး၊ ဆုံးဖြတ်ချက်နောက်ကွယ်က အကြောင်းအရင်းကိုတော့ ဖွင့်ဟခြင်း မရှိပါဘူး။

ရွေးကောက်ပွဲမပြီးမချင်း ဆီးရီးယားက မဆုတ်ခွာဟု တူရကီပြော
================
ဆီးရီးယားမှာ အထွေထွေရွေးကောက်ပွဲ မကျင်းပမချင်း သူတို့တပ်တွေ ဆုတ်ခွာမှာ မဟုတ်ဘူးလို့ တူရကီသမ္မတ အာဒိုဂန်က ပြောကြားလိုက်ပါတယ်။ နယ်စပ်ဒေသမှာ IS အကြမ်းဖက်အုပ်စုကို နှိမ်နှင်းဖို့အတွက် တူရကီဟာ ၂၀၁၆ ခုနှစ်မှာ ဆီးရီးယားကို တပ်ဖွဲ့တွေ စေလွှတ်ခဲ့တာဖြစ်ပါတယ်။ ဒါပေမယ့် အခုနှစ်အစပိုင်းမှာ နယ်စပ်က ကာ့ဒ်တပ်ဖွဲ့တွေကို ရှင်းလင်းရေးခေါင်းစဉ်နဲ့ တူရကီဟာ ဆီးရီးယားကို ၀င်ရောက်တိုက်ခိုက်ခဲ့ပါတယ်။ လက်ရှိ ဆီးရီးယားအစိုးရနဲ့ သူပုန်တွေရဲ့ ဆွေးနွေးမှုအတွင်း ရုရှား၊ အီရန်တို့နဲ့အတူ တူရကီနိုင်ငံကလည်း ပါဝင်ဆောင်ရွက်နေပါတယ်။ အာဒိုဂန်ရဲ့ ယခုပြောကြားမှုဟာ ဆီးရီးယားမှာ တူရကီတပ်တွေ နှစ်အတော်ကြာ ဆက်ရှိနေမယ့် အနေအထားလည်း ဖြစ်ပါတယ်။

တရားစွဲခံထားရသည့် မလေးဝန်ကြီးချုပ်ဟောင်းဇနီး သက်သေကို ချဉ်းကပ်ခဲ့
========================
ငွေကြေးခ၀ါချမှု၊ အခွန်ရှောင်မှု စွဲချက် ၁၇ ခုနဲ့ တရားစွဲဆိုခံထားရတဲ့ မလေးဝန်ကြီးချုပ်ဟောင်းဇနီး ရိုစ်မာ မန်ဆူရ်ဟာ သက်သေတစ်ယောက်ကိုချဉ်းကပ်ကာ သူ့အတွက် ဖာဖာထေးထေး ထွက်ဆိုပေးဖို့ တောင်းဆိုခဲ့တယ်လို့ အစိုးရရှေ့နေအဖွဲ့က တရားရုံးကို အသိပေးခဲ့ပါတယ်။ ရိုစ်မာက စွဲချက်တွေအားလုံးအတွက် အပြစ်မရှိဘူးလို့ ဗုဒ္ဓဟူးနေ့ ကြားနာမှုမှာ ပြောကြားခဲ့ပါတယ်။ အစိုးရရှေ့နေအဖွဲ့က လက်ရှိ အချုပ်ကျနေတဲ့ ရိုစ်မာအနေနဲ့ ပြန်လွတ်သွားရင် သက်သေတွေကို ဖျားယောင်းမယ့် အနေအထားရှိတာကြောင့် အာမခံမပေးဖို့အတွက် ရုံးတော်ကို လျှောက်ထားခဲ့ပါတယ်။

ရုရှားသမ္မတပူတင် အိန္ဒိယသို့ ရောက်ရှိလာ
=================
ရုရှားသမ္မတ ပူတင်ဟာ မနေ့ ညနေပိုင်းက အိန္ဒိယနိုင်ငံကို ရောက်ရှိလာခဲ့ပြီး ဒီကနေ့မနက်ပိုင်းမှာ တရားဝင်ဆွေးနွေးမှုတွေ ပြုလုပ်မှာ ဖြစ်ပါတယ်။ ပူတင်ရဲ့ ၂ ရက်တာခရီးစဉ်အတွက် S-400 လေကြောင်းရန် ကာကွယ်ရေးစနစ် ရောင်းချရေးအပါအ၀င် ဒေါ်လာဘီလီယံချီ တန်ဖိုးရှိတဲ့ စစ်ဖက်ဆိုင်ရာ၊ နျူကလီးယားနဲ့ အာကာသ စူစမ်းရေးဆိုင်ရာ သဘေတူညီချက်တွေလည်း ရဖို့ ရှိနေပါတယ်။

Ref: Aljazeera, CNA, BBC