ကမ္ဘာကြီးပူနွေးလာမှုကို အလျင်အမြန်လျှော့ချရန် သိပ္ပံပညာရှင်များ သတိပေး

အောက်တိုဘာ ၈၊ ၂၀၁၈
M-Media

– ကမ္ဘာကြီးရဲ့ အပူချိန် မြင့်တက်မှုဟာ စက်မှုမထွန်းကားခင်အချိန်ကထက် ၁.၅ ဒီဂရီ ဆဲလ်စီးယက်စ်အထိလောက်သာရှိအောင် ထိန်းထားနိုင်မှ ဆိုးဆိုးဝါးဝါး ရာသီဥတုဖောက်ပြန်မှုတွေကို ရှောင်ရှားနိုင်မယ့်လို့ သိပ္ပံပညာရှင်တွေက သတိပေးလိုက်ပါတယ်။

၂၀၁၅ ခုနှစ် ပဲရစ်သဘောတူညီချက်မှာ ကမ္ဘာကြီးရဲ့ အပူအချိန်မြင့်တက်မှုကို ၂ ဒီဂရီထက်မကျော်အောင် ထိန်းဖို့အတွက် သတ်မှတ်ထားတာပါ။

ကမ္ဘာ့ ရာသီဥတုဆိုင်ရာ အဖွဲ့တစ်ခုဖြစ်တဲ့ Intergovernmental Panel on Climate Change (IPCC) က ဒီကနေ့ထုတ်ပြန်တဲ့ အစီရင်ခံစာမှာ ကမ္ဘာ့နိုင်ငံတွေအနေနဲ့ အပူချိန်မြင့်တက်မှုကို ၂ ဒီဂရီအစား ၁.၅ ဒီဂရီလောက်သာရှိအောင် ထိန်းထားဖို့အတွက် ၁၂ နှစ်အတွင်း ညီညီညွတ်ညွတ် အားထုတ်ကြိုးပမ်းဖို့အတွက် တိုက်တွန်းခဲ့ပါတယ်။

အဲဒီလို အပူချိန် လျှော့ချဖို့အတွက် စွမ်းအင်ထုတ်လုပ်မှုနည်းလမ်းတွေကို ပြောင်းလဲတာ၊ ရုပ်ကြွင်းလောင်စာ အထူးသဖြင့် ကျောက်မီးသွေး အသုံးပြုမှုကို လျှော့ချတာ၊ ပို့ဆောင်ရေးကဏ္ဍတွေကို သိသိသာသာ ပြောင်းလဲပစ်တာ၊ လူသားတွေရဲ့ နေထိုင်မှုစနစ်ကို ပြောင်းလဲတာတွေ လုပ်ဆောင်ရမယ်လို့လည်း အစီရင်ခံစာမှာ ဖော်ပြထားပါတယ်။

ကမ္ဘာကြီးရဲ့အပူချိန်ဟာ စက်မှု မထွန်းကားခင် အချိန်ကထက် ၂ ဒီဂရီအထိ မြင့်တက်လာမယ်ဆိုရင် သန္တာကျောက်တန်းတွေ လုံးဝ ပျောက်ကွယ်သွားတာ၊ အာတိတ်က ရေခဲတွေ ပိုမြန်မြန်အရေပျော်တာ၊ ပင်လယ်ရေမျက်နှာပြင်တွေ မြင့်တက်တာတွေကြောင့် ရာသီဥတုဖောက်ပြန်တာ၊ ရေရှားပါးတာ၊ ရောဂါဘယတွေ ပြန့်နှံ့တာ၊ စားနပ်ရိက္ခာ ရှားပါးတာတွေကို ဆိုးဆိုးဝါးဝါး ကြုံတွေ့ရမယ်လို့လည်း သိပ္ပံပညာရှင်တွေက အစီရင်ခံစာမှာ သတိပေးထားပါတယ်။

အစီရင်ခံစာဟာ သိပ္ပံဆိုင်ရာ လေ့လာမှုပေါင်း ၆၀၀၀ ကျော်ကို အခြေခံ ရေးသားထားတာဖြစ်ပြီး၊ လေထုအတွင်း ကာဘွန်တွေကို လျှော့ချရေး နည်းပညာတွေကို ပိုမိုအသုံးပြုဖို့လည်း တိုက်တွန်းခဲ့ပါတယ်။

Ref: RT