ပါလက်စတိုင်း အကူအညီပေးရေးအဖွဲ့ကို ကနေဒါက ဒေါ်လာ သန်း ၃၀ ကျော် ထပ်မံထောက်ပံ့မည်

အောက်တိုဘာ ၁၃၊ ၂၀၁၈
M-Media

– ကြပ်တည်းမှုတွေနဲ့ ရင်ဆိုင်နေရတဲ့ ပါလက်စတိုင်းအကူအညီပေးရေးအဖွဲ့ UNRWA ကို ကန်ဒေါ်လာ ၃၈ သန်း ထပ်တိုး ထောက်ပံ့သွားမယ်လို့ ကနေဒါနိုင်ငံက မနေ့မှာ ကြေငြာလိုက်ပါတယ်။

ကုလလက်အောက်ခံ UNRWA အဖွဲ့ဟာ အစ္စရေးရဲ့ ကျူးကျော်သိမ်းပိုက်မှု၊ ဖိနှိပ်ချုပ်ချယ်မှုတွေကြောင့် အတိဒုက္ခရောက်နေကြတဲ့ သန်းနဲ့ချီတဲ့ ပါလက်စတိုင်းဒုက္ခသည်တွေရဲ့ လူမှုရေး၊ စီးပွားရေးနဲ့ ကျန်းမာရေးတွေကို ၁၉၅၀ ပြည့်နှစ်ကတည်းက ကူညီခဲ့တာ ဖြစ်ပါတယ်။

အမေရိကန်ဟာ UNRWA ကို တစ်နှစ် ကန်ဒေါ်လာ သန်း ၃၅၀ ထောက်ပံ့ခဲ့ပေမယ့် အခုနှစ်မှာတော့ ဒီထောက်ပံ့မှုကို ရပ်တန့်ကြောင်း ကြေငြာခဲ့ပါတယ်။

ကနေဒါဟာ ဒေါ်လာ ၃၈ သန်းကို ၂ နှစ်အတွင်း ခွဲပေးသွားမှာဖြစ်ပြီး ပါလက်စတိုင်းပိုင်နက်တွေ၊ ဆီးရီးယားနဲ့ လက်ဘနွန်နိုင်ငံတို့မှာရှိတဲ့ သန်းနဲ့ချီတဲ့ ပါလက်စတိုင်းတွေရဲ့ ပညာရေး၊ ကျန်းမာရေးနဲ့ အသက်မွေးဝမ်းကြောင်းဆိုင်ရာတွေမှာ သုံးစွဲသွားမှာ ဖြစ်ပါတယ်။ ကနေဒါသမ္မတ ဂျက်စတင် ထရူဒူဟာ သူ့အရင်သမ္မတဟောင်းက ဖြတ်တောက်ခဲ့တဲ့ ပါလက်စတိုင်း ကူညီရေး ရန်ပုံငွေကို သူ့လက်ထက်မှာ ပြန်လည်ပေးအပ်ခဲ့ပါတယ်။

၁၉၄၈ ခုနှစ် ပါလက်စတိုင်းပိုင်နက်တွေကို အကြမ်းဖက်သိမ်းပိုက်ပြီး အစ္စရေးနိုင်ငံအဖြစ် ထူထောင်မှုအတွင်း ပါလက်စတိုင်းပြည်သူ ၇ သိန်းခွဲလောက် နှင်ထုတ်ခံခဲ့ရပြီး ဒုက္ခသည်ဘ၀ ရောက်ခဲ့ရပါတယ်။

Ref: Arabnews