ဂျာနယ်လစ် ကာရှိုဂျီကို ဆော်ဒီအာဏာပိုင်များက ကြိုတင်ကြံစည်သတ်ဖြတ်ခြင်းဟု အာဒိုဂန်ပြော

အောက်တိုဘာ ၂၃၊ ၂၀၁၈

M-Media

တူရကီသမ္မတ အာဒိုဂန်

– ထိပ်တန်းဂျာနယ်လစ်နဲ့ ဆော်ဒီအစိုးရကို ဝေဖန်သူ ဂျမားလ် ကာရှိုဂျီကို ဆော်ဒီအစိုးရက သတ်ဖြတ်မှုဟာ ကြိုတင်ကြံစည်သတ်ဖြတ်မှု ဖြစ်တယ်လို့ တူရကီသမ္မတ အာဒိုဂန်က ဒီကနေ့ လွှတ်တော်မှာ ရှင်းလင်းပြောကြားလိုက်ပါတယ်။

ကာရှိုဂျီဟာ အောက်တိုဘာ ၂ ရက်နေ့က အစ္စတန်ဘူလ်မှာရှိတဲ့ ဆော်ဒီ ကောင်စစ်ဝန်ရုံးထဲ ၀င်သွားပြီးတဲ့နောက် ပျောက်ဆုံးသွားတာ ဖြစ်ပါတယ်။

တူရကီအာဏာပိုင်တွေက ကာရှိုဂျီဟာ ဆော်ဒီအစိုးရက လွှတ်လိုက်တဲ့ ကြေးစား ၁၅ ယောက်ရဲ့ သတ်ဖြတ်မှုကို ခံခဲ့ရတယ်လို့ ပျောက်ဆုံးပြီး ရက်အနည်းငယ်အတွင်းမှာ ပြောကြားခဲ့ပါတယ်။

ဆော်ဒီက ကာရှိုဂျီ အသတ်ခံရတယ်ဆိုတဲ့သတင်းကို ပထမပိုင်းမှာ ငြင်းဆိုခဲ့ပေမယ့် ပြီးခဲ့တဲ့တစ်ပတ်မှာ ၀န်ခံခဲ့ပြီး ကောင်စစ်ဝန်ရုံးထဲ ၀န်ထမ်းတွေနဲ့ ထိုးကြကြိတ်ကြရင်း သေဆုံးသွားတယ်ဖြစ်တယ်လို့ ဆိုပါတယ်။

အာဒိုဂန်ကတော့ ဆော်ဒီအာဏာပိုင်တွေဟာ ကာရှိုဂျီကိုသတ်ဖို့ ကြိုတင်စီစဉ်ခဲ့တယ်လို့ ပြောပါတယ်။

“စက်တင်ဘာ ၂၈ ရက်နေ့က ကာရှိုဂျီဟာ သူ့ရဲ့ မင်္ဂလာဆောင် စာရွက်စာတမ်းကိစ္စအတွက် ဆော်ဒီကောင်စစ်ဝန်ရုံးကို လာခဲ့ပါတယ်။ အဲဒီအချိန်မှာ သူတို့ (ဆော်ဒီအာဏာပိုင်တွေ) က သူ့ကိုသတ်ဖို့ အစီအစဉ်ဆွဲပုံ ရပါတယ်”

ကောင်စစ်ဝန်ရုံးက တာဝန်ရှိသူတစ်ချို့ အဲဒီရက်ပိုင်းအတွင်း ဆော်ဒီကို ပြန်သွားတာကလည်း ကာရှိုဂျီကိုသတ်ဖို့ စီစဉ်တယ်ဆိုတာကို ပြသနေကြောင်း အာဒိုဂန်က ထည့်သွင်းပြောဆိုခဲ့ပါတယ်။

ကာရှိုဂျီကို သတ်ဖြတ်မှုဟာ ‘နိုင်ငံရေး အသွင်ဆောင် သတ်ဖြတ်မှု’ ဖြစ်ပြီး၊ အခြားတိုင်းပြည်တွေက ကြံရာပါတွေကိုလည်း စုံစမ်းစစ်ဆေးသင့်ကြောင်း၊ ဒီလို ကြမ်းကြုတ်တဲ့သတ်ဖြတ်မှုနဲ့ပတ်သက်ပြီး မေးခွန်းတွေအားလုံး အဖြေရသည်အထိ တူရကီက ဆက်လက် စုံစမ်းစစ်ဆေးသွားမှာဖြစ်ကြောင်း အာဒိုဂန်က ဆိုပါတယ်။

“သူတို့ (ဆော်ဒီက ကြေးစားအဖွဲ့) ဘာ့ကြောင့် အစ္စတန်ဘူလ်ကို ရောက်လာသလဲ။ ဘယ်သူက ညွှန်ကြားတာလဲ” လို့ အာဒိုဂန်က မေးခွန်းထုတ်ခဲ့ပြီး ဆော်ဒီအနေနဲ့ တူရကီတာဝန်ရှိသူတွေကို ကောင်စစ်ဝန်ရုံးထဲ ချက်ခြင်း ၀င်ခွင့်မပေးတာနဲ့ပတ်သက်ပြီး ရှင်းရှင်းလင်းလင်း အဖြေပေးရမယ်လို့လည်း ဆိုပါတယ်။

အာဒိုဂန်ရဲ့ ဒီကနေ့ ပြောကြားမှုတွေဟာ ပြီးခဲ့တဲ့သီတင်းပတ်တွေကတည်း ပြန့်နှံ့နေတဲ့ သတင်းတွေဖြစ်ပြီး၊ ဆော်ဒီ တော်ဝင်အသိုင်းအ၀ိုင်းကို တိုက်ရိုက် စွပ်စွဲပြောဆိုခဲ့ခြင်း မရှိပါဘူး။

အလောင်းဘယ်မှာလဲ

ကောင်စစ်ဝန်ရုံးထဲမှာ ထိုးကြကြိတ်ကြရင်း ကာရှိုဂျီ သေသွားတယ်လို့ ဆော်ဒီက နောက်ပိုင်းမှာ သတင်းထုတ်ပြန်ပေမယ့် အာဒိုဂန်က အလောင်းပျောက်နေမှုကို မေးခွန်းထုတ်ခဲ့ပါတယ်။

“အလောင်းဘယ်ရောက်သွားလဲ။ အလောင်းကို ဒေသခံတစ်ယောက်ကို ပေးလိုက်တယ်ပြောတယ်။ အဲဒီဒေသခံက ဘယ်သူလဲ။ ဒီမေးခွန်းတွေအားလုံးအတွက် အဖြေမရဘဲ ဒီကိစ္စ ပြီးသွားမယ်လို့  မထင်ပါနဲ့”

စုံစမ်းစစ်ဆေးမှုအတွင်း ဆော်ဒီက တူရကီနဲ့ ပူးပေါင်းဆောင်ရွက်တာ၊ ကာရှိုဂျီပျောက်ဆုံးသွားတဲ့နေ့က အစ္စတန်ဘူလ်ကို လာရောက်ခဲ့တဲ့ လူ ၁၅ ဦး အပါအ၀င် ၁၈ ဦးကို ဖမ်းဆီးထားတာတွေဟာ ဆော်ဒီရဲ့ မှန်ကန်တဲ့ ဆောင်ရွက်ချက်တွေ ဖြစ်တယ်လို့လည်း အာဒိုဂန်က ထည့်သွင်းပြောဆိုခဲ့ပါတယ်။

Ref: Aljazeera