လူမျိုးရေးခွဲခြားသူ ထရမ့်ကို မကြိုဆိုဟု အကြမ်းဖက်ခံ ဂျူးခေါင်းဆောင်များပြော

အောက်တိုဘာ ၃၀၊ ၂၀၁၈
M-Media

သေဆုံးသွားသူများအတွက် ဆုတောင်းမှု

– တိုင်းပြည်အတွင်းက လူနည်းစုတွေအပေါ် စော်ကားပြောဆိုမှုတွေ ပြုလုပ်ခဲ့တဲ့ သမ္မတ ဒေါ်နယ်ထရမ့်ကို မိမိတို့ မကြိုဆိုဘူးလို့ ပစ္စဘာ့ဂ်မြို့ ဂျူးခေါင်းဆောင်တွေက ပြောကြားလိုက်ပါတယ်။

ပင်ဆဲလ်ဗားနီးယားပြည်နယ်မှာရှိတဲ့ အဲဒီမြို့က Tree of Life ဂျူးဘုရားကျောင်းမှာ စနေနေ့က လူဖြူအစွန်းရောက် သေနတ်သမားတစ်ဦးရဲ့ ၀င်ရောက်ပစ်ခတ်မှုကြောင့် အနည်းဆုံး ဂျူးလူမျိုး ၁၁ ဦး သေဆုံးခဲ့ပြီး ၆ ဦး ဒဏ်ရာရရှိခဲ့ပါတယ်။

ပစ္စဘာ့ဂ်မြို့က ဂျူးဖွံ့ဖြိုးတိုးတက်ရေး ဆောင်ရွက်နေတဲ့အဖွဲ့ Behind the Arc က ခေါင်းဆောင်တွေဟာ တနင်္ဂနွေနေ့က သမ္မတဒေါ်နယ်ထရမ့်ထံ တိုက်ရိုက်လိပ်မူတဲ့ အိတ်ဖွင့်ပေးစာတစ်စောင် ထုတ်ပြန်ခဲ့ပြီး လူဖြူအစွန်းရောက်တွေနဲ့ ခပ်ဝေးဝေး မနေသမျှ ထရမ့်ကို မကြိုဆိုဘူးလို့ ပြောကြားခဲ့ပါတယ်။

“ပြီးခဲ့တဲ့ ၃ နှစ်တာကာလအတွင်း ခင်ဗျားရဲ့ စကားလုံးတွေ၊ ပေါ်လစီတွေကြောင့် လူဖြူအမျိုးသားရေး လှုပ်ရှားမှုဟာ အတင့်ရဲလာခဲ့ပါတယ်။ လူသတ်သမားကို မကောင်းဆိုးဝါးလို့ ခင်ဗျား ကင်ပွန်းတပ်ခဲ့ပေမယ့် မနေ့က (စနေနေ့က) အကြမ်းဖက်မှုမှာ ခင်ဗျားရဲ့ပရောဂါ တိုက်ရိုက် ပါဝင်နေပါတယ်” လို့ စာထဲမှာ ရေးသားထားပါတယ်။

ထရမ့်ဟာ မွတ်စလင်တွေ၊ လိင်တူချစ်သူ လူ့အဖွဲ့အစည်းတွေ၊ လူဖြူမဟုတ်သူတွေ၊ မသန်စွမ်းသူတွေရဲ့ လုံခြုံရေးကို ထိခိုက်အောင် ဆောင်ရွက်နေတယ်လို့လည်း ဂျူးခေါင်းဆောင်တွေရဲ့ စာထဲမှာ ဖော်ပြထားပါတယ်။

“မနေ့က အစုလိုက်အပြုံလိုက် သတ်ဖြတ်မှုဟာ ကျွန်တော်တို့တိုင်းပြည်က လူနည်းစုတွေအပေါ် ခင်ဗျားရဲ့ လှုံ့ဆော်မှုကြောင့် ဖြစ်လာတဲ့ ပထမဆုံး အကြမ်းဖက်မှု မဟုတ်ပါဘူး”

သေနတ်သမား ရောဘတ် ဘောင်ဝါက အမေရိကန်နိုင်ငံအတွင်းကို ပြောင်းရွှေ့အခြေချသူတွေ ခေါ်သွင်းတဲ့ ဂျူးအဖွဲ့အစည်း Hebrew Immigrant Aid Society ကို မကြိုက်တဲ့အတွက် ဒီလို တိုက်ခိုက်ရခြင်းဖြစ်တယ်လို့ ပြောကြားခဲ့ပါတယ်။

သမ္မတထရမ့်က ဒီသတ်ဖြတ်မှုကို ရှုတ်ချခဲ့ပေမယ့်၊ ဘောင်ဝါက ထရမ့်ဟာ ဂျူးတွေကို မုန်းသင့်သလောက် မမုန်းဘူးလို့ ဝေဖန်ပြစ်တင်ခဲ့ပါတယ်။

ဒီလိုတိုက်ခိုက်မှုတွေ ဖြစ်ပေါ်စေနိုင်တဲ့ ‘အမုန်းဝန်ကျင်တစ်ခု’ ကို ထရမ့်က ဖန်တီးပေးခဲ့တယ်လို့ စွပ်စွဲမှုတွေလည်း ရှိနေပါတယ်။

Tree of Life ဂျူးဘုရားကျောင်းရဲ့ ဥက္ကဌဟောင်းဖြစ်တဲ့ လန်နက်တီ လီဒါမန်က Behind the Arc အဖွဲ့နဲ့ သဘောထားချင်း ထပ်တူကျတယ်လို့ ပြောကြားခဲ့ပါတယ်။

“ဒီမြို့မှာ ကျွန်မ ထရမ့်ကို မကြိုဆိုပါဘူး” လို့ သူမက ပြောဆိုခဲ့ပြီး၊ ထရမ့်ဟာ ‘အမုန်းစကားကို’ ရေလောင်းပေါင်းသင်သူ ဖြစ်တယ်လို့လည်း
ဆိုပါတယ်။

“သူ့ပါးစပ်ကထွက်လာတဲ့ ကြောင်သူတော်စကားတွေကို ဂရုမစိုက်ပါဘူး။ ကျွန်မတို့မြို့မှာ ခေါင်းဆောင်မှု ကောင်းကောင်းရှိတယ်။ စိတ်သဘောထား တော်တော်ပြည့်ဝတဲ့ မြို့တော်ဝန်ရှိတယ်။ တောင့်တင်းတဲ့ ခရိုင်အစိုးရအဖွဲ့ရှိတယ်။ လူ့ဂုဏ်သိက္ခာကို တန်ဖိုးထားသူတွေ ကျွန်မတို့ဘက်မှာ ရည်တည်ပေးနေတယ်။ ဒီလူတွေဟာ သမ္မတရဲ့ စိတ်သဘောထားနဲ့ ပြဒါးတစ်လမ်း သံတစ်လမ်းပါပဲ”

ထရမ့်ဇနီးဖြစ်သူ မလာနီယာထရမ့်ဟာ အမေရိကန်ပြည်သူတွေနဲ့ ပစ္စဘာ့ဂ် ပြည်သူတွေကို နှစ်သိမ့်အားပေးဖို့အတွက် ဒီကနေ့မှာ ပစ္စဘာ့ဂ်မြို့ကို သွားရောက်မယ်လို့ အိမ်ဖြူတော်က မနေ့မှာ သတင်းထုတ်ပြန်ခဲ့ပါတယ်။

သေဘေးကနေ သီသီကလေး လွတ်မြောက်ခဲ့တဲ့ Tree of Life ဘုရားကျောင်းက ဂျူးဘုန်းတော်ကြီး ဂျက်ဖရီ မေယာက သူ့အနေနဲ့ သမ္မတထရမ့် လာရောက်မယ်ဆိုရင် ကြိုဆိုမှာဖြစ်ပေမယ့် ‘တိုင်းအပြည်အတွင်း အမုန်းတွေကို ရပ်တန့်ဖို့၊ ရန်လိုတဲ့စကားတွေကို လျှော့ချဖို့အတွက်’ ခေါင်းဆောင်တွေကို နားချရမယ်လို့ ပြောကြားခဲ့ပါတယ်။

Ref: Aljazeera