ဒုတိယကမ္ဘာစစ်က ကိုရီးယားကျွန်းဆွယ်တွင် အဓမ္မလုပ်အားခိုင်းစေမှုအတွက် ဂျပန်ကုမ္ပဏီက နစ်နာကြေး ပေးရမည်

အောက်တိုဘာ ၃၀၊ ၂၀၁၈
M-Media

– ကိုရီးယားကျွန်းဆွယ်ကို ဂျပန်ဧကရာဇ်စစ်တပ်က ကျူးကျော်သိမ်းပိုက်ခဲ့ချိန် ဒုတိယကမ္ဘာစစ်အတွင်း အဓမ္မလုပ်အား ခိုင်းစေမှုအတွက် လူ ၄ ဦးကို နစ်နာကြေးပေးဖို့ တောင်ကိုရီးယားတရားရုံးချုပ်က ဂျပန်ကုမ္ပဏီတစ်ခုကို အမိန့်ချမှတ်လိုက်ပါတယ်။

Nippon Steel & Sumitomo Metal ကုမ္ပဏီဖြစ်ပြီး တရားစွဲသူ တစ်ဦးချင်းစီကို ၀မ် သန်း ၁၀၀ (ဒေါ်လာ ၈၇၇၀၀) ပေးဖို့ အမိန့်ချမှတ်ခဲ့တာ ဖြစ်ပါတယ်။

တရားစွဲဆိုသူတွေထဲမှာ အသက်ရှင်ကျန်ရစ်ဆဲ တစ်ဦးတည်းသောသူဖြစ်တဲ့ အသက် ၉၈ နှစ်အရွယ် လီချွန်ရှစ်က ဆုံးဖြတ်ချက်ကို ကြိုဆိုခဲ့ပြီး ‘ဒီလိုနေ့မျိုးကို သူတစ်ဦးတည်းသာ မြင်တွေ့ခွင့်ရတဲ့အတွက် ကြေကွဲဝမ်းနည်းမိတယ်’ လို့ ရုပ်သံကနေတစ်ဆင့် ပြောကြားခဲ့ပါတယ်။

တောင်ကိုရီးယား တရားရုံးချုပ်ရဲ့ ဒီဆုံးဖြတ်ချက်ဟာ တောင်ကိုရီးယား-ဂျပန်တို့ရဲ့ နိုင်ငံရေးနဲ့ စီးပွားရေးဆိုင်ရာ ဆက်ဆံမှုတွေအပေါ် သိသိသာသာ ရိုက်ခတ်မှုရှိနိုင်တယ်လို့ နိုင်ငံရေးသုတေသီတွေက သုံးသပ်ကြပါတယ်။

ဂျပန်ဟာ ကိုရီးယားကျွန်းဆွယ်ကို ၁၉၁၀ ခုနှစ်ကနေ ၁၉၄၅ ခုနှစ်အထိ ၃၅ နှစ်ကြာ ကျူးကျော်သိမ်းပိုက်ခဲ့ပါတယ်။ အဲဒီလို သိမ်းပိုက်မှုအတွင်း ဌာနေအမျိုးသမီးတွေကို လိင်ကျွန်အဖြစ် အသုံးချမှု၊ အမျိုးသားတွေကို ချွေးတပ်ဆွဲမှုတွေအတွက် ဂျပန်နဲ့ တောင်ကိုရီးယားအကြား တင်းမာမှုတွေဟာ အခုအချိန်အထိ ရှိနေပါတယ်။

Nippon Steel ကုမ္ပဏီကတော့ ဒီကနေ့ဆုံးဖြတ်ချက်အတွက် စိတ်ပျက်ရပြီး ပြန်လည်သုံးသပ်ကာ ဂျပန်အစိုးရဲ့ တုန့်ပြန်မှုကိုရဖို့ ကြိုးစားသွားမယ်လို့ ပြောကြားခဲ့ပါတယ်။

ဂျပန်နိုင်ငံခြားရေးဝန်ကြီးဌာနက ဒီကိစ္စအတွက် ဂျပန်သံအမတ်ကို ဆင့်ခေါ်သွားမယ်လို့ ထုတ်ပြန်ခဲ့ပါတယ်။

Ref: Aljazeera