ပြည်တွင်းဖြစ် တိုက်လေယာဉ်များကို အီရန်က အကြီးအကျယ်ထုတ်လုပ်

နိုဝင်ဘာ ၃၊ ၂၀၁၈
M-Media

အီရန်ပြည်တွင်းဖြစ် Kowsar တိုက်လေယာဉ်

– ပြည်တွင်းဖြစ် Kowsar တိုက်လေယာဉ်ကို အမြောက်အများထုတ်လုပ်မှု စတင်နေပြီလို့ အီရန်နိုင်ငံပိုင်သတင်းဌာနက ဒီကနေ့မှာ ဖော်ပြလိုက်ပြီး လေတပ်အတွက် လိုအပ်သလောက်အရေအတွက်ကို ထပ်ဖြည့်သွားမယ်လို့ ဆိုပါတယ်။

Kowsar လေယာဉ်ကို အီရန်က သြဂုတ်လမှာ ထုတ်ပြခဲ့တာဖြစ်ပြီး နောက်ဆုံးပေါ် လေကြောင်းနည်းပညာတွေ၊ ဘက်စုံသုံးရေဒါတွေကို အသုံးပြုထားကာ အီရန်နိုင်ငံရဲ့ ၁၀၀ ရာခိုင်နှုန်း ပြည်တွင်းဖြစ်တိုက်လေယာဉ်ဖြစ်တယ်လို့ ဆိုပါတယ်။

အီရန်သမ္မတ ဟာဆန် ရူဟာနီက နိုင်ငံရဲ့ စစ်အင်အားဟာ ရန်သူတွေကို ဟန့်တားဖို့နဲ့ ငြိမ်းချမ်းရေးကို ထိန်းသိမ်းဖို့ဖြစ်တယ်လို့ တိုက်လေယာဉ်ထုတ်ပြတဲ့ အခမ်းအနားမှာ ပြောကြားခဲ့ပါတယ်။

အီရန် ကာကွယ်ရေးဝန်ကြီး ဟာတာမီကလည်း နိုင်ငံရဲ့ လေယာဉ်ထုတ်လုပ်မှု စီမံကိန်းဟာ ၁၉၈၀ ပြည့်နှစ်တွေက ၈ နှစ်ကြာ အီရတ်နဲ့စစ်ပွဲမှာ ရရှိခဲ့တဲ့ သင်ခန်းစာ၊ အစ္စရေးရဲ့ ရန်လိုမှုတွေကြောင့် ပေါ်ပေါက်လာတာဖြစ်တယ်လို့ သြဂုတ်လမှာ ပြောကြားခဲ့ပါတယ်။

အရှေ့အလယ်ပိုင်း ဒေသအတွင်း အီရန်ရဲ့ ပြိုင်ဘက်တွေကို ကန်ဒေါ်လာ ဘီလီယံချီ လက်နက်တွေရောင်းချနေတဲ့ အမေရိကန်ဟာ ဒုံးကျည်ထုတ်လုပ်မှုအပါအ၀င် အီရန်ရဲ့ ကာကွယ်ရေးလုပ်ငန်းတွေအပေါ် ပိတ်ဆို့မှုတွေ ပြုလုပ်ဖို့ ပိုမို ကြိုးစားလာပါတယ်။

၂၀၁၅ ခုနှစ်က အင်အားကြီးနိုင်ငံ ၆ နိုင်ငံနဲ့ ရရှိတဲ့ နျူသဘောတူညီချက်ကနေ အမေရိကန်ဟာ မေလမှာ နှုတ်ထွက်ခဲ့ပြီး အီရန်အပေါ် ပိတ်ဆို့မှုတွေ ထပ်မံပြုလုပ်ခဲ့ပါတယ်။

Ref: Aljazeera