လူနည်းစုကို ကာကွယ်မပေးသည့် ယူကရိန်းအစိုးရကို ဥရောပလူ့အခွင့်အရေးတရားရုံးက အရေးယူ

နိုဝင်ဘာ ၈၊ ၂၀၁၈
M-Media

– ၂၀၀၂ ခုနှစ်က အိုဒက်ဆာပြည်နယ်မှာ ရိုးမားလူမျိုးတွေကို အမုန်းအခြေပြု တိုက်ခိုက်မှုမှာ လုံခြုံရေးတပ်ဖွဲ့တွေက ကာကွယ်မပေးခဲ့တဲ့အတွက် ယူကရိန်းအစိုးရက နစ်နာကြေးပေးဖို့ ဥရောပလူ့အခွင့်အရေးခုံရုံး (ECHR) က မနေ့မှာ ဆုံးဖြတ်ခဲ့ပါတယ်။

စက်တင်ဘာ ၉ ရက်နေ့က ဖြစ်ပွားခဲ့တဲ့ အဲဒီအဖြစ်အပျက်မှာ ပီထရစ်ဗ်ကာရွာက ရိုမားလူမျိုးတွေရဲ့ အိမ်တွေကို ရာနဲ့ချီတဲ့ လူအုပ်က အကြမ်းဖက်တိုက်ခိုက်ခဲ့တာ ဖြစ်ပါတယ်။

ဒီကိစ္စကို ၂၀၀၈ ခုနှစ်ကတည်းက ကိုင်တွယ်နေတဲ့ ဥရောကရိုးမားလူမျိုးများအခွင့်အရေးစင်တာ ERRC က တိုက်ခိုက်သူတွေဟာ ရိုးမားလူမျိုးတွေကို ဒေသကနေ မောင်းထုတ်ဖို့အတွက် ဆောင်ရွက်ခဲ့တာဖြစ်ပြီး ယူကရိန်းရဲတပ်ဖွဲ့ကလည်း ဒီအဖြစ်အပျက်ကို ရပ်ကြည့်နေခဲ့တယ်လို့ ပြောကြားခဲ့ပါတယ်။

ECHR က ၂၀၁၀ ခုနှစ်ကနေစတင်ကာ ဒီကိစ္စကို ကိုင်တွယ်ခဲ့ပြီး တိုက်ခိုက်မှုအတွင်း ပျက်ဆီးမှုတန်ဖိုး ကန်ဒေါ်လာ ၂ သိန်းကျော်ကို ယူကရိန်းအစိုးရက ပြန်လျော်ပေးဖို့ ဆုံးဖြတ်ခဲ့ပါတယ်။

ယူကရိန်းရဲ့ ၄၈.၅ သန်းသော လူဦးရေမှာ ရိုးမားလူမျိုးအရေအတွက်ဟာ ၂ သိန်း ၆ သောင်းခန့် ရှိနေပြီး ဟန်ဂေရီစကားပြောတဲ့ သူတို့တွေဟာ ယူကရိန်းနိုင်ငံ အနောက်ပိုင်းမှာ အများစု နေထိုင်ကြပါတယ်။

ယူကရိန်းမှာ ပြီးခဲ့တဲ့နှစ်တွေအတွင်း ရိုးမားလူမျိုးတွေအပေါ် တိုက်ခိုက်သတ်ဖြတ်မှုတွေ မြင့်တက်လာခဲ့ပါတယ်။

Ref: Aljazeera