အာဖရိက၏ အမြန်ဆုံးရထားလိုင်းကို မော်ရိုကိုတွင်ဖွင့်လှစ်

နိုဝင်ဘာ ၁၆၊ ၂၀၁၈
M-Media

– အာဖရိကတိုက်ရဲ့ အမြန်ဆုံး ကျည်ဆန်ရထားလိုင်းတစ်ခုကို မော်ရိုကိုနိုင်ငံက ကြာသာပတေးနေ့မှာ ဖွင့်လှစ်ခဲ့ပါတယ်။

နိုင်ငံရဲ့အကြီးဆုံးမြို့ ကာဆာဘလန်ကာနဲ့ မဟာဗျူဟာကျတဲ့ ဆိပ်ကမ်းမြို့ တန်ဂီယာရ်ကို ဆက်သွယ်ထားတဲ့ ရထားလမ်းဖြစ်ပြီး ဖွင့်ပွဲအခမ်းအနားကို မော်ရိုကိုဘုရင် မိုဟာမက် ၆ နဲ့ ပြင်သစ်သမ္မတ အီမန်နျူယဲလ် မာခရွန်တို့ တက်ရောက်ဖွင့်လှစ်ခဲ့ပါတယ်။

ရထားလမ်းဟာ မြန်နှုန်း တစ်နာရီကို ၃၅၇ ကီလိုမီတာအထိ ပြေးဆွဲနိုင်မှာဖြစ်ပြီး ပုံမှန်အားဖြင့် တစ်နာရီ ၃၂၀ ကီလိုမီတာနဲ့ ပြေးဆွဲဖို့ စီစဉ်ထားပါတယ်။ ဒီရထားလိုင်းကြောင့် ကာဆာဘလန်ကာနဲ့ တန်ဂီယာရ်တို့ကို ခရီးသွားချိန်ဟာ ၂ နာရီဝန်းကျင်သာ ကြာမြင့်မှာ ဖြစ်ပါတယ်။

အရင်က အာဖရိကတိုက်ရဲ့ အမြန်ဆုံးရထားလမ်းဟာ တောင်အာဖရိကမှာရှိပြီး ဂျိုဟန်နစ္စဘတ်လေဆိပ်နဲ့ စီးပွားရေးမြို့တော် ဆန်ဒ်တန် တို့ကို ဆက်သွယ်ထားတာ ဖြစ်ပါတယ်။ အခု မော်ရိုကိုရထားလိုင်းဟာ တောင်အာဖရိက ရထားလိုင်းထက် ၂ ဆ မြန်မှာ ဖြစ်ပါတယ်။

ရထားလိုင်းအတွက် ကုန်ကျစားရိတ် စုစုပေါင်း ကန်ဒေါ်လာ ၂.၄ ဘီလီယံကုန်ကျခဲ့ပြီး ပြင်သစ်နိုင်ငံက ၅၁ ရာခိုင်နှုန်း၊ ဆော်ဒီ၊ ကူဝိတ်နဲ့ ယူအေအီးတို့က ၂၁ ရာခိုင်နှုန်း ကျခံကာ မော်ရိုကိုနိုင်ငံက ၂၈ ရာခိုင်နှုန်း စိုက်ထုတ်ခဲ့တာ ဖြစ်ပါတယ်။

ရထားလိုင်းအမည်ကို ‘အလ်ဘိုရက်’ လို့ အမည်ပေးထားပြီး တမန်တော် မိုဟာမက်သခင် ကောင်းကင်ခရီးသွားခဲ့စဉ်က စီးနင်းခဲ့တဲ့ မြင်းပျံရဲ့အမည်ကို မှည့်ခေါ်ထားတာ ဖြစ်ပါတယ်။ အစ္စလာမ်ဘာသာဝင်တွေက တမန်တော်ဟာ ဘုရားသခင်ရဲ့အစီအစဉ်နဲ့ ကောင်းကင်ခရီး သွားရောက်ခဲ့ပြီး လူသားတွေ သေဆုံးပြီးနောက် ကြုံတွေ့ရမယ့် သုခဘုံနဲ့ ငရဲဘုံတွေကို မျက်မြင် သွားကြည့်ခဲ့တယ်လို့ ယုံကြည်ကြပါတယ်။

Ref: Arab News