ပြီးခဲ့သည့်နှစ်က ပျောက်ဆုံးသွားသည့် အာဂျင်တီးနားရေငုပ်သင်္ဘောကို သမုဒ္ဒရာအောက်တွင် ပြန်တွေ့

နိုဝင်ဘာ ၁၇၊ ၂၀၁၈
M-Media

နစ်မြှုပ်သွားသည့် ရေငုပ်သင်္ဘောကို ၂၀၁၄ ခုနှစ်က ရိုက်ကူးထားသည့်ပုံ

– လွန်ခဲ့တဲ့တစ်နှစ်က ပျောက်ဆုံးသွားတဲ့ ARA San Juan ရေငုပ်သင်္ဘောကို အတ္တလန်တိတ်သမုဒ္ဒရာအောက် မီတာ ၈၀၀ လောက်မှာ ပြန်တွေပြီလို့ အာဂျင်တီးနား စစ်တပ်က ဒီကနေ့မှာ အတည်ပြု ပြောဆိုလိုက်ပါတယ်။

ရေတပ်သား ၄၄ ဦးကို တင်ဆောင်သွားတဲ့ အဲဒီရေငုပ်သင်္ဘောဟာ ၂၀၁၇ ခုနှစ် နိုဝင်ဘာ ၁၅ ရက်နေ့က ပုံမှန် ရေအောက်သွားလာမှု ပြုလုပ်စဉ် အဆက်အသွယ်ပြတ်တောက် ပျောက်ဆုံးသွားခဲ့တာ ဖြစ်ပါတယ်။ မပျောက်ဆုံးခင် သင်္ဘောကပ္ပတိန်က ဘတ္ထရီအခန်းထဲမှာ ရှော့ဖြစ်မှုရှိတယ်လို့ စစ်အခြေစိုက်စခန်းကို အကြောင်းကြားခဲ့ပါတယ်။

အာဂျင်တီးနားစစ်တပ်က ရေငုပ်သင်္ဘောမှာ ရှော့ဖြစ်ပြီး မီးလောင်ရာကနေ ပေါက်ကွဲနစ်မြုပ်သွားတာ ဖြစ်နိုင်တယ်လို့ ကောက်ချက်ချခဲ့ပြီး ၁၅ ရက်အကြာ နိုဝင်ဘာ ၃၀ ရက်နေ့မှာ ရှာဖွေမှုလုပ်ငန်းကို ရပ်တန့်ခဲ့ပါတယ်။

ရေငုပ်သင်္ဘောရှာဖွေရေး အာဂျင်တီးနားစစ်တပ်နဲ့ စာချုပ်ချုပ်ထားတဲ့ အမေရိကန်ကုမ္ပဏီ Ocean Infinity က တစ်နှစ်အကြာမှာ ရှာတွေ့ခဲ့ပြီး ရေအနက်ပိုင်းကို ရောက်ရှိနေတဲ့အတွက် ရေငုပ်သင်္ဘောမှာ ဘာတွေဖြစ်ခဲ့သလဲဆိုတာ သွားမကြည့်နိုင်သေးသလို၊ အပေါ်ကို ဆယ်တင်မလားဆိုတာကိုလည်း အာဂျင်တီးနားရေတပ်က မဆုံးဖြတ်ရသေးပါဘူး။

သင်္ဘောထဲ လိုက်ပါသွားသူတွေရဲ့ ဆွေမျိုးတွေဟာ ပြီးခဲ့တဲ့ နိုဝင်ဘာ ၁၅ ရက်နေ့က Mar del Plata ရေတပ်စခန်းကို လာရောက်ကာ အောက်မေ့ဖွယ်အခမ်းအနားတစ်ခုကို ကျင်းပခဲ့ကြပါတယ်။

Ref: RT