နော်ဝေရှိ ဘောလုံးဒိုင်လူကြီးတစ်ဦး လူငယ် ၃၀၀ ကျော်ကို လိင်စော်ကား

နိုဝင်ဘာ ၂၁၊ ၂၀၁၈
M-Media

– နော်ဝေနိုင်ငံက ဘောလုံးဒိုင်လူကြီးတစ်ယောက်ဟာ ယောက်ျားလေး အယောက် ၃၀၀ လောက်ကို လိင်ပိုင်းဆိုင်ရာ စော်ကားတဲ့အတွက် တရားစွဲဆို ခံခဲ့ရပြီး နိုင်ငံအတွင်း သမိုင်းတစ်လျှောက် အကြီးမားဆုံး လိင်ပြဿနာ ဖြစ်ပါတယ်။

အသက် ၂၀ ကျော်အရွယ်ရှိတဲ့ အဲဒီဒိုင်လူကြီးဟာ ၂၀၁၁ ခုနှစ်ကစတင်ပြီး အွန်လိုင်းမှာ အမျိုးသမီးအသွင်ယူပြီး အသက် ၁၃ နှစ်ကနေ ၁၆ နှစ်အတွင်းရှိတဲ့ ကောင်လေးတွေကို ပစ်မှတ်ထားကာ လိင်ပိုင်းဆိုင်ရာ ဓာတ်ပုံတွေ၊ ဗီဒီယိုတွေကို တောင်းယူခဲ့ပါတယ်။

၂၀၁၄ ခုနှစ်ကနေ ၂၀၁၆ ခုနှစ်တွင်း Line နဲ့ Kitt တို့လို စာပို့တဲ့ အက်ပလီကေးရှင်းတွေအသုံးပြုကာ ဆယ်ကျော်သက် ကောင်လေး ၁၀၀ ကျော်လောက်နဲ့ လိင်ပိုင်းဆိုင်ရာ မက်ဆေ့ခ်ျထောင်ချီ အပြန်အလှန် ပေးပို့ခဲ့ကြပါတယ်။ ဒီပုံတွေ စာတွေကို အွန်လိုင်းမှာ ဖြန့်ဝေမယ်လို့ ခြိမ်းခြောက်ပြီး ကလေးငယ်တွေဆီက လိင်ဓာတ်ပုံတွေ၊ ပစ္စည်းတွေကို တောင်းယူခဲ့တယ်လို့ နော်ဝေမီဒီယာတွေက ဖော်ပြပါတယ်။

လက်ရှိမှာ ဒိုင်လူကြီးကို အဓမ္မကျင့်မှု စွဲချက်တစ်ခု ကလေးငယ် ၃၀၀ ကို လိင်ပိုင်းဆိုင်ရာ စော်ကားမှု စွဲချက်တွေနဲ့ တရားစွဲဆိုထားတာ ဖြစ်ပါတယ်။

“တော်တော်ဆိုးဝါးတဲ့ကိစ္စပါ။ နော်ဝေသမိုင်းသမိုင်းတစ်လျှောက် အကြီးမားဆုံး လိင်ပိုင်းဆိုင်ရာစော်ကားမှု ဖြစ်ပါတယ်” လို့ ရှေ့နေချုပ် ဂူရို ဟာဆန် ဘူလ်က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

တရားစွဲခံထားရသူရဲ့ရှေ့နေက သူ့အမှုသည်ဟာ ဒီလိုလုပ်ရပ်တွေကို လုပ်ခဲ့ကြောင်း ၀န်ခံခဲ့ပေမယ့် တစ်ဦးချင်းစီနဲ့ပတ်သက်လို့ တုန့်ပြန်တာမျိုး မရှိဘူးလို့ ပြောကြားခဲ့ပါတယ်။

၂၀၁၆ ခုနှစ်ကလည်း ယူကေမှာ ဘောလုံးနည်းပြဟောင်း ဘယ်ရီဘန်နဲလ်ဟာ လူငယ်ကစားသမား မိန်းကလေးငယ် ၃၆ ဦးကို လိင်ပိုင်းဆိုင်ရာ စော်ကားမှုအတွက် အပြစ်ရှိကြောင်း တွေ့ခဲ့ရပြီး ထောင်ဒဏ် နှစ် ၃၀ ချမှတ်ခံခဲ့ရပါတယ်။

Ref: RT