ကရာချီရှိ တရုတ်ကောင်စစ်ဝန်ရုံးကို ပါကစ္စတန်ခွဲထွက်ရေးသမားများ တိုက်ခိုက်၊ ဂုတ်သွေးစုပ်မှုကို မကျေနပ်ဟု ပြော

နိုဝင်ဘာ ၂၃၊ ၂၀၁၈
M-Media

– ပါကစ္စတန်နိုင်ငံ ကရာချီမြို့မှာရှိတဲ့ တရုတ်ကောင်စစ်ဝန်ရုံးကို ဘာလို့ခ်ျခွဲထွက်ရေးအဖွဲ့က ဒီကနေ့မနက်ပိုင်းမှာ တိုက်ခိုက်ခဲ့ပြီး ရဲတပ်ဖွဲ့ဝင် ၂ ဦးနဲ့ တိုက်ခိုက်ရေးသမား ၃ ဦး သေဆုံးခဲ့တယ်လို့ ပါကစ္စတန်အာဏာပိုင်တွေက သတင်းထုတ်ပြန်ပါတယ်။

စီးနင်းတိုက်ခိုက်မှု ပြုလုပ်ပြီး သိပ်မကြာခင်မှာပဲ ရဲတပ်ဖွဲ့က သေနတ်သမား ၃ ဦးစလုံးကို ချေမှုန်းနိုင်ခဲ့ပြီး ကောင်စစ်ဝန်ရုံး အဆောက်အဦးကို လုံခြုံအောင် ဆောင်ရွက်နိုင်ခဲ့ပါတယ်။ တိုက်ခိုက်မှုအတွင်း ကောင်စစ်ဝန်ရုံးက တရုတ်နိုင်ငံသားတွေ၊ ပါကစ္စတန် အရပ်သားတွေ ထိခိုက်ဒဏ်ရာရခြင်း မရှိခဲ့ပါဘူး။

နိုင်ငံအရှေ့ပိုင်းမှာ အခြေစိုက်တဲ့ ဘာလို့ခ်ျလူမျိုး ခွဲထွက်ရေးအဖွဲ့က ဒီတိုက်ခိုက်မှုဟာ သူတို့ရဲ့လက်ချက်ဖြစ်ကြောင်း၊ တရုတ်နိုင်ငံဟာ သူတို့ဒေသက သယံဇာတတွေကို ဂုတ်သွေးစုပ် အမြတ်ထုတ်နေတဲ့အတွက် ဒီလိုတိုက်ခိုက်ရခြင်းဖြစ်ကြောင်း ထုတ်ပြန်ခဲ့ပါတယ်။

ပါကစ္စတန်ဝန်ကြီးချုပ် အင်မရန်းခန်းက ဒီတိုက်ခိုက်မှုကို ရှုတ်ချခဲ့ပြီး ဒါဟာ တရုတ်-ပါကစ္စတန် မဟာဗျူဟာမြောက် ပူးပေါင်းဆောင်ရွက်ရေးကို ထိခိုက်အောင် ကြံစည်ဆောင်ရွက်မှုဖြစ်တယ်လို့ ပြောကြားခဲ့ပါတယ်။

တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဂျန်ရွှမ်းကလည်း တိုက်ခိုက်မှုကို ရှုတ်ချကြောင်း ပြောကြားခဲ့ပြီး ပါကစ္စတန်အာဏာပိုင်တွေအနေနဲ့ နိုင်ငံအတွင်းမှာရှိတဲ့ တရုတ်နိုင်ငံသားတွေ၊ ရုတ်အသင်းအဖွဲ့တွေကို ထိထိရောက်ရောက် ကာကွယ်ပေးဖို့ တောင်းဆိုခဲ့ပါတယ်။

Ref: Aljazeera