ကွန်မြူနစ်တရုတ်အစိုးရရဲ့ နှိပ်ကွပ်မှုကို ပိုမိုခံစားလာရတဲ့ ကမ္ဘာ့ဘာသာကြီးများ

ဒီဇင်ဘာ ၅၊ ၂၀၁၈
M-Media

– တရုတ်ဟာ ဘာသာတရားတွေအပေါ် မကြုံစဖူးစစ်ပွဲမျိုး စစ်နွှဲနေပါတယ်။

ပြီးခဲ့တဲ့တစ်နှစ်အတွင်မှာပဲ အစ္စလာမ်ဘာသာဝင်တွေကို အုံလိုက်ကျင်းလိုက် ဖမ်းဆီးတာ၊ ဗုဒ္ဓဘာသာဝင်တွေကို ကွန်မြူနစ်ပါတီအပေါ် သစ္စာခံခိုင်းတာ၊ ခရစ်ယာန်ဘုရားကျောင်းက လက်ဝါးကပ်တိုင်တွေ ဖြုတ်ချဖို့ ဖိအားပေးတာ၊ ဘုရားကျောင်း ပိတ်သိမ်းတာတွေ တော်တော်များများ လုပ်ဆောင်ခဲ့ပါတယ်။

ဘာသာတရားကို တရုတ်ဇာတ်သွင်းခြင်း

ဘာသာမဲ့လို့ တရားဝင်ကြေငြာထားတဲ့ တရုတ်ကွန်မြူနစ်ပါတီဟာ သူတို့ရဲ့လွှမ်းမိုးမှုကို ထိန်းသိမ်းဖို့အတွက် ဘာသာရေးအဖွဲ့အစည်းတွေအပေါ် လွန်ခဲ့တဲ့ ဆယ်စုနှစ်တွေကတည်းက ထိန်းချုပ်မှုတွေ လုပ်ဆောင်ခဲ့ပါတယ်။

၁၉၅၁ ခုနှစ်မှာ ဖွဲ့စည်းခဲ့တဲ့ ကွန်မြူနစ်အစိုးရရဲ့ သာသနာရေးဌာနဟာ ဘာသာတရား ၅ ခုကို ခွင့်ပြုထားပေးမယ့် သူတို့ရဲ့ ထိန်းချုပ်မှုအောက်မှာထားပြီး ကွန်မြူနစ်ပါတီက ပုံဖော်တဲ့ ဗုဒ္ဓဘာသာ၊ တာအိုဘာသာ၊ အစ္စလာမ်ဘာသာနဲ့ ခရစ်ယာန်ဘာသာတွေကိုသာ ပြည်သူက ကျင့်သုံးရတာ ဖြစ်ပါတယ်။

ကွန်မြူနစ်အစိုးရဟာ ဘာသာရေးအဖွဲ့စည်းက လူတစ်ဦးချင်း၊ သူတို့ရဲ့ ထုတ်ဝေမှုတွေ၊ ငွေကြေးသုံးစွဲမှုတွေကို စောင့်ကြည့် ထိန်းချုပ်ပါတယ်။ သဘောတရားအားဖြင့် လွတ်လပ်လပ်စွာ ကိုးကွယ်ခွင့် ပေးထားပေမယ့် အစိုးရက ဆင်ဆာဖြတ်ထားတဲ့ ဘာသာတရားတွေကို လိုက်နာကျင့်သုံးရတာမျိုးပါ။

၂၀၁၅ ခုနှစ် အစိုးရရဲ့ အဓိပ္ပါယ်ဖွင့်ဆိုချက်မှာ အာဏာပိုင်တွေက ‘တရုတ်ဇာတ်သွင်းမှု’ စကားလုံးကို တရားဝင် မိတ်ဆက်ခဲ့ပြီး ဘာသာတရားကို တရုတ်ရဲ့ဆိုရှယ်လစ်အတွေးအခေါ်နဲ့ ကိုက်ညီအောင် ပြုပြင်ဖို့ ဗုဒ္ဓဘာသာ၊ အစ္စလာမ်နဲ့ ခရစ်ယာန် ဘာသာရေးခေါင်းဆောင်တွေကို တိုက်တွန်းခဲ့ပါတယ်။

ဘေဂျင်းက ဗြိတိသျှသံရုံးမှာ အတွင်းဝန်အဖြစ် တာဝန်ထမ်းဆောင်ခဲ့ဖူးတဲ့ ရိုဒီရစ် ၀ိုင်က “ဘာသာရေး လှုပ်ရှားမှုတွေဟာ တစ်ခါတစ်လေမှာ တစ်ချို့အဖွဲ့အစည်းတွေနဲ့ ဆက်နွယ်နေတာကြောင့် ကွန်မြူနစ်ပါတီဟာ ဘာသာတရားတွေအပေါ် တစ်နည်းမဟုတ်တစ်နည်းနဲ့ မျက်မုန်းကျိုးနေတာပါ။ အဲဒီလိုအဖွဲ့အစည်းတွေ ရှိလာပြီဆိုရင် ပါတီက ထိန်းချုပ်ဖို့ ကြိုးစားတော့တာပါပဲ” လို့ ပြောကြားခဲ့ပါတယ်။

ဒါပေမယ့် သမ္မတ ရှီကျင့်ဖျင်ရဲ့လက်ထက်မှာ တရုတ်အစိုးရရဲ့ ဘာသာတရားတွေအပေါ် နှိပ်ကွပ်မှုဟာ စိုးရိမ်စရာကောင်းတဲ့အဆင့်အထိ မြင့်တက်လာခဲ့ပါတယ်။

အစ္စလာမ်နဲ့ အဆက်ဖြတ်ချင်နေ

အစ္စလမ်ဘာသာဝင် ၀ီဂါလူမျိုးတွေရဲ့ပြည်နယ်ဖြစ်တဲ့ နိုင်ငံအနောက်ပိုင်း ရှင်ကျန်းပြည်နယ်မှာဆိုရင် တရုတ်အာဏာပိုင်တွေဟာ ရဲတပ်ဖွဲ့အင်အားကို အုံနဲ့ကျင်းနဲ့ ချထားပြီး၊ ၀ီဂါလူမျိုး တစ်သန်းလောက်ကို အကျဉ်းချထားတယ်ဆိုတဲ့ သတင်းတွေလည်း ထွက်နေပါတယ်။

ဖမ်းဆီးခံရသူ တော်တေ်ာများများက သူတို့ဟာ ၀တ်ရုံခြုံတာ၊ မုတ်ဆိတ်ထားတာလို့ အစ္စလာမ်ဘာသာဝင်ဖြစ်ကြောင်း ထင်ထင်ရှားရှားဖော်ပြတဲ့အတွက် ဒီလို ဖမ်းဆီးခံရတာ ဖြစ်တယ်လို့ ပြောကြားခဲ့ပါတယ်။

အစ္စလာမ်ဘာသာ နှိပ်ကွပ်ရေးဟာ သူတို့ဆီကိုပါ ရောက်လာမလားဆိုပြီး တရုတ်ပြည်မကြီးတစ်ဝိုက်မှာ ပြန့်ကျဲနေထိုင်ကြတဲ့ ဟွေလူမျိုး အစ္စလာမ်ဘာသာဝင်တွေကလည်း ကြောက်ရွံ့နေကြပါတယ်။

ဟွေလူမျိုးတွေ အများအပြားနေထိုင်ကြတဲ့ နိုင်ငံမြောက်ပိုင်းက ယွင်ချွမ်မြို့မှာ အစိုးရအာဏာပိုင်တွေဟာ ပတ်ဝန်းကျင် ဆူညံတယ်လို့ဆိုကာ ဗလီဝတ်ကျောင်းတော်က နေ့စဉ် ၀တ်ပြုဖုိ့နှိုးဆော်မှုကို ပိတ်ပင်ခဲ့ကြောင်း South China Morning Post က ဖော်ပြခဲ့ပါတယ်။

နိုင်ငံအလယ်ပိုင်း လင်ရှာမြို့က အမည်မဖော်လိုတဲ့ ရှေ့ဆောင်အီမာမ်တစ်ဦးက “အာဏာပိုင်တွဟာ အစ္စလာမ်ဘာသာဝင်တွေကို အစ္စလာမ်နဲ့ အဆက်ပြတ်ပြီး လောကီဝါဒီသီးသန့်ဖြစ်လာအောင် လုပ်ဆောင်နေတာပါ။ ဒီနေ့ခေတ်မှာ သူတို့ဟာ ကလေးတွေကို ဘာသာရေးအဆုံးအမအောက်မှာ နေခွင့်မပေးဘဲ ကွန်မြူနစ်ဝါဒနဲ့ ပါတီကိုပဲ သစ္စာခံခိုင်းပါတယ်” လို့ ဇူလိုင်လတုန်းက Agence France-Presse သတင်းဌာနကို ပြောကြားခဲ့ပါတယ်။

ဘုရားကျောင်းများကိုစောင့်ကြည့်၊ တရားများကို ဆင်ဆာဖြတ်

ဖိနှိပ်ချုပ်ချယ်မှုကို ခံနေရတာဟာ အစ္စလာမ်ဘာသာတစ်ခုတည်း မဟုတ်ပါဘူး။

ကွန်မြူနစ်အစိုးရ အာဏာပိုင်တွေဟာ သူတို့ထိန်းချုပ်ထားတာမဟုတ်တဲ့ ခရစ်ယာန် ကက်သလစ်နဲ့ ပရိုတက်စတင့်အသင်းတော်တွေကို ပစ်မှတ်ထားပြီး သမ္မာကျမ်းစာတွေ မီးရှို့တာ၊ ဘုရားကျောင်းတွေ ပိတ်ပစ်တာ၊ ခရစ်ယာန်ဘာသာကို စွန့်လွှတ်ဖို့ အမိန့်ပေးတာတွေ လုပ်ဆောင်နေတယ်လို့ AP သတင်းဌာနက စက်တင်ဘာလအတွင်းမှာ ဖော်ပြခဲ့ပါတယ်။

တစ်ချို့ ခရစ်ယာန်ဘုရားကျောင်းတွေကို ဆက်လက်ဖွင့်ခွင့်ပြုထားပေမယ့် ဘုရားကျောင်းအဆောက်အဦးထဲမှာ မျက်နှာကို မှတ်တမ်းတင်တဲ့ ကင်မရာတွေ တပ်ဆင်ထားတာ၊ ဘုရားကျောင်းကို ပိတ်ပစ်မယ်လို့ ခြိမ်းခြောက်တာတွေ လုပ်ဆောင်နေပါတယ်။ ကွန်မြူနစ်ပါတီ တာဝန်ရှိသူတွေဟာ ခရစ်ယာန်တရားတော်တွေကို ဆင်ဆာဖြတ်တာ၊ သူတို့ရဲ့ ၀ါဒဖြန့်စကား ထည့်သွင်းတာတွေ လုပ်ဆောင်တယ်လို့ အမေရိကန်လူ့အခွင့်အရေးအဖွဲ့တစ်ခုဖြစ်တဲ့ ChinaAid ကို ဦးဆောင်တဲ့ သင်းအုပ်ဆရာ ဘော့ဘ်ဖူက France24 သတင်းဌာနကို ပြောကြားခဲ့ပါတယ်။

စက်တင်ဘာလအတွင်းက တရုတအာဏာပိုင်တွေနဲ့ ဗာတီကန်တို့ သဘောတူညီချက်တစ်ခုကို လက်မှတ်ရေးထိုးခဲ့ပြီး အဲဒီသဘောတူညီချက်အရ ဗာတီကန်ဟာ တရုတ်စိုးရက ခန့်အပ်ထားတဲ့ ကက်သလစ်ဂိုဏ်းအုပ်ဘုန်းတော်ကြီး ၇ ဦးကို အသိအမှတ်ပြုခဲ့ရပါတယ်။ အရင်က အဲဒီဘုန်းတော်ကြီးတွေဟာ ဗာတီကန်က တရားဝင်ခွင့်မပြုတဲ့အတွက် ကက်သလစ်အသင်းတော်မှာ တရားဝင် ပါဝင်ခွင့် မရခဲ့ပါဘူး။ အခုသဘောတူညီချက်ဟာ ဗာတီကန်က သူတို့ရဲ့ပါဝါကို တရုတ်ကွန်မြူနစ်ပါတီထံ လွှဲပေးလိုက်ရတာ ဖြစ်တယ်လို့ ဝေဖန်မှုတွေလည်း ရှိနေပါတယ်။

တရုတ်နိုင်ငံမှာ ခရစ်ယာန်ကက်သလစ်ဘာသာဝင် ၁၀ သန်းလောက်ရှိပြီး ဗာတီကန်ကို သစ္စာခံသူ၊ တရုတ်အစိုးရက ထိန်းချုပ်ထားတဲ့ တရုတ်မျိုးချစ်ကက်သလစ်အသင်းကို သစ္စာခံသူဆိုပြီး ကွဲပြားနေတာ ဖြစ်ပါတယ်။ တရုတ်နိုင်ငံက ပရိုတက်စတင့်ခရစ်ယာန်ဘာသာဝင် အရေအတွက်ကတော့ သန်း ၁၀၀ လောက် ရှိပတယ်လို့ Financial Times သတင်းစာက ဖော်ပြပါတယ်။

ဘုန်းကြီးတွေလည်း အလံလွှင့်ထူရ

အရှေ့အာရှမှာ သမိုင်းကြောင်းတစ်လျှောက် နက်နက်ရှိုင်းရိုင်းရှိနေတဲ့ ဗုဒ္ဓဘာသာနဲ့ တာအိုဘာသာတို့ကိုလည်း တရုတ်အစိုးရက အလွတ်မပေးပါဘူး။

ဗုဒ္ဓဘာသာဝင်အများစုရှိတဲ့ တိဘက်မှာ တရုတ်က ဘာသာရေးဆိုင်ရာ ကန့်သတ်ချုပ်ချယ်မှုတွေ ပြုလုပ်ထားပြီး၊ ဗုဒ္ဓဘာသာခေါင်းဆောင် ဒလိုင်းလားမားလည်း အခုအချိန်အထိ ပြည်ပြေးဘ၀နဲ့ နေထိုင်နေရပါတယ်။ တိဘက်က နာမည်ကြီးဘုန်ကြီးကျောင်းတွေရဲ့ နေ့စဉ်လှုပ်ရှားမှုတွေကို တရုတ်အာဏာပိုင်တွေက စောင့်ကြည့်နေတယ်လို့ လေ့လာဆန်းစစ်သူတွေက ပြောပါတယ်။ ဘုန်းကြီးတွေကို အကြမ်းဖက်စွဲချက်နဲ့ ဖမ်းဆီးတရားစွဲဆိုတာတွေ ပုံမှန်လိုလိုဖြစ်လာတာဟာ ရှင်ကျန်းက အခြေအနေတွေနဲ့ မခြားနားပါဘူး။

အခုနှစ်အစောပိုင်းက တရုတ်နိုင်ငံရဲ့ ရှေးဟောင်း ဗုဒ္ဓဘာသာဘုန်းကြီးကျောင်းဖြစ်ပြီး ကွန်ဖူးပညာရပ် မွေးဖွာရာလည်းဖြစ်တဲ့ ရှောင်လင်ဘုရားကျောင်းမှာ နှစ်ပေါင်း ၁၅၀၀အတွင်း ပထမဆုံအကြိမ်အဖြစ် တရုတ်နိုင်ငံအလံ လွှင့်ထူခဲ့ရပါတယ်။ ဒါဟာ မျိုးချစ်စိတ်ဓာတ် ရှင်သန်ထက်မြက်ရေးလို့ ခေါင်းစဉ်တပ်ထားတဲ့ တရုတ်အစိုးရရဲ့ လှုပ်ရှားမှု တစ်စိတ်တစ်ပိုင်း ဖြစ်ပါတယ်။

ရှေ့ဆက်နှိပ်ကွပ်မည်

ကွန်မြူနစ်ပါတီဟာ အာဏာကို ဆက်လက်ဆုပ်ကိုင်ထားနိုင်ဖို့ ကြိုးစားနေပြီး ဒါကိုထိခိုက်တယ်၊ ပြည်တွင်းလုံခြုံရေးကို ထိခိုက်တယ်လို့ သူတို့ယူဆတဲ့ အောက်ခြေက အသင်းအဖွဲ့အားလုံအပေါ် သဘောထားမကြီးပေးပါဘူး။

တရုတ် ဗြိတိသျှသံရုံးက ၀န်ထမ်းဟောင်းဖြစ်ပြီး လက်ရှိ Chatham House အဖွဲ့မှာ ပါဝင်လှုပ်ရှားနေတဲ့ ၀ိုင်က ဘာသာတရားတွေကို တရုတ်အစိုးရက ထိန်းချုပ်ဖို့ စိတ်အား ထက်သန်နေတာဟာ နိုင်ငံရပ်ခြားကသြဇာကို ကန့်သတ်ဖို့ ကြိုးစားဖို့အတွက်လည်း ဖြစ်တယ်လို့ Business Insider ကို ပြောကြားခဲ့ပါတယ်။

“ဘာသာတရားတွေကနေပြီး နိုင်ငံခြားသြဇာ ၀င်လာမလား၊ အဲဒီလိုဝင်လာပြီး နိုင်ငံအတွင်းက လူမှုအတွေးအခေါ်တွေကို အမြတ်ထုတ်လိုက်မလားဆိုတဲ့ စိုးရိမ်မှုတွေ တရုတ်အစိုးမှာ အမြဲတမ်း ရှိပါတယ်။ ဒါဟာ ပိုမို ကြီးမားတောင့်တင်းတဲ့ တရုတ်နိုင်ငံ ဖြစ်လာရေးဆိုတဲ့ ရှီကျင့်ဖျင်ရဲ့ ‘တရုတ်အိပ်မက်’ တစ်စိတ်တစ်ပိုင်းလည်း ဖြစ်ပါတယ်”

“အနာဂတ် တရုတ်နိုင်ငံမှာ နိုင်ငံရေး၊ လူမှုရေး၊ ဘယ်လို ဖြစ်ပေါ် တိုးတက်မှုတွေပဲဖြစ်ဖြစ် ဒါတွေကို တရုတ်ကွန်မြူနစ်ပါတီက ဆုံးဖြတ် အကောင်အထည်ဖော်မှာဖြစ်ပြီး၊ ကိုယ်ကျင့်တရားပိုင်းနဲ့ လူမှုရေးပိုင်းမှာ တစ်ခြားအဖွဲ့က ဆောင်ရွက်တာကို သည်းခံမှာ မဟုတ်ပါဘူး”

Ref : Business Insider

(Business Insider တွင် ဖော်ပြထားသည့် Jailing Muslims, burning Bibles, and forcing monks to wave the national flag: How Xi Jinping is attacking religion in China ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)