IMF နှင့် World Bank တို့၏ မြန်မာ့စီးပွားရေးတိုးတက်မှုခန့်မှန်းချက် အနည်းငယ် ကျဆင်း

ဒီဇင်ဘာ ၁၅၊ ၂၀၁၈
M-Media

– ၂၀၁၈-၂၀၁၉ ခုနှစ် မြန်မာနိုင်ငံရဲ့ GDP တိုးတက်မှုအတွက် နိုင်ငံတကာ ငွေကြေးရန်ပုံငွေအဖွဲ့ IMF နဲ့ ကမ္ဘာ့ဘဏ် World Bank တို့ရဲ့ ခန့်မှန်းချက်ဟာ ကျဆင်းသွားခဲ့ပြီး အစိုးရအနေနဲ့ စီးပွားရေး ပြုပြင်ပြောင်းလဲမှုတွေ ဆက်လုပ်ဖို့၊ ရင်းနှီးမြှုပ်နှံမှုတွေကို ပိုမိုစွဲဆောင်ဖို့ တိုက်တွန်းလိုက်ပါတယ်။

IMF က မြန်မာနိုင်ငံရဲ့ ၂၀၁၈-၁၉ ဘဏ္ဍာရေးနှစ် GDP တိုးတက်မှုနှုန်းဟာ ၆.၄ ရာခိုင်နှုန်း ရှိမယ်လို့ ခန့်မှန်းခဲ့ပြီး ၂၀၁၇-၁၈ GDP ခန့်မှန်းချက် ၆.၈ ရာခိုင်နှုန်းထက် ကျဆင်းခဲ့တာ ဖြစ်ပါတယ်။ World Bank ကလည်း ၂၀၁၈-၁၉ မှာ မြန်မာနိုင်ငံရဲ့ ဂျီဒီပီဟာ ၆.၂ ရာခိုင်နှုန်းသာ တိုးတက်လိမ့်မယ်လို့ ခန့်မှန်းခဲ့ပါတယ်။

ဒီခန့်မှန်းချက်တွေဟာ အခုနှစ်အစောပိုင်းက ခန့်မှန်းချက်တွေထက် ပိုမို ကျဆင်းခဲ့တာ ဖြစ်ပါတယ်။

ဒီလို ခန့်မှန်းချက် လျော့ကျသွားရတဲ့ အကြောင်းအရင်းတွေထဲမှာ ကမ္ဘာ့စီးပွားရေး အခြေအနေမဟန်တာ၊ မြန်မာနိုင်ငံအတွင်း ရင်းနှီးမြှုပ်နှံမှုတွေ လျော့ကျသွားတာ၊
ဈေးနှုန်းတွေ ကြီးမြင့်လာတာ၊ ၀ယ်ယူသုံးစွမှုအား ကျဆင်းတာတွေလည်း ပါဝင်ပါတယ်။

IMF နဲ့ World Bank တို့က မြန်မာအစိုးအနေနဲ့ စီးပွားရေး ပြုပြင်ပြောင်းလဲမှုကို ဆက်လက်လုပ်ဆောင်ဖို့၊ အခြေခံအဆောက်အဦးတွေ၊ ကျန်းမာရေးနဲ့ ပညာရေးတွေမှာ ရင်းနှီးမြှုပ်နှံမှုတွေ ပိုမိုလုပ်ဆောင်ဖို့ တိုက်တွန်းခဲ့ပါတယ်။

“ဘက်ဂျက်ကို ထိထိရောက်ရောက်အသုံးချပြီး၊ အကျိုးအမြတ် များများရအောင်ရှာမယ်။ အခြေခံအဆောက်အဦးပိုင်းနဲ့ လူသားအရင်းအမြစ်ပိုင်းကို မြှင့်တင်ပြီး ရင်းနှီးမြှပ်နှံမှု ပိုများများနဲ့ ပြုပြင်ပြောင်းလဲမှု ဒုတိယလှိုင်းကို အကောင်အထည်ဖော်နိုင်မှ မြန်မာနိုင်ငံရဲ့ စီးပွားရေးတိုးတက်မှုဟာ ဆက်လက် ကောင်းမွန်မှာဖြစ်ပါတယ်” လို့ နိုဝင်ဘာ ၂၈ ရက်နေ့က ဒီဇင်ဘာ ၁၃ ရက်နေ့အထိ မြန်မာနိုင်ငံကို လာရောက် လေ့လာခဲ့တဲ့ IMF အဖွဲ့ခေါင်းဆောင် မစ္စတာ ရှာနာကာ ဂျေ ပီရစ်က ပြောကြားခဲ့ပါတယ်။

ရခိုင်ပြည်နယ်က ရှည်ကြာနေတဲ့ ပြဿနာနဲ့ ကုန်သွယ်မှု အခွင့်ရေးတွေ နည်းသွားတာက ငွေကြေးထောက်ပံ့မယ့်သူတွေ၊ ရင်းနှီးမြှုပ်နှံမှုသူတွေကို လျှော့ကျစေတာကြောင့် စီးပွားရေးတိုးတက်မှု နှောင့်နှေးတာ၊ အလုပ်လက်မဲ့ဖြစ်တာတွေကို ဦးတည်သွားစေတယ်လို့လည် သူက ထည့်သွင်း ပြောဆိုခဲ့ပါတယ်။

World Bank က ကြာသာပတေးနေ့မှာ ထုတ်ပြန်ခဲ့တဲ့ Myanmar Economic Monitor အစီရင်ခံစာမှာ မြန်မာနိုင်ငံရဲ့ စီးပွားရေး မတည်ငြိမ်မှု၊ ကျပ်ငွေ ငွေကြေးဖောင်းပွမှုဟာ သြဂုတ်လမှာ ၂ နှစ်အတွင်း အမြင့်ဆုံး ရောက်သွားမှုတွေကို ထောက်ပြထားပြီး၊ အစိုးရရဲ့ ဘက်ဂျက်နည်းပါးမှုကလည်း နိုင်ငံစီးပွားရေး နှောင့်နှေးရတဲ့ အကြောင်းအရင်းတစ်ရပ်ဖြစ်တယ်လို့ ဖော်ပြထားပါတယ်။

၂၀၂၀ ရွေးကောက်ပွဲ ရှိနေတဲ့အချိန် အစိုးရရဲ့ ငွေကြေးသုံးစွဲမှု မြင့်တက်ဖို့ ရှိနေတာက ရေရှည်ဖွံ့ဖြိုးတိုးတက်ရေး စီမံကိန်း လို အစိုးရက မကြာသေးမီက ထုတ်ပြန်ခဲ့တဲ့ ဆောင်ရွက်ချက်တွေ၊ တရုတ်ရဲ့ Belt and Road စီမံကိန်းအောက်က စီမံကိန်းတွေကြောင့်လည်း ၂၀၁၉ ခုနှစ် အလယ်ပိုင်းမှာ GDP တိုးတက်လာလိမ့်မယ်လို့ World Bank က ဆိုပါတယ်။

Ref: Frontier Myanmar