တနင်္ဂနွေနေ့မနက် နိုင်ငံတကာသတင်းများ

ဒီဇင်ဘာ ၁၆၊ ၂၀၁၈
M-Media

ငွေကြေး မသမာမှုဖြင့် စစ်ဆေးခံနေရသည့် မော်လ်ဒိုက်သမ္မတဟောင်း ယာမင်

ကက်ရ်ှမီးယားဒေသတွင် အစိုးရတပ်နှင့် သူပုန်များ တိုက်ပွဲဖြစ်
===================
အိန္ဒိယက ထိန်းချုပ်ထားတဲ့ ကက်ရ်ှမီးယားဒေသ ပူလ်ဝါမာရွာမှာ မနေ့က သူပုန်တွေကို အစိုးရတပ်ဖွဲ့တွေရဲ့ ရှာဖွေမှုအတွင်း အပြန်အလှန် ပစ်ခတ်မှု ဖြစ်ပွားခဲ့တာကြောင့် အရပ်သား ၇ ဦး၊ သူပုန် ၃ ဦးနဲ့ အိန္ဒိယစစ်သားတစ်ဦး သေဆုံးခဲ့ပါတယ်။ ရွာသားတွေစုပြီး တိုက်ခိုက်မှု ဖြစ်ပွားတဲ့နေရာကို လာရောက်ကြည့်ရှုစဉ် အိန္ဒိယစစ်သားတွေက ပစ်ခတ်ခဲ့တာကြောင့် အရပ်သားတွေ သေဆုံးတာဖြစ်တယ်လို့ မျက်မြင်သက်သေတွေက ပြောပါတယ်။ အိန္ဒိယစစ်တပ်က လူအုပ်ကြီးဟာ ရန်ပြုမယ့်အန္တရာယ် ရှိတာကြောင့် ပစ်ခတ်ရတာဖြစ်တယ်လို့ ဖြေရှင်းခဲ့ပါတယ်။ အိန္ဒိယနဲ့ ပါကစ္စတန် ပိုင်ဆိုင်မှုအငြင်းပွားနေတဲ့ ကက်ရ်ှမီးယားဒေသမှာ အခုနှစ်အတွင်း တိုက်ခိုက်မှုတွေ ခပ်စိတ်စိတ် ဖြစ်ပွားခဲ့တာကြောင့် အရပ်သား ၁၄၆ ဦးအပါအ၀င် လူ ၅၀၀ ကျော် သေဆုံးခဲ့ပါတယ်။

မြို့တော်ပဲရစ်တွင် ပြင်သစ်ပြည်သူများ ၅ ပတ်မြောက်အဖြစ် ဆန္ဒပြ
=====================
အစိုးရရဲ့ အခွန်တိုးမြှင့်မှု၊ လူနေမှုစားရိတ် မြင့်တက်လာမှုတွေကို ဆန့်ကျင်တဲ့အနေနဲ့ ပြင်သူပြည်သူတွေဟာ မနေ့က မြို့တော်ပဲရစ်မှာ ၅ ပတ်မြောက်အဖြစ် ဆန္ဒပြခဲ့ကြပြီး လူ ၇ သောင်းနီးပါး ပါဝင်ခဲ့ပါတယ်။ ရဲတပ်ဖွဲ့ဝင်တွေက မျက်ရည်ယိုဗုံးတွေ၊ ငရုပ်ကောင်းစပရေးတွေ အသုံးပြုကာ လူစုခွဲခဲ့ကြပြီး နှစ်ဖက် ရုန်းရင်းဆန်ခတ်မှုတွေလည်း ဖြစ်ခဲ့ပါတယ်။ မနေ့က ဆန္ဒပြသူပေါင်း ၁၀၀ ကျော် ဖမ်းဆီးခဲ့တယ်လို့ ပဲရစ်ရဲတပ်ဖွဲ့က သတင်းထုတ်ပြန်ပါတယ်။ ပြင်သစ်ပြည်သူတွေဟာ အပတ်စဉ်ဆန္ဒပြလတာ ၅ ပတ်မြောက် ရှိလာပြီဖြစ်ပြီး အခုတစ်ပတ်မှာ ဆန္ဒပြသူအရေအတွက်ဟာ ပြီးခဲ့တဲ့တစ်ပတ်ကထက် ထက်ဝက်လောက် ကျဆင်းသွားပါတယ်။ ပြင်သစ်သမ္မတ အီမန်နျူယဲလ်မာခရွန်က ဆန္ဒပြမှုတွေ ရပ်တန့်သွားရေး ကြိုးစားနေပေမယ့် အောင်မြင်မှု မရသေးပါဘူး။

မော်လ်ဒိုက်သမ္မတဟောင်း ငွေကြေးမသမာမှုဖြင့် စစ်ဆေးခံနေရ
=================
အာဏာရှိစဉ်မှာ ငွေကြေး မသမာမှုတွေ လုပ်ခဲ့တယ်ဆိုတဲ့စွဲချက်နဲ့ မော်လ်ဒိုက်ရဲတပ်ဖွဲ့က သမ္မဟောင်း အဘ်ဒူလာယာမင်ကို မနေ့က ဆင့်ခေါ် စစ်ဆေးခဲ့ပါတယ်။ ယာမင်ဟာ အောက်တိုဘာလ ရွေးကောက်ပွဲမှာ ရှုံးခဲ့သူပါ။ ရွေးကောက်ပွဲမတိုင်ခင် သူ့ရဲ့ဘဏ်စာရင်းထဲကို မော်ဒိုက် ရူဖီယာ ၂၂ သန်း (ကန်ဒေါ်လာ ၁.၅ သန်း) ၀င်လာမှုနဲ့ပတ်သက်လို့ ရဲတပ်ဖွဲ့က မေးမြန်းခဲ့တာဖြစ်ပြီး မိမိအနေနဲ့ ငွေကြေးခ၀ါချမှု၊ မူးယစ်ဆေးပြဿနာတွေမှာ ပါဝင်မှုမရှိဘူးလို့ ယာမင်က ပြောကြားခဲ့ပါတယ်။ ဒီလို ငွေကြေး ၀င်လာမှုဟာ နိုင်ငံရဲ့ ရွေးကောက်ပွဲဥပဒေကို ချိုးဖောက်တာဖြစ်တယ်ဆိုပြီး မော်လ်ဒိုက် ခြစားမှုတိုက်ဖျက်ရေး အေဂျင်စီက စက်တင်ဘာလမှာ စုံစမ်းစစ်ဆေးမှုကို စတင်ခဲ့ပါတယ်။ တရားရုံးကလည်း ယာမင်ရဲ့ ဘဏ်စာရင်းတွေကို ငွေ အသွင်းအထုတ် မပြုလုပ်နိုင်အောင် ပိတ်ပင်ထားပါတယ်။

ခြစားမှုတိုက်ဖျက်ရေး အောင်မြင်မှုကြီးကြီးမားမား ရခဲ့သည်ဟု တရုတ်သမ္မတပြော
=======================
တရုတ်ကွန်မြူနစ်ပါတီအတွင်း ခြစားမှုတိုက်ဖျက်ရေးလုပ်ငန်းမှာ အောင်မြင်မှု ကြီးကြီးမားမား ရခဲ့တယ်လို့ တရုတ်သမ္မတ ရှီကျင့်ဖျင်က သောကြာနေ့ ပါတီပေါ်လစ်ဗျူရို အစည်းအဝေးမှာ ပြောကြားလိုက်ပါတယ်။ ရှီကျင့်ဖျင်ဟာ သမ္မတဖြစ်ပြီးနောက်ပိုင်း ကွန်မြူနစ်ပါတီတစ်ခုလုံးမှာ ခြစားမှုတိုက်ဖျက်ရေးကို ဆောင်ရွက်ခဲ့တာ ဖြစ်ပါတယ်။ ရှီရဲ့ ခြစားမှုတိုက်ဖျက်ရေးအဖွဲ့ဟာ အခုနှစ် ပထမ ၉ လအတွင်း အမှုပေါင်း ၄၆၄၀၀၀ ကို ကိုင်တွယ်ခဲ့ပြီး လူပေါင်း ၄၀၆၀၀၀ ဦးကို အရေးယူခဲ့ပါတယ်။ သောကြာနေ့ ပေါ်လစ်ဗျူရို အစည်းအဝေးမှာ ရှီက ဖုံးကွယ်နေတဲ့ ခြစားမှုတွေကို ဆက်လက်ဖော်ထုတ်သွားမှာဖြစ်ပြီး ပါတီဝင်တွေနဲ့ အစိုးရ လုပ်သားတွေကို
စောင့်ကြည့်ရေး နည်းလမ်းကိုလည်း ခေတ်မီအောင် ပြုလုပ်သွားမယ်လို့ ထည့်သွင်းပြောဆိုခဲ့ပါတယ်။

Ref: CNA