လာမည့်နှစ် ပါလက်စတိုင်းအကူအညီပေးရေးအတွက် ကန်ဒေါ်လာ သန်း ၃၅၀ လိုအပ်နေ

ဒီဇင်ဘာ ၁၇၊ ၂၀၁၈
M-Media

– အစ္စရေးရဲ့ ကျူးကျော်သိမ်းပိုက်မှုတွေ၊ ပိတ်ဆို့မှုတွေကြောင့် အတိဒုက္ခရောက်နေကြတဲ့ ပါလက်စတိုင်း ဒုက္ခသည်တွေအတွက် ကန်ဒေါ်လာ သန်း ၃၅၀ ကူညီဖို့ ပါလက်စတိုင်းအာဏာပိုင်အဖွဲ့နဲ့ ကုလကတို့က ဒီကနေ့မှာ နိုင်ငံတကာအသိုင်းအ၀ိုင်းကို တောင်းဆိုလိုက်ပါတယ်။

ပါလက်စတိုင်းတွေကိုကူညီဖို့ အမေရိကန်ကပေးအပ်နေတဲ့ ငွေကြေးဟာ ပြီးခဲ့တဲ့နှစ်က စတင်ကာ ရပ်ဆိုင်းသွားခဲ့တဲ့အတွက် ကုလအပါအ၀င် ပါလက်စတိုင်းပိုင်နက်တွေမှာ အကူအညီပေးရေး လုပ်ဆောင်နေကြတဲ့ အဖွဲ့အစည်းတွေ အခက်တွေ့လာတာ ဖြစ်ပါတယ်။

ဒီကနေ့ထုတ်ပြန်တဲ့ အကူအညီပေးရေး အစီအစဉ် 2019 Humanitarian Response Plan မှာ ကုလနဲ့ NGO တွေ အပါအ၀င် အဖွဲ့ပေါင်း ၈၈ ဖွဲ့က ဆောင်ရွက်မယ့် စီမံကိန်း ၂၀၃ ခုကို ဖော်ပြထားပြီး အကူအညီ အလွန်အမင်း လိုအပ်နေတဲ့ ပါလက်စတိုင်းပြည်သူ ၁.၄ သန်းကို အစားအသောက်၊ ကျန်းမာရေးစောင့်ရှောက်မှု၊ သောက်သုံးရေ၊ နေထိုင်စရာ၊ တစ်ကိုယ်ရေသန့်ရှင်းရေး အကူအညီတွေ ပေးဖို့ ဖြစ်ပါတယ်။

ပါလက်စတိုင်းဆိုင်ရာ ကုလ လူသားချင်းစာနာထောက်ထားမှု ညှိနှိုင်းရေးမှူး မက်ဂိုလ်ဒရစ်က အကူအညီပေးသူတွေဟာ ရန်ပုံငွေ လျော့နည်းတာအပါအ၀င် မကြံစဖူးစိန်ခေါ်မှုတွေနဲ့ ကြုံတွေ့နေရတယ်လို့ ပြောကြားခဲ့ပါတယ်။

၂၀၁၉ အကူအညီပေးရေး စီမံကိန်းက တောင်းခံထားတဲ့ ရန်ပုံငွေ ၇၇ ရာခိုင်နှုန်းဟာ အစ္စရေးနဲ့ အီဂျစ်တို့ရဲ့ ပိတ်ဆို့မှုတွေကြောင့် အတိဒုက္ခရောက်နေတဲ့ ဂါဇာကမ်းမြှောင်က ပြည်သူတွေအတွက် အသုံးပြုသွားမှာ ဖြစ်ပါတယ်။

“အစ္စရေးက ကျူးကျော်သိမ်းပိုက်ထားတဲ့ အနောက်ဖက်ကမ်းမှာလည်း အစ္စရေးရဲ့ ကျူးလွန်မှုတွေ၊ အရင်းအမြစ်ရှားပါးမှုတွေ၊ အကူအညီပေးရေးကို နိုင်ငံရေးအမြတ်ထုတ်ပြီး ရန်ပုံငွေလျှော့ချတာတွေကြောင့် လူသားချင်းစာနာထောက်ထားမှုဆိုင်ရာ အခြအနေက ဆိုးရွားလာပါတယ်” လို့ ပါလက်စတိုင်း လူမှုဖွံ့ဖြိုးတိုးတက်ရေးဝန်ကြီး အီဘရာဟင် အလ်-ရှာအီရ်က ပြောကြားခဲ့ပါတယ်။

Ref: Arab News