ဟောင်ကောင်နာမည်ကြီးမင်းသား ချိုယွန်ဖတ် ပိုင်ဆိုင်မှုအားလုံးကို လှူဒါန်းမည်

ဒီဇင်ဘာ ၂၅၊ ၂၀၁၈
M-Media

– နာမည်ကျော် ဟောင်ကောင် ရုပ်ရှင်မင်းသား ချိုယွန်ဖတ်က သူကွယ်လွန်တဲ့အခါ သူ့ရဲ့ကြွယ်ဝမှုအားလုံးကို လှူဒါန်းသွားမယ်လို့ ပြောကြားလိုက်ပါတယ်။

အသက် ၆၃ နှစ်အရွယ် ချိုယွန်ဖတ်ဟာ အာရှမှာ Crouching Tiger, Hidden Dragon ရုပ်ရှင်နဲ့ ကျော်ကြားခဲ့ပြီး အနောက်တိုင်းမှာတော့ အော်စကာဆုရ Pirates of the Caribbean ရုပ်ရှင်၊ A Better Tomorrow ရုပ်ရှင်တွေနဲ့ လူသိများခဲ့ပါတယ်။

Forbes ရဲ့ ၂၀၁၅ ခုနှစ် ကမ္ဘာကြေးအမြင့်ဆုံး ရုပ်ရှင်မင်းသားစာရင်းမှာ ချိုယွန်ဖတ်ဟာ ပထမဆုံးအကြိမ် ပါဝင်ခဲ့ပြီး လက်ရှိ ပိုင်ဆိုင်မှုတန်ဖိုးဟာ ကန်ဒေါ်လာ ၇၁၅ သန်း ရှိတယ်လို့ ခန့်မှန်းပြောဆိုနေကြပါတယ်။

“ဒီငွေကြေးတွေဆိုတာ ကျွန်တော်တို့ တစ်သက်လုံး ဆုပ်ထားလို့ရတဲ့အရာမျိုး မဟုတ်ပါဘူး။ တစ်နေ့ ကျွန်တော်တို့ သေဆုံးတဲ့အခါမှာ အခြားသူတွေ သုံးစွဲဖို့အတွက် ချန်ထားခဲ့ရတာပါပဲ။ သေသွားတဲ့အခါ ဘဏ်စာရင်းထဲမှာရှိတဲ့ငွေတွေကို ယူသွားလို့မရဘူးလေ” လို့ ပြီးခဲ့တဲ့တစ်ပတ် တောင်ကိုရီးယားရုပ်သံ Munhwa နဲ့ အင်တာဗျူးမှာ ချိုက ပြောကြားခဲ့ပါတယ်။

သူ့ရဲ့ဆုံးဖြတ်ချက်ကို ဇနီးဖြစ်သူကလည်း အပြည့်အ၀ထောက်ခံတယ်လို့လည်း ချိုယွန်ဖတ်က ထည့်သွင်းပြောကြားခဲ့ပါတယ်။

ဇနီးဖြစ်သူ ဂျက်စမင်တန်က သူ့ရဲ့ခင်ပွန်း ချိုယွန်ဖတ်ဟာ လမ်းဘေးကအစားအသောက်တွေကို ခုံမင်ပြီး နိုကီယာ ခေါက်ဖုံးကို စွဲစွဲမြဲမြဲ အသုံးပြုခဲ့တယ်လို့ အရင်က ပြောကြားခဲ့ပါတယ်။

“စားဖို့ရှိတာကိုပဲ ကျွန်တော်က ပျော်နေတာ။ အဲဒီတုန်းက ကျွန်တော်တို့ တော်တော်ဆင်းရဲတာကိုး။ အာလူးနဲ့ ဟင်းသီးဟင်းရွက် စားရရင် တော်တော်ပျော်ရတာ။ နှစ်သစ်ကူးမှာ ကြက်တွေ၊ အသားတွေ စားရရင်တော့ ပျော်မဆုံးပါပဲ” လို့ ချိုက MBC သတင်းဌာနနဲ့ အင်တာဗျူးတစ်ခုမှာ ပြောကြားခဲ့ပါတယ်။

Ref: Aljazeera