အသံထက်မြန်သည့် ဒုံးကျည်သစ်တစ်မျိုးကို ရုရှားက အောင်မြင်စွာ စမ်းသပ်ပစ်လွှတ်

ဒီဇင်ဘာ ၂၇၊ ၂၀၁၈
M-Media

စမ်းသပ်ပစ်လွှတ်မှုအပြီးတွင် တွေ့ရသည့် ရုရှားသမ္မတ ပူတင်

– အသံထက်မြန်တဲ့ ဒုံးကျည်အသစ်တစ်ခုကို ရုရှားက မနေ့မှာ အောင်မြင်စွာ စမ်းသပ်နိုင်ခဲ့ပြီး လက်ရှိ ဘယ်ဒုံးခွင်းစနစ်နဲ့မှ ပစ်မချနိုင်တဲ့ ဒီဒုံးကျည်ဟာ လာမယ့် ဆယ်စုနှစ်တွေအတွင်း ရုရှားရဲ့ လုံခြုံရေးကို အာမခံပေးလိမ့်မယ်လို့ သမ္မတ ပူတင်က ပြောကြားခဲ့ပါတယ်။

Avangard လို့ အမည်ပေးထားတဲ့ အဲဒီ ဒုံးကျည်ကို ရုရှားနိုင်ငံ တောင်ပိုင်း ယူရဲလ်တောင်တန်းမှာရှိတဲ့ အခြေစိုက်စခန်းကနေ ပစ်လွှတ်ခဲ့တာဖြစ်ပြီး ကီလိုမီတာ ၆၀၀၀ အကွာအဝေးမှာရှိတဲ့ ကမ်ချက်ကာဒေသက ပစ်မှတ်ကို ထိမှန်ခဲ့ပါတယ်။

ပစ်လွှတ်မှုကို တက်ရောက်ကြည့်ရှုခဲ့တဲ့ ပူတင်က ဒီဒုံးကျည်ဟာ တိုင်းပြည်အတွက် နှစ်သစ်ကူးလက်ဆောင်ဖြစ်တယ်လို့ ပြောကြားခဲ့ပါတယ်။

“Avangard ဒုံးကျည်ကို လက်ရှိ သုံးနေတဲ့ ဒုံးခွင်းစနစ်တွေ၊ ရန်သူတွေ အနာဂတ်မှာ ထုတ်လုပ်လာနိုင်တဲ့ ဒုံးခွင်းစနစ်တွေက ကြားဖြတ် ဟန့်တားနိုင်မှာ မဟုတ်ပါဘူး” လို့ ပူတင်ကဆိုပြီး ရုရှားစစ်တပ်ရဲ့ မဟာဗျူဟာဒုံးတပ်ဖွဲ့မှာ လာမယ့်နှစ် စတင်အသုံးပြုသွားမယ်လို့ ထည့်သွင်းပြောဆိုခဲ့ပါတယ်။

အခုနှစ်မတ်လက ရုရှားသမ္မတပူတင် ထုတ်ဖော်ပြသခဲ့တဲ့ နျူဒုံးကျည်တွေထဲမှာ အသံထက်မြန်တဲ့ Avangard ဒုံးကျည်လည်း ပါဝင်ပါတယ်။ ရုရှားရဲ့ နျူကလီးယား ကာကွယ်ရေးစွမ်းအားကို ချိနဲ့စေနိုင်မယ့် အမေရိကန်ရဲ့ ဒုံးခွင်းစနစ်တွေကို တုန့်ပြန်ဖို့အတွက် ဒီလက်နက်တွေ ထုတ်လုပ်သွားရမယ်လို့ အဲဒီအချိန်တုန်းက ပူတင်က ပြောကြားခဲ့ပါတယ်။

အခုစမ်းသပ်လိုက်တဲ့ ဒုံးကျည်အသစ်ဟာ တိုက်ကြီးတွေကို ဖြတ်ကျော်ပစ်လွှတ်နိုင်ပြီး အသံထက် အဆ ၂၀ ပိုမြန်ကြောင်း၊ လက်ရှိ ဘယ်နိုင်ငံမှာမှ အသံထက်မြန်တဲ့ လက်နက်မျိုး မရှိသေးကြောင်း မနေ့က အခမ်းအနားမှာ ပူတင်က ထည့်သွင်းပြောဆိုခဲ့ပါတယ်။

Ref: Aljazeera