ခရစ်တော်၏ စကားအမွေကို ဆက်ခံထားသည့် ဆီးရီးယားခရစ်ယာန်များ၏ 

ဒီဇင်ဘာ ၂၈၊ ၂၀၁၈
M-Media

– အင်္ဂါနေ့က ခရစ္စမတ်ပွဲတော် ဆင်နွှဲကြတဲ့ နေရာတွေထဲမှာ ဆီးရီးယားနိုင်ငံ ဒမတ်စကတ်မြို့နားမှာရှိတဲ့ မာလူလာ မြို့ငယ်လေးလည်း ပါဝင်ပါတယ်။ မာလူလာမြို့သားတွေဟာ ယေရှုခရစ်တော် အသုံးပြုခဲ့တဲ့ အာရမစ်စကားကို ပြောဆိုကြသူတွေ ဖြစ်ပါတယ်။

တောင်တန်းဒေသပေါ်မှာရှိတဲ့ အဲဒီ မာလူလာမြိုလေးမှာ ရှေးဟောင်း ခရစ်ယာန်ဘုရားကျောင်း ၂ ခု တည်ရှိပါတယ်။ ၂၀၁၃၊ ၂၀၁၄ ခုနှစ်တွေက အလ်ကိုင်းဒါးကို သစ္စာခံတဲ့ အုပ်စုတွေနဲ့ ဆီးရီးယားတပ်ဖွဲ့တွေအကြား တိုက်ပွဲတွေ ပြင်းပြင်းထန်ထန် ဖြစ်ပွားခဲ့ပြီး ဘုးကျောင်းတွေမှာ တစ်ပိုင်းတစ်စ ကျိုးပဲ့နေတဲ့ လက်ဝါးကပ်တိုင်တွ၊ ပျက်ဆီးနေတဲ့ ပန်းချီပန်းပုတွေကို တိုက်ပွဲရဲ့ အကြွင်းအကျန်တွေအဖြစ် ယခုအထိ တွေ့မြင်နေရဆဲ ဖြစ်ပါတယ်။

ဆီးရီးယားနိုင်ငံက ခရစ်ယာန်သာသနာရဲ့ ဘူမိနက်သန်ဖြစ်တဲ့ အဲဒီမြို့မှာ ပြန်လည်ငြိမ်းချမ်းလာပြီးတဲ့နောက် ခရစ်ယာန်ဘာသာဝင်တွေဟာ ရှေးဟောင်းခရစ်ယာန်ဘုရားကျောင်းတွေမှာ မိသားစုနဲ့အတူ ခရစ္စမတ်ပွဲတော်ကို ဆင်နွှဲခဲ့ကြပါတယ်။

“အကြမ်းဖက်ဝါဒရဲ့ဒဏ်ကို ဒီဘုရားကျောင်းက ခံခဲ့ရပြီး ပျက်ဆီးဆုံးရှုံးမှု၊ လုယက်ခံရမှုတွေ ဖြစ်ပေါ်ခဲ့ပြီးတဲ့နောက် ကျွန်တော်တို့ဟာ ဒီဘုရားကျောင်းကို ပြန်လည်အသက်သွင်းနိုင်ခဲ့သလို ယုံကြည်သူတွေကလည်း ဒီဘုရားကျောင်းကို လာရောက်ကာ ကောင်းချီးခံယူတာ၊ ၀တ်ပြုဆုတောင်းတာ၊ ဘာသာရေးထုံးတမ်းဓလေ့တွေအတိုင်း ဆောင်ရွက်တာတွေ ရှိလာခဲ့ပါပြီ” လို့ Mar Thecla ဘုရားကျောင်းရဲ့ ဘုန်းတော်ကြီး မတ္တာ ရစ်ဇ်က ပြောကြားခဲ့ပါတယ်။

ပြည်တွင်းစစ်ဒဏ်ကို ၇ နှစ်ကြာ ခံစားနေရတဲ့ ဆီးရီးယားနိုင်ငံရဲ့ လူဦးရေဟာ စစ်မဖြစ်ခင်က ၂၃ သန်း ရှိခဲ့ပြီး အဲဒီအထဲက ၁၀ ရာခိုင်နှုန်းဟာ ခရစ်ယာန်ဘာသာဝင်တွေ ဖြစ်ပါတယ်။ အရှေ့တိုင်းအော်သိုဒေါ့စ်အသင်းတော်ဟာ ဆီးရီးယားနိုင်က အကြီးဆုံး ခရစ်ယာန်အသင်းတော်ဖြစ်ပြီး ကက်သလစ်၊ အာမေးနီးယန်းအသင်းတော်တွေလည်း ရှိနေပါတယ်။

Ref: RT