တိုက်ပွဲကြောင့်ထွက်ပြေးလာသည့် ရခိုင်ပြည်သူများ အကူအညီပိုလိုအပ်နေ

ဇန်န၀ါရီ ၈၊ ၂၀၁၉
M-Media

ရခိုင်ရှိ စစ်ရှောင်စခန်းများမှ ပုံရိပ်များ (Photo – Myanmar Times)

– တိုင်းရင်းသားလိုက်နက်ကိုင်တပ်ဖွဲ့က ရဲစခန်းတွေကို တစ်ချိန်တည်းတစ်ပြိုင်တည်း တိုက်ခိုက်မှုကြောင့် ရဲတပ်ဖွဲ့ဝင် ၁၃ ဦး သေဆုံးခဲ့အဖြစ်အပျက် ဖြစ်ပွားတာ ၂ ရက်ကြာမြင်ခဲ့ပေမယ့် ရခိုင်ပြည်နယ်က မြို့နယ်တော်တော်များများမှာ တနင်္ဂနွေနေ့အထိ တင်းမာမှုတွေက မြင့်တက်နေဆဲ ဖြစ်ပါတယ်။

သောကြာနေ့ ဘူးသီးတောင်မြို့နယ်က ရဲစခန်းတွေကို တိုက်ခိုက်မှုမှာ တာဝန်ရှိတယ်လို့ ယုံကြည်ရတဲ့ ရခိုင်လက်နက်ကိုင်အဖွဲ့ AA အဖွဲ့ဝင်တွေ ရှာဖွေရေးလုပ်ငန်းလုပ်ငန်းကိုလည်း အစိုးရတပ်ဖွဲ့တွေက လုပ်ဆောင်နေပါတယ်။ တိုက်ခိုက်မှုအတွင်း ရဲတပ်ဖွဲ့ဝင် ၉ ဦး ဒဏ်ရာရခဲ့ပါတယ်။

ထောင်နဲ့ချီတဲ့ ရွသားတွေဟာ တိုက်ပွဲကို ရှောင်ရှားဖို့အတွက် အိုးအိမ်စွန့်ခွာ ထွက်ပြေးခဲ့ရပါတယ်။

ပုဏ္ဍားကျွန်းမြို့နယ်က အထက်မျက်လှယ် ယာယီစစ်ရှောင်စခန်းမှာ ဒုက္ခသည် ရာနဲ့ချီ ခိုလှုံနေရပြီး အဲဒီအထဲကတစ်ဦးဖြစ်တဲ့ ဦးဘီးသီထက ဒေသတွင်းမှာ တင်းမာမှုတွေ မြင့်တက်လာတာကြောင့် တနင်္ဂနွေနေ့မနက် အစောပိုင်းမှာ ဒုက္ခသည်တွေ ထပ်ရောက်လာတယ်လို့ Myanmar Times သတင်းဌာနကို ပြောကြားခဲ့ပါတယ်။

ရခိုင်ရှိ စစ်ရှောင်စခန်းများမှ ပုံရိပ်များ (Photo – Myanmar Times)

“တိုက်ခိုက်တာတွေကို ကြောက်ရွံ့တာတစ်ခုတည်းကြောင့်မဟုတ်ဘဲ၊ စားနပ်ရိက္ခာတွေ ပြတ်တောက်သွားတာကြောင့် လူတွေ ထွက်ပြေးလာကြတာ ဖြစ်ပါတယ်”

နိုင်ငံတော်အတိုင်ပင်ခံရုံးက ဒုတိယ၀န်ကြီး ဦးခင်မောင်တင်၊ ရဲတပ်ဖွဲ့အကြီးအကဲ ရဲဒုတိယဗိုလ်ချုပ်ကြီး ဦးအောင်ဝင်းဦးနဲ့  မီဒီယာသမားတွေ ပါဝင်တဲ့အဖွဲ့ဟာ တနင်္ဂနွေနေ့ မနက်ပိုင်းက ရခိုင်ပြည်နယ်ကို သွားရောက်ကာ စစ်တပ်က လုပ်ဆောင်နေတဲ့ စစ်ဆင်ရေးလုပ်ငန်းတွေကို ကြည့်ရှုခဲ့ကြပါတယ်။

အိုးအိမ်စွန့်ခွာ ထွက်ပြေးလာရသူတွေထဲက တစ်ယောက်ဖြစ်ပြီး ကလေး ၃ ဦးရှိတဲ့ မခင်အေးသိန်းက သေနတ်သံတွေ ရွာနဲ့နီးလာပြီး စားစရာ ပြတ်လပ်သွားတာကြောင့် လွတ်လပ်ရေးနေ့ကဖြစ်ပွားတဲ့ တိုက်ပွဲတွေမတိုင်ခင်ကတည်းက ထွက်ပြေးလာရတယ်လို့ ပြောကြားခဲ့ပါတယ်။

“ကျွန်မတို့ အလုပ်သွားလုပ်လို့ မရဘူး။ ရိက္ခာလည်း မရှိပါဘူး။ တစ်ခုတည်းသော ရွေးချယ်စရာက ထွက်ပြေးရတာပါပဲ”

ကယ်ဆယ်ရေးစခန်းမှာ အခြေခံလိုအပ်ချက်တွေ မပြည့်စုံတာ၊ အိမ်သာမရှိတာတွေကိုလည်း သူမက ထောက်ပြခဲ့ပြီး နေ့ဘက်ဆို အရမ်းပူလွန်းကာ၊ ညဘက်ကျရင်လည်း အရမ်းအေးလွန်းတယ်လို့ ပြောကြားခဲ့ပါတယ်။

ရခိုင်ရှိ စစ်ရှောင်စခန်းများမှ ပုံရိပ်များ (Photo – Myanmar Times)

“ရွာကိုပဲ အမြန်ဆုံး ပြန်ချင်ပါတယ်။ ဒီပြဿနာ ဘယ်တော့မှပြီးမလဲဆိုတာကိုလည်း ကျွန်မ မသိပါဘူး” လို့ မခင်အေးသိန်းက ပြောပါတယ်။

သူမ နေထိုင်တဲ့ ကယ်ဆယ်ရေးစခန်းမှာ လူ ၁၃၀၀ လောက်ရှိပြီး အများစုက အမျိုးသမီးတွေနဲ့ ကလေးငယ်တွေ ဖြစ်ပါတယ်။

ဒေသတွင်း အစိုးရမဟုတ်တဲ့အဖွဲ့အစည်းတွေဟာ ဒုက္ခသည်တွေအတွက် ကူညီထောက်ပံ့ပေးနေပြီး ပြည်နယ်အစိုးရကလည်း ကျန်းမာရေးစောင့်ရှောက်မှုတွေ လုပ်ပေးနေကာ အထူးသဖြင့် ၀မ်းပျက်ဝမ်းလျှောဖြစ်နေတဲ့ ကလေးငယ်တွေအတွက် ဖြစ်ပါတယ်။

“လက်ရှိမှာ အခြေခံကျန်းမာရေးစောင့်ရှောက်မှုနဲ့ သန့်ရှင်းတဲ့သောက်သုံးရေကို ပိုလိုအပ်နေပါတယ်” လို့ ဒုက္ခသည်များ အကူအညီပေးရေးကော်မတီဥက္ကဌ ဦးတင်ထွန်းအောင်က ပြောကြားခဲ့ပါတယ်။

ပြည်ထဲရေးဝန်ကြီးဌာရဲ့ ထုတ်ပြန်ချက်မှာ ငမြင်းဘော် ရဲကင်းစခန်းကို AA တိုက်ခိုက်ရေးသမား ၁၀၀၊ ကျောင်းတောင် စခန်းကို နောက်ထပ် ၁၀၀ လောက် ၀င်ရောက်တိုက်ခိုက်ခဲ့တယ်လို့ ဖော်ပြထားပါတယ်။

ရခိုင်ရှိ စစ်ရှောင်စခန်းများမှ ပုံရိပ်များ (Photo – Myanmar Times)

ဂုတ်ပိစခန်းကို စီးနင်းတိုက်ခိုက်မှုအတွင်း AA တပ်ဖွဲ့ဝင် ၅၀၊ ခထီးလှစခန်းကို တိုက်ခိုက်မှုမှာ ၁၀၀ လောက် ပါဝင်ခဲ့ပြီး ဒီစခန်းအားလုံးဟာ ဘူးသီးတောင်မြို့နယ်မှာ တည်ရှိတာဖြစ်ပါတယ်။

မြန်မာအစိုးရတပ်ဖွဲ့တွေနဲ့ AA အဖွဲ့တွေဟာ ပြီးခဲ့တဲ့နှစ် နိုဝင်ဘာလကတည်းက မကြာခဏဆိုသလို တိုက်ပွဲတွေဖြစ်ခဲ့တာ ဖြစ်ပါတယ်။

တိုင်းရင်းသားလက်နက်ကိုင်အဖွဲ့တွေနဲ့ တိုက်ပွဲဖြစ်နေတဲ့နေရာတွေမှာ ၄ လ အပစ်ရပ်ကြောင်း ဒီဇင်ဘာ ၂၁ ရက်နေ့မှာ စစ်တပ်က ကြေငြာခဲ့ပေမယ့် ရခိုင်ပြည်နယ်တော့ မ၀ါဝင်ပါဘူး။

ရခိုင်ရှိ စစ်ရှောင်စခန်းများမှ ပုံရိပ်များ (Photo – Myanmar Times)

Ref: Myanmar Times

(Myanmar Times အင်္ဂလိပ်ပိုင်းတွင် ဖော်ပြထားသည့် Tensions high in Rakhine following deadly attacks သတင်းဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)