ရခိုင်ပြည်သူများအား အကူအညီပေးရေး မကန့်သတ်ဖို့ အစိုးရကို ကုလတောင်းဆို

ဇန်န၀ါရီ ၁၆၊ ၂၀၁၉
M-Media

တိုက်ပွဲများကြောင့် အိုးအိမ်စွန့်ခွာရသည့် ရခိုင်ပြည်သူများ

– အစိုးရစစ်တပ်နဲ့ ရခိုင်လက်နက်ကိုင်တပ်ဖွဲ့ AA တို့အကြား လတ်တလောတိုက်ပွဲတွေကြောင့် အိုးအိမ်စွန့်ခွာ ထွက်ပြေးနေရတဲ့ ပြည်သူတွေအတွက် လူသားချင်းစာနာထောက်ထားမှုဆိုင်ရာ အကူအညီပေးရေးကို ‘လျင်လျင်မြန်မြန်နဲ့ အကန့်အသတ်မရှိ’ ခွင့်ပြုပေးဖို့ ကုလသမဂ္ဂက မြန်မာအစိုးရကို တနင်္လာနေ့မှာ တောင်းဆိုခဲ့ပါတယ်။

ရခိုင်ပြည်နယ်အတွင်း ၂၀၁၈ ခုနှစ် နှောင်းပိုင်းကတည်းက တိုက်ပွဲဖြစ်ပွားကာ အိုးအိမ်စွန့်ခွာထွက်ပြေးရသူတွေ ရှိခဲ့ပြီး လွတ်လပ်ရေးနေ့က ရဲကင်းစခန်းတစ်ချို့ကို AA က တိုက်ခိုက်ခဲ့ပြီးနောက် ထွက်ပြေးရသူအရေအတွက်ဟာ စုစုပေါင် ၅၀၀၀ လောက် ရှိလာကာ ဘုန်းကြီးကျောင်းတွေ၊ ဘေးလွတ်ရာနေရာတွေမှာ ခိုလှုံနေရပါတယ်။

ပြည်နယ်မြောက်ပိုင်းနဲ့ အလယ်ပိုင်းက တိုက်ခိုက်မှုတွေ ဖြစ်ပွားခဲ့တဲ့ မြို့နယ် ၅ ခုက ကျေးလက်ဒေသတွေကို အစိုးရမဟုတ်တဲ့ အကူအညီပေးရေးအဖွဲ့တွေ၊ ကုလအဖွဲ့တွေ သွားရောက်ခြင်းမပြုဖို့ ရခိုင်ပြည်နယ်အစိုးရက ပြီးခဲ့တဲ့တစ်ပတ်မှာ သတိပေးခဲ့ပါတယ်။

နိုင်ငံတကာ ကြက်ခြေနီအဖွဲ့ ICRC နဲ့ ကုလရဲ့ ‘ကမ္ဘာ့ စားနပ်ရိက္ခာအစီအစဉ်’ WFP တို့ကိုတော့ ဒီလို တားမြစ်ခြင်း မရှိပါဘူး။

“လူသားချင်း စာနာထောက်ထားမှုဆိုင်ရာ အကူအညီတွေကို ကန့်သတ်ထားတာကြောင့် ရခိုင်ပြည်နယ်က ပဋိပက္ခဒဏ်ခံ ဒေသတွေမှာ ထောင်နဲ့ချီတဲ့ အမျိုးသမီးတွေ၊ ကလေးတွေနဲ့ အမျိုးသားတွေဟာ လုံလောက်တဲ့ အကူအညီတွေ၊ ကာကွယ်ပေးမှုတွေ မရဘဲ ဖြစ်နေတာကို ကျွန်တော်တို့ အလွန်အမင်း စိုးရိမ်မိပါတယ်။
အကူအညီတွေကို ကန့်သတ်မှုမရှိဘဲ လျင်လျင်မြန်မြန်ပေးနိုင်ရေး ကျွန်တော်တို့ရဲ့ တောင်းဆိုမှုကို အစိုးရဖက်က အပြုသဘောဆောင်ပြီး တုန့်ပြန်ဖို့၊ အရပ်သားတွေကို နိုင်ငံတကာ လူသားချင်းစာနာထောက်ထားမှုနဲ့ လူ့အခွင့်အရေးဆိုင်ရာ ဥပဒေတွေနဲ့အညီ ကာကွယ်ပေးဖို့ ကျွန်တော်တို့ မျှော်လင့်ပါတယ်” လို့ ကုလရုံး ပြောရေးဆိုခွင့်ရှိသူ ပီယာရီ ပီရွန်က ပြောကြားခဲ့ပါတယ်။

ရခိုင်ပြည်နယ် စည်ပင်သာယာရေးဝန်ကြီး ဦးဝင်းမြင့်က အကူအညီပေးရေးကို ကန့်သတ်တာဟာ လုံခြုံရေးအကြောင်းအရင်းတွေကြောင့် ဖြစ်တယ်လို့ ပြောကြားခဲ့ပါတယ်။

“တိုက်ပွဲတွေ ဘယ်လောက်ကြာမလဲဆိုတာ ကျွန်တော်တို့မသိဘူး။ လုံခြုံရေးစိုးရိမ်ရမှု မရှိတဲ့အခါကျရင် အကူအညီတွေကို ပြန်လည် ခွင့်ပြုပေးသွားမှာပါ”

Ref: Reuters