အမေရိကန်လေဆိပ်တစ်ခုကို လက်ဝှေ့ကျော် မိုဟာမက်အလီ၏အမည် ဂုဏ်ပြုမှည့်ခေါ်မည်

ဇန်န၀ါရီ ၁၈၊ ၂၀၁၉
M-Media

– အမေရိကန်ပြည်ထောင်စု ကန်တက်ကီပြည်နယ် လူးဝစ်ဗီလီမြို့က လေဆိပ်ကို ကမ္ဘာကျော် ဘောက်ဆာသမား မိုဟာမက် အလီရဲ့အမည် ဂုဏ်ပြုမှည့်ခေါ်သွားမယ်လို့ သိရပါတယ်။

၂၀၁၆ ခုနှစ်မှာ ကွယ်လွန်သွားခဲ့တဲ့ မိုဟာမက်အလီဟာ ကန်တက်ကီပြည်နယ်ဇာတိဖြစ်ပြီး သူ့ရဲ့ အသက် ၇၇ နှစ်ပြည့်မယ့်ရက် မတိုင်မီ ဒီကြေငြာချက် ပေါ်ထွက်လာတာ ဖြစ်ပါတယ်။

လူးဝစ်ဗီလီမြို့တော်ဝန် ဂရဂ်ျ ဖစ်ချာက အလီဟာ ကမ္ဘာတစ်ဝှမ်း ဘီလီယံနဲ့ချီတဲ့ပြည်သူတွေ လေးစားအားကျရသူတစ်ဦး ဖြစ်တယ်လို့ ပြောကြားခဲ့ပါတယ်။

မိုဟာမက်အလီကိုဂုဏ်ပြုတဲ့ ‘I’m Ali’ ပွဲတော်ကို လာမယ့်ဇွန်လအတွင်း ကန်တက်ကီပြည်နယ်မှာ ကျင်းပဖို့ ရှိနေပြီး လူးဝစ်ဗီလီ နိုင်ငံတကာလေဆိပ်ကို ‘မိုဟာမက်အလီ နိုင်ငံတကာလေဆိပ်’ အဖြစ်အဲဒီပွဲတော်မှာ အမည်ပြောင်းသွားမှာ ဖြစ်ပါတယ်။

“မိုဟာမက်အလီဟာ တစ်ကမ္ဘာလုံးနဲ့ သက်ဆိုင်ပါတယ်။ ဒါပေမယ့် သူ့ဇာတိကတော့ တစ်ခုတည်းပါ။ ကံကောင်းတာက ဒီဇာတိက ကျွန်တော်တို့ရဲ့ လူးဝစ်ဗီလီဖြစ်နေတာပါပဲ။ မိုဟာမက်အလီဟာ ကမ္ဘာပေါ်က အကျော်ကြားဆုံးထဲက တစ်ယောက်ဖြစ်ပြီး ကမ္ဘာတစ်ဝှမ်း ဘီလီယံနဲ့ချီတဲ့သူတွေ လေးစားအတုယူရမယ့် လူသားချင်းစာနာမှု၊ အားကစားစိတ်ဓာတ်ပြည့်ဝမှုဆိုတဲ့ အမွေအနှစ်တွေကို ချန်ရစ်ခဲ့ပါတယ်” လို့ ဖစ်ချာ ပြောခဲ့ပါတယ်။

“မြို့အနေနဲ့ ချန်ပီယံတစ်ယောက်ရဲ့ အမွေအနှစ်ကို ဖော်ထုတ်ဖို့ အရေးကြီးပါတယ်။ လေဆိပ်ကို နာမည်ပေးတာဟာ ထူးခြားတဲ့ ခြေလှမ်းတစ်ခုလည်း ဖြစ်ပါတယ်”

မိုဟာမက်အလီရဲ့အမည်ကို အသုံးပြုခွင့်ရရေး လေဆိပ်တာဝန်ရှိသူတွေဟာ အလီရဲ့ မိသားစုထံကနေ ခွင့်ပြုချက် တောင်းခံနေပါတယ်။

“သဘောတူညီချက်ရဖို့ ၉၉ ရာခိုင်နှုန်း သေချာနေပြီလို့ ကျွန်တော်ထင်ပါတယ်။ နောက်ထပ် တစ်ပတ်၊ နှစ်ပတ်လောက်မှာ ဒီကိစ္စကို အပြီးသတ်နိုင်မှာပါ” လို့ လူးဝစ်ဗီလီလေဆိပ် အုပ်ချုပ်ရေးအဖွဲ့ အကြီးအကဲ ဒန်မန်းက ပြောကြားခဲ့ပါတယ်။

The Greatest လို့ ကျော်ကြားတဲ့ အလီဟာ ၂၀ ရာစုရဲ့ အကျော်ကြားဆုံး အားကစားသမားတစ်ယောက်ဖြစ်ပြီး ကမ္ဘာ့ဘောက်ဆင်သမိုင်းရဲ့ အကြီးကျယ်ဆုံး ကစားသမားတွေထဲမှာလည်း ပါဝင်ပါတယ်။

အလီဟာ အမေရိကန်နိုင်ငံက အာဖရိကန်နွယ်ဖွားတွေ တန်းတူအခွင့်အရေး ရဖို့အတွက် ဦးဆောင်ဦးရွက်ပြုခဲ့သလို၊ ပရဟိတလုပ်ငန်းတွေကိုလည်း ကျယ်ကျယ်ပြန့်ပြန့် လုပ်ဆောင်ခဲ့ပါတယ်။

Ref: Khaleej Times