နေရပ်ပြန်ခွင့်ရရေး ကချင်ပြည်သူများ၏ တောင်းဆိုမှု အစိုးရက အကြောင်းမပြန်

ဇန်န၀ါရီ ၁၉၊ ၂၀၁၈
M-Media

ကချင်ပြည်နယ်မြောက်ပိုင်းမှ စစ်ဘေးသင့်ပြည်သူများ

– ကချင်ပြည်နယ်မြောက်ပိုင်းမှာ တိုက်ပွဲတွေကြောင့် အိုးအိမ်စွန့်ခွာထွက်ပြေးရသူတွေက နေရပ်ပြန်နိုင်ရေး အစိုးရကို အကူအညီတောင်းခဲ့ပေမယ့် အကြောင်းပြန်ခြင်း မရှိဘူးလို့ သက်ဆိုင်သူတွေ Myanmar Times ကို ပြောကြားခဲ့ပါတယ်။

“ဒီမှာနေရတာ လုပ်စရာ လယ်လည်းမရှိဘူး၊ ၀င်ငွေလည်းမရှိတဲ့အတွက် ကိုယ့်ရပ်ကိုယ့်ရွာကိုပဲ ကျွန်တော်တို့ ပြန်ချင်ပါတယ်။ အသက်တွေသာကြီးသွားတယ်၊ ဘ၀တွေက ဘာမှ ထူးခြားမလာပါဘူး” လို့ မြစ်ကြီးနားမှာရှိတဲ့ မာလီယန်း ကယ်ဆယ်ရေးစခန်းက အကြီးအကဲ Saing Khaung က ပြောပါတယ်။

နမ့်စမ်ယန်ဆိုတဲ့ရွာက စစ်ရှောင်ပြည်သူတွေ နေရပ်ပြန်ရေးအတွက် ပြီးခဲ့တဲ့နှစ် အောက်တိုဘာလမှာ မြန်မာအစိုးရထံ စာတစ်စောင် ပေးပို့ခဲ့ပေမယ့် အကြောင်းပြန်ခြင်း မရှိဘူးလို့လည်း သူက ဆိုပါတယ်။ အစိုးရရဲ့ လူမှုဝန်ထမ်း ဖူလှုံရေး၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန၊ ပြည်ထောင်စု ငြိမ်းချမ်းရေးကော်မရှင်၊ သမ္မတနဲ့ ကချင်လွတ်မြောက်ရေးအဖွဲ့ KIO ကို နောက်ထပ်စာတွေ ပို့သွားဖို့လည်း စီစဉ်နေပါတယ်။

KIO ရဲ့ လက်နက်ကိုင်အဖွဲ့ဖြစ်တဲ့ ကချင်လွတ်မြောက်ရေးတပ် KIA နဲ့ မြန်မာအစိုးရတပ်တို့ရဲ့ အပစ်ရပ်ရေး သဘောတူညီချက်ဟာ ၂၀၁၁ ခုနှစ်မှာ ပျက်ပြယ်ခဲ့ပြီးတဲ့နောက် တိုက်ပွဲတွေ တောက်လျှောက် ဖြစ်ပွားလာခဲ့တာကြောင့် ကချင်ပြည်သူ ၁၃၀,၀၀၀ လောက်ဟာ အိုးအိမ်စွန့်ခွာ ထွက်ပြေးကာ ကယ်ဆယ်ရေးစခန်းတွေမှာ နေထိုင်နေရပါတယ်။

ကျန်ရစ်ခဲ့တဲ့ မြေယာတွေမှာ တရုတ်ကုမ္ပဏီတွေက စိုက်ပျိုးရေးလုပ်ငန်း လုပ်ကိုင်နေတာတွေလည်း ရှိနေပြီး ကချင်ပြည်သူတွေက သူတို့ရဲ့ ဘိုးဘွားပိုင်မြေတွေ ဆုံးရှုံးမှာကို ကြောက်ရွံ့နေကြပါတယ်။

Saing Khaung က စစ်ရှောင်ပြည်သူတွေဟာ အခုနှစ် နွေရာသီ ကျောင်းပိတ်ရက်မှာ နေရပ်ပြန်နိုင်ဖို့ မျှော်လင့်နေကြတယ်လို့ ပြောပါတယ်။

နမ့်စမ်ယန်ရွာက အိမ်ထောင်စု ၁၇ စုကို ဒီဇင်ဘာလမှာ နေရပ်ပြန်ခွင့် ပြုခဲ့ပေမယ့် မြစ်ကြီးနား-ဗန်းမော် ကားလမ်းအနီးမှာသာ နေထိုင်နေရပြီး လုံခြုံရေးအတွက် အာမခံချက် မရှိပါဘူး။

ဒီမိသားစုတွေ နေထိုင်မယ့်နေရာမှာ စစ်တပ်က မိုင်းရှင်းလင်းပေးခဲ့ပြီး မြေမြှုပ်မိုင်း ၂ လုံး တွေ့ခဲ့ရတယ်လို့ Saing Khaung က ဆိုပါတယ်။

ဂါရာယန်ဆိုတဲ့ရွာမှာ အရင်က နေထိုင်ခဲ့ပြီး ၂၀၁၁ ခုနှစ်ကတည်း မာလီယန်စခန်းကို ရောက်နေတဲ့ Daw Htu Lwant က နေရပ်ကို အမြန်ဆုံး ပြန်ချင်တယ်လို့ ပြောကြားခဲ့ပါတယ်။

“ဒီမှာ နေရထိုင်ရတာ အဆင်မပြေဘူး။ ကျွန်မ အသက်လည်း ကြီးနေပြီ။ စားဖို့သောက်ဖို့ အခြားသူတွေကို မှီခိုနေရတယ်။ တော်တော်လေးကို ခက်ခဲပါတယ်။ ရွာပြန်ရင် လယ်စိုက်စားလို့ရတယ်။ ပိုက်ဆံမရှိပေမယ့် လယ်လုပ်ပြီး ထမင်းစားလို့၊ ကလေးတွေကို ကျောင်းထားပေးလို့ ရပါတယ်”

ဒါပေမယ့် မိုင်းရှင်းမပြီးမချင်း၊ စစ်သားတွေ အဲဒီဒေသက မထွက်ခွာမချင်း ပြန်လို့မရသေးဘဲ အပစ်ရပ်ရေး သဘောတူညီချက် မရှိတာကြောင့် တိုက်ပွဲထပ်ဖြစ်ပြီးမံ ထွက်ပြေးရမှာကို Daw Htu Lwant က စိုးရိမ်နေပါတယ်။

အောက်တိုဘာလက အစိုးရထံ ပေးပို့တဲ့စာမှာ နေရပ်ပြန်သူတွေရဲ့ လုံခြုံရေး၊ ပညာရေး၊ ကျန်းမာရေး၊ အလုပ်အကိုင်ရရှိရေး ဆောင်ရွက်ပေးဖို့၊ လယ်ယာတွေကို ကာကွယ်ပေးဖို့၊ အပစ်ရပ်ပြီး ငြိမ်းချမ်းရေးကို အမှန်တကယ်ဖော်ဆောင်ဖို့ တောင်းဆိုခဲ့ကြပါတယ်။

Ref: mmtimes

(Myanmar Times အင်္ဂလိပ်ပိုင်းတွင် ဖော်ပြသည့် သတင်းကို ကောက်နှုတ်ဘာသာပြန်ဆိုခြင်း ဖြစ်ပါသည်)