လုံခြုံရေးအားနည်းချက် ဖော်ထုတ်ပေးသည့် ဆော်ဒီပညာရှင်ကို Apple ဂုဏ်ပြု

ဇန်န၀ါရီ ၃၁၊ ၂၀၁၉
M-Media

ဆော်ဒီပညာရှင် ဖာတီမာ အလ်-ဟာဘီ

– သူတို့ရဲ့ ကွန်ပျူတာစနစ်က လုံခြုံရေးအားနည်းချက်ကို ထောက်ပြပြင်ဆင်ပေးခဲ့တဲ့ ဆော်ဒီ နည်းပညာရှင်တစ်ဦးက Apple ကုမ္ပဏီက ချီးကျူးဂုဏ်ပြုခဲ့ပါတယ်။

ဂုဏ်ပြုခံရသူဟာ ဖာတီမာ အလ်-ဟာဘီ ဆိုသူဖြစ်ပြီး ကမ္ဘာလုံခြုံရေးအမြင့်ဆုံး ကွန်ပျူတာစနစ်တွေကို ပိုင်ဆိုင်ထားတဲ့ Apple၊ Micorsoft နဲ့ Linux တို့က လုံခြုံရေးအားနည်းချက်တွေကို ဖော်ထုတ်ပြုပြင်ပေးခဲ့သူ ဖြစ်ပါတယ်။

အလ်-ဟာဘီဟာ လက်ရှိ ကယ်လီဖိုးနီးယားတက္ကသိုလ်မှာ ကွန်ပျူတာသိပ္ပံဒေါက်တာဘွဲ့ တက်ရောက်နေပြီး ဆော်ဒီအာရေဗျနိုင်ငံမှာရှိတဲ့ ‘တိုင်ဘာတက္ကသိုလ်’ က ကွန်ပျူတာကောလိပ်မှာ ဆရာမအဖြစ်လည်း တာဝန်ထမ်းဆောင်နေပါတယ်။

“ကျွန်မ Apple ကို ဆက်သွယ်ပြီး သူတို့စနစ်က အားနည်းချက်တွေကို ပြောပြလိုက်တယ်။ ကွန်ပျူတာကုတ်တွေနဲ့ အသေးစိတ်အချက်အလက်တွေကိုလည်း ပေးလိုက်ပါတယ်” လို့ အလ်-ဟာဘီက သူမရဲ့ လုပ်ဆောင်ချက်ကို ဖွင့်ဟခဲ့ပါတယ်။

အဲဒီနောက်မှာ Apple က ဒီအားနည်းချက်တွေကို ပြင်ဆင်ခဲ့ပြီး အလ်-ဟာဘီကိုလည်း ဂုဏ်ပြုခဲ့ပါတယ်။

“Apple က ချက်ခြင်းဆိုသလို ကျွန်မကို ပြန်ဆက်သွယ်ပြီး Apple ထုတ်ကိရိယာအားလုံးအတွက် Update တွေ ထုတ်ပေးလိုက်ပြီလို့ ပြောပါတယ်။ သူတို့ရဲ့ ဂုဏ်ပြုစာရင်းထဲမှာ ကျွန်မနာမည် ထည့်လို့ရမလားလို့လည်း မေးပါတယ်။ ကျွန်မက ‘ရတာပေါ့ရှင်’ လို့ ပြန်ဖြေခဲ့ပြီး ကျေးဇူးတင်ကြောင်းလည်း ပြောကြားခဲ့ပါတယ်” လို့ အလ်-ဟာဘီကပြောကြားခဲ့ပါတယ်။

ဂျစ်ဒါမှာမွေးဖွားတဲ့ အလ်-ဟာဘီဟာ ‘ကင်းအဘ်ဒူလ်အဇစ် တက္ကသိုလ်’ နဲ့ ‘ကယ်လီဖိုးနီးယားပြည်နယ် တက္ကသိုလ်’ တို့ကနေ ကွန်ပျူတာသိပ္ပံဘွဲ့၊ မဟာဘွဲ့တွေ ရရှိခဲ့ပါတယ်။

Apple ရဲ့စနစ်မှာ သူမဖော်ထုတ်ခဲ့တဲ့ အားနည်းချက်ဟာ ဟက်ကာတွေ အသုံးချလို့ကောင်းတဲ့ အားနည်းချက်မျိုးဖြစ်တယ်လို့ အလ်-ဟာဘီက ပြောပါတယ်။

“အသုံးပြုသူတွေက လုံခြုံတယ်လို့ထင်ပြီး ဟက်ကာတွေထိန်းချုပ်ထားတဲ့ ၀ဘ်ဆိုဒ်ကို ၀င်ရောက်အောင်လုပ်နိုင်တဲ့ အားနည်းချက်ကို ကျွန်မတွေ့ခဲ့တာပါ။ အသုံးပြုသူက login အချက်အလက်တွေကို ရိုက်ထည့်လိုက်မယ်ဆိုရင် ဟက်ကာတွေက ဒါကို ရသွားပြီး နောက်ပိုင်းမှာ အမြတ်ထုတ်သွားမှာပါ”

လက်ရှိမှာ ကွန်ပျူတာကွန်ယက်တွေရဲ့ အားနည်းချက်ကို ရှာဖွေဖော်ထုတ်ရေး နယ်ပယ်ကို အာရုံစိုက် လေ့လာနေတယ်လို့လည်း အလ်-ဟာဘီက ပြောကြားခဲ့ပါတယ်။

Ref: Arab News