Apple ၏ မောင်းသူမဲ့ကား လျှို့ဝှက်ချက်များ ခိုးယူမှုဖြင့် တရုတ်အင်ဂျင်နီယာ တရားစွဲခံရ

ဖေဖော်ဝါရီ ၁၊ ၂၀၁၉
M-Media

– Apple ကုမ္ပဏီရဲ့ မောင်းသူမဲ့ကား စီမံကိန်းက အချက်အလက်တွေ ခိုးယူတယ်လို့ စွပ်စွဲကာ တရုတ်အင်ဂျင်နီယာတစ်ယောက်ကို အမေရိကန်က တရားစွဲဆိုလိုက်ပြီး ပြစ်မှုထင်ရှားရင် အမြင့်ဆုံး ထောင်ဒဏ် ၁၀ နှစ်အထိ ကျခံရဖွယ် ရှိနေပါတယ်။

ဖမ်းဆီးခံရသူဟာ လျှပ်စစ်အင်ဂျင်နီယာ ချန်ဂျီကျုံးဖြစ်ပြီး ပြီးခဲ့တဲ့နှစ် ဇွန်လမှာ Apple ရဲ့ မောင်းသူမဲ့ကား Hardware ဒီဇိုင်းအဖွဲ့မှာ အလုပ်ဝင်ခဲ့သူ ဖြစ်ပါတယ်။

ချန်ဟာ စီမံကိန်းဆောင်ရွက်ရာ အဆောက်အဦးထဲကို ၀င်ရောက်ခွင့်ရတဲ့ ၀န်ထမ်း ၁၂၀၀ ထဲက တစ်ဦးဖြစ်ပြီး အချက်အလက်တွေကို မိမိတို့ရဲ့ မိသားစုဝင်တွေကိုတောင် အသိပေးခြင်းမပြုဖုိ့ လေ့ကျင်သင်ကြားပေးခံထားရသူလည်း ဖြစ်ပါတယ်။

ဇန်န၀ါရီလအတွင်း တရုတ်ပြည်ကိုပြန်ဖို့ လေယာဉ်ပေါ်မတက်ခင် တစ်ရက်အလိုမှာ ဖမ်းဆီးခံခဲ့ရကာ ကုန်သွယ်ရေးလျှို့ဝှက်ချက် ခိုးယူမှုစွဲချက်နဲ့ တရားစွဲ ခံခဲ့ရပါတယ်။

ရုံးတွင်း စုံစမ်းစစ်ဆေးမှုအရ ချန်ဟာ စီမံကိန်းနဲ့ပတ်သက်တဲ့ ဓာတ်ပုံတွေကို လျှို့ဝှက်ရိုက်ကူးခဲ့သလို၊ လုပ်ငန်းသုံးကွန်ပျူတာမှာရှိတဲ့ အချက်အလက်တွေကို ကိုယ်ပိုင်ကွန်ပျူတာထဲ ကူးထည့်ခဲ့တယ်လို့ ကယ်လီဖိုးနီးယားတရားရုံးကိုတင်တဲ့ အမှုတွဲမှာ ဖော်ပြထားပါတယ်။

ချန်ယူခဲ့တဲ့ အချက်အလက်တွေထဲမှာ ပုံကြမ်းတွေ၊ အသုံးပြုနည်းတွေနဲ့ ဒီဇိုင်းတွေအပါအ၀င် ဖိုင်ပေါင်း ၂ ထောင်ကျော် ပါဝင်တယ်လို့ ဆိုပါတယ်။ ချန်ကတော့ သူ ဒီလိုကူးထည့်ခဲ့တာဟာ အာမခံပေါ်လစီအရဖြစ်တယ်လို့ ကာကွယ်ပြောကြားခဲ့ပါတယ်။

ပြီးခဲ့တဲ့နှစ် ဇူလိုင်လကလည်း Apple မှာအလုပ်လုပ်ခဲ့တဲ့ တရုတ်အင်ဂျင်နီယာတစ်ယောက်ကို မောင်းသူမဲ့ကား နည်းပညာစီမံကိန်းက လျှို့ဝှက်အချက်အလက်တွေခိုးယူမှုနဲ့ အမေရိကန်က တရားစွဲဆိုခဲ့ပါတယ်။ အဲဒီအင်ဂျင်နီယာဟာ Apple ကနေ အလုပ်ထွက်ပြီး တရုတ် နည်းပညာ ကုမ္ပဏီသစ်တစ်ခုနဲ့ သွားရောက်ပူးပေါင်းဖို့ စီစဉ်နေစဉ် ဖမ်းဆီးခံလိုက်ရတာ ဖြစ်ပါတယ်။

Ref: CNA