ပုပ်ရဟန်းမင်းကြီးဖရန်စစ်၏ ယူအေအီးနိုင်ငံသို့ ၃ ရက်တာခရီး ယနေ့ စတင်

ဖေဖော်ဝါရီ ၃၊ ၂၀၁၉
M-Media

ဒူဘိုင်းမြို့ရှိ ပုပ်ရဟန်းမင်းပုံရှေ့တွင် ဓာတ်ပုံရိုက်နေသော ခရစ်ယာန်ဘာသာဝင်များ

– ခရစ်ယာန် ရိုမန်ကက်သလစ်အသင်းတော်ရဲ့ အကြီးအကဲဖြစ်တဲ့ ပုပ်ရဟန်းမင်းကြီး ဖရန်စစ်ဟာ ဒီကနေ့မှာ အာရပ်စော်ဘွားများပြည်ထောင်စု(ယူအေအီး)ကို လာရောက်လည်ပတ်ဖို့ရှိနေပြီး ဒေသတွင်း ဘာသာရေးသည်းခံနိုင်မှု ပိုမိုအားကောင်းစေမယ့် ပြယုဂ်တစ်ခုအဖြစ် ရှုမြင်နေကြပါတယ်။

ယူအေအီးဟာ လွန်ခဲ့တဲ့ ၁၂ နှစ်ကစလို့ ဗာတီကန်နဲ့ သံတမန်အဆက်အသွယ် ပြုလုပ်ခဲ့ကာ ဒီကနေ့ လာရောက်မှုဟာ အစ္စလာမ်သာသနာ စတင်ပေါ်ထွန်းရာ အာရေဗျကျွန်းဆွယ်ကို ပုပ်ရဟန်းမင်း ပထမဆုံးလာရောက်မှုလည်း ဖြစ်ပါတယ်။

ဒီလိုလာရောက်မှုဟာ ယူအေအီးနိုင်ငံရဲ့ ဘာသာရေးသည်းခံနိုင်မှုကို ဖော်ညွှန်းနေတာဖြစ်သလို အရှေ့အလယ်ပိုင်းဒေသမှာ ဒီယဉ်ကျေးမှု ပိုမိုထွန်းကားဖို့အတွက် ခရစ်ယာန်ဘာသာဝင်တွေက မျှော်လင့်နေကြပါတယ်။

“သဘောထားတင်းမာတဲ့အမြင်ရှိသူတွေ ခေတ်သစ်ကမ္ဘာကြီးမှာ သူလည်းသူ့ဟာသူနေ၊ ကိုယ်လည်း ကိုယ့်ဟာကိုနေဆိုတဲ့ အမြင်မျိုးပြောင်းလဲဖို့ ဒီလည်ပတ်မှုက သတင်းစကားပါးလိုက်တာပါ” လို့ ယူအေအီးမှာ ၁၇ နှစ်ကြာ နေထိုင်နေတဲ့ အီရတ်နိုင်ငံသား ခရစ်ယာန်ဘာသာဝင် ရာအဒ် ဂျာဘူရီ အလ် ရှိခ်က ပြောကြားခဲ့ပါတယ်။

အလ်ရှိခ်ရဲ့ ဘိုးဘွားတွေဟာ အီရတ်နိုင်ငံ အမာရာနဲ့ ဘာဆာရာဒေသတွေမှာ ခရစ်ယာန်သာသနာပြုလုပ်ငန်းတွေ လုပ်ဆောင်ကာ ဘုရားကျောင်းတွေ ဆောက်လုပ်လှူဒါန်းခဲ့သူတွေ ဖြစ်ပါတယ်။

ယူအေအီးနိုင်ငံကို တည်ထောင်သူ ရှိခ် ဇာယစ် ဘင် ဆူလ်တန် အလ် နဟ်ယန်ဟာ ၁၉၈၀ ပြည့်နှစ်တွေမှာ အဲဒီတုန်းက ပုပ်ရဟန်းမင်းကြီး ဂျွန်ပေါလ် ၂ နဲ့ တွေ့ဆုံဆွေးနွေးမှုတွေ ပြုလုပ်ခဲ့ပေမယ့် ၂၀၀၇ ခုနှစ် မေလ ၃၁ ရက်နေ့ရောက်မှ တရားဝင် ဆက်ဆံရေး တည်ထောင်ခဲ့တာ ဖြစ်ပါတယ်။

၂၀၁၇ ခုနှစ် စစ်တမ်းကောက်ယူမှုအရ ယူအေအီးနိုင်ငံမှာ လူဦးရေ ၉ သန်းကျော်ရှိပြီး အဲဒီအထဲက ၁၃ ရာခိုင်နှုန်းလောက်ဟာ ခရစ်ယာန်ဘာသာဝင်တွေ ဖြစ်ပါတယ်။ အရှေ့တိုင်းအော်သိုဒေါ့စ်၊ ကက်သလစ်၊ ပရိုတက်စတင့်တို့အပါအ၀င် ခရစ်ယာန်အသင်းတော် တော်တော်များများကို ယူအေအီးအစိုးရက အသိအမှတ်ပြုထားပါတယ်။

ပုပ်ရဟန်မင်းကြီးဖရန်စစ်ဟာ ယူအေအီးနိုင်ငံမှာ ဖေဖော်ဝါရီ ၃ ရက်နေ့ကနေ ၅ ရက်နေ့အထိ နေထိုင်သွားမှာဖြစ်ပြီး ဒူဘိုင်းက စိန့်မေရီ ကက်သလစ်ဘုရားကျောင်းမှာ ခရစ်ယာန်ဘာသာဝင်တွေနဲ့တွေ့ဆုံကာ ၀တ်ပြုဆုတောင်းမှာ ဖြစ်ပါတယ်။

ယူအေအီးနိုင်ငံမှာ ဖိလစ်ပိုင်နဲ့ အိန္ဒိယအပါအ၀င် အာရှက ခရစ်ယာန်ဘာသာဝင်တော်တော်များများ ရှိနေပြီး သူတို့ကလည်း ပုပ်ရဟန်းမင်းကြီးရဲ့ လည်ပတ်မှုအတွက် စိတ်လှုပ်ရှားနေကြပါတယ်။

“ဂိုအာမြို့မှာ မွေးဖွားကြီးပြင်းလာတာကြောင့် ကျွန်မဘ၀မှာ ဘာသာတရားဆိုတာ ကြီးမားတဲ့အစိတ်အပိုင်းတစ်ခု ဖြစ်ပါတယ်။ ဘုရားရှိခိုးချိန် လွတ်သွားရင် မပြည့်စုံဘူးလို့ ကျွန်မ ခံစားရတယ်” လို့ ၂၀၁၄ ခုနှစ်က အိန္ဒိယကနေ ယူအေအီးကို ရွှေ့ပြောင်းလာတဲ့ ဒေစီ ဒါကိုစတာက ပြောကြားခဲ့ပါတယ်။

ယူအေအီးနိုင်ငံမှာ ခရစ်ယာန်ဘာသာကို ကျင့်သုံးဖို့အတွက် အခွင့်အလမ်းအများကြီးရှိပြီး ဘုရားကျောင်းတွေမှာလည်း နေ့စဉ် ဘုရားရှိခိုးတဲ့အစီအစဉ် ရှိနေတယ်လို့ ဒေစီက ဆိုပါတယ်။

ယူအေအီးဟာ ၂၀၁၉ ခုနှစ်ကို ‘ခန္တီတရားနှစ်’ လို့ သတ်မှတ်ထားပါတယ်။ အစ္စလာမ်ဘာသာကို လူအများကိုးကွယ်တဲ့ ဂုဏ်ထူးဝိသေနှင့် ပြည့်စုံသော ဘာသာတရားတစ်ခုအဖြစ် ယူအေအီး ဖွဲ့စည်းပုံအခြေခံဥပဒေမှာ သတ်မှတ်ထားပြီး နိုင်ငံတစ်ဝှမ်း လွတ်လပ်စွာ ကိုးကွယ်ခွင့်ကိုလည်း အာမခံပေးထားပါတယ်။

ယူအေအီးအစိုးရဟာ ခရစ်ယာန် ဘုရားကျောင်းတည်ဆောက်ဖို့၊ ဟိန္ဒူဘုရားကျောင်းတည်ဆောက်ဖို့ မြေလှူဒါန်းတာ၊ ငွေကြေးထောက်ပံ့တာတွေလည်း ရှိပါတယ်။

အခုသီတင်းပတ်အစောပိုင်းကလည်း ဒူဘိုင်းမှာ နိုင်ငံရဲ့ ပထမဆုံး ဗုဒ္ဓဘာသာဘုန်းကြီးကျောင်းတစ်ခုကို ဖွင့်လှစ်နိုင်ခဲ့ပါတယ်။

Ref: Arab News