ဘာသာရေးခေါင်းဆောင်များ ညီညွတ်ရန် ပုပ်ရဟန်းမင်းကြီး တိုက်တွန်း၊ ဘုရားကျောင်းသစ်နှင့် ဗလီသစ်ကို အုတ်မြစ်ချ

ဖေဖော်ဝါရီ ၅၊ ၂၀၁၉
M-Media

ပုပ်ရဟန်းမင်းကြီးနှင့် ရှိခ် အဟ်မဒ် အလ်-တိုင်ယစ်ဘ်တို့ နှုတ်ဆက်စဉ်

– ကမ္ဘာပေါ်မှာရှိတဲ့ ဘာသာရေးခေါင်းဆောင်တွေအားလုံး ညီညွတ်ကြဖို့နဲ့ ဘာသာတရားအမည်တပ်ကာ အကြမ်းဖက်မှုတွေ မလုပ်ကြဖို့ ယူအေအီးနိုင်ငံကို ရောက်ရှိနေတဲ့ ပုပ်ရဟန်းမင်းကြီး ဖရန်စစ်က တိုက်တွန်းလိုက်ပြီး ထိပ်တန်း အစ္စလာမ်ဘာသာရေး ခေါင်းဆောင်နဲ့အတူ ငြိမ်းချမ်းရေးကြငြာချက်တစ်စောင်ကိုလည်း ပူးတွဲထုတ်ပြန်ခဲ့ပါတယ်။

ခရစ်ယာန် ကက်သလစ်အသင်းတော်ရဲ့ခေါင်းဆောင် ပုပ်ရဟန်းမင်းကြီး ဖရန်စစ်ဟာ အာရပ်စော်ဘွားများပြည်ထောင်စု (ယူအေအီး) နိုင်ငံကို ၃ ရက်ကြာ အလည်အပတ် ရောက်ရှိနေတာဖြစ်ပြီး အစ္စလာမ်သာသနာ စတင်ပေါ်ပေါက်ရာ အာရေဗျကျွန်းဆွယ်ကို ပထမဆုံးရောက်ရှိတဲ့ ကက်သလစ် ပုပ်ရဟန်းမင်းကြီးအဖြစ် မှတ်တမ်းဝင်ခဲ့ပါတယ်။

မနေ့က အဘူဒါဘီမြို့ ဘုရင့်နန်းတော်မှာ ကျင်းပတဲ့ ဘာသာပေါင်းစုံညီလာခံမှာ ပုပ်ရဟန်းမင်းကြီးက စစ်ပွဲတွေ၊ အကြမ်းဖက်မှုကို ဘာသာတရား ခေါင်းစဉ်တပ်တာတွေကို ရှုတ်ချခဲ့ပါတယ်။

“စစ်ပွဲတွေက စိတ်မကောင်းစရာကလွဲပြီး ဘာမှဖြစ်မလာသလို၊ လက်နက်တွေကလည်း သေဆုံးခြင်းကိုသာ ယူဆောင်လာတာပါ။ အကြမ်းဖက်မှုပုံစံအားလုံးကို နှောင့်နှေးမှုမရှိဘဲ ရှုတ်ချဖို့ လိုအပ်ပါတယ်။ ဘယ်လိုအကြမ်းဖက်မှုကိုမှ ဘာသာတရားနဲ့ တန်းညှိလို့ မရပါဘူး”

International Conference for Human Fraternity (နိုင်ငံတကာ ညီရင်းအစ်ကိုဝါဒ ညီလာခံ) အမည်နဲ့ ကျင်းပတဲ့ အဲဒီ ဘာသာပေါင်းစုံတွေ့ဆုံပွဲကို အစ္စလာမ်ကမ္ဘာက နာမည်ကျော် ဓမ္မတက္ကသိုလ် ‘အလ်-အဇ်ဟာရ်’ ရဲ့ ရှေ့ဆောင်အီမာမ် ဒေါက်တာ ရှိခ် အဟ်မဒ် အလ်-တိုင်ယစ်ဘ်၊ ယူအေအီး ဘုရင်နဲ့ အိမ်ရှေ့မင်းသား၊ အစိုးရတာဝန်ရှိသူတွေ၊ ဘာသာပေါင်း ၂၂ ခုက ဘာသာရေးခေါင်းဆောင်တွေ စုစုပေါင်း လူ ၇၀၀ လောက် တက်ရောက်ခဲ့ပါတယ်။

ပုပ်ရဟန်းမင်းကြီး ဖရန်စစ်ဟာ အရှေ့အလယ်ပိုင်းဒေသအတွင်း ဘာသာရေးလွတ်လပ်ခွင့် ပိုမိုပေးအပ်ဖို့ တောင်းဆိုခဲ့သလို၊ ယီမင်၊ အီရတ်နဲ့ ဆီးရီးယားတို့က စစ်ပွဲတွေကို ရပ်တန့်ဖို့လည်း ထည့်သွင်းပြောကြားခဲ့ပါတယ်။

လက်နက်နဲ့ အင်အားတည်ဆောက်တာ၊ နယ်ခြားတွေမှာ စစ်ပြင်နေတာတွေနဲ့ နယ်ခြားတံတိုင်းတွေ တည်ဆောက်နေတာကို တွန်းလှန်ရေး ဘာသာတရားတွေအားလုံး ညီညွတ်ဖို့ ပုပ်ရဟန်းမင်းက တိုက်တွန်းခဲ့ပါတယ်။

“ကျွန်တော်တို့မှာ တခြားနည်းလမ်း မရှိပါဘူး။ ကျွန်တော်အားလုံး ပူးတွဲပြီး အနာဂတ်ကို မတည်ဆောက်ဘူးဆိုရင် အနာဂတ်ဆိုတာ ရှိလာမှာ မဟုတ်ပါဘူး”

ဘာသာတရားက စစ်ပွဲအကြောင်းခံ မဖြစ်စေရ

ကမ္ဘာ့ကိုးကွယ်မှုအများဆုံး ဘာသာတရားတွေရဲ့ ခေါင်းဆောင်တွေဖြစ်တဲ့ ပုပ်ရဟန်းမင်းကြီး ဖရန်စစ်နဲ့ ဒေါက်တာ ရှိခ် အဟ်မဒ် အလ်-တိုင်ယစ်ဘ်တို့ဟာ ပူးတွဲကြေငြာချက်တစ်စောင် ထုတ်ပြန်ခဲ့ပြီး ကမ္ဘာကြီးငြိမ်းချမ်းရေးအတွက် တိုက်တွန်းခဲ့ပါတယ်။

“မုန်းတီးမှု၊ ရန်လိုမှု၊ အစွန်းရောက်ဝါဒတွေဖြစ်လာအောင်၊ အကြမ်းဖက်မှုတွေ၊ သွေထွက်သံယိုမှုတွေ ဖြစ်လာအောင် ဘာသာတရားနဲ့ လှုံ့ဆော်တာမျိုး ဘယ်တော့မှ မဖြစ်စေဖို့ ကျွန်တော်တို့ အခိုင်အမာ ကြေငြာလိုပါတယ်” လို့ ၁၆ မျက်နှာပါတဲ့ ကြေငြာချက်မှာ ဖော်ပြထားပါတယ်။

ဖရန်စစ်နဲ့ အလ်-တိုင်ယစ်ဘ်တို့ဟာ ယူအေအီးမြို့တော် အဘူဒါဘီမှာ ဗလီနဲ့ ခရစ်ယာန်ဘုရားကျောင်းသစ် ဘေးချင်းယှဉ် တည်ဆောက်မယ့် စီမံကိန်းကိုလည်း အုတ်မြစ်ချပေးခဲ့ပါတယ်။

အလ်-တိုင်ယစ်ဘ်က ခရစ်ယာန်လူ့အဖွဲ့အစည်းတွေကို လက်တွဲခေါ်ကြဖို့အတွက် အရှေ့အလယ်ပိုင်း ပြည်သူတွေကို တိုက်တွန်းခဲ့ပါတယ်။

“ဒေသတွင်းမှာရှိတဲ့ ခရစ်ယာန် ညီအစ်ကိုမောင်နှမတွေကို လက်ခံအသိအမှတ်ပြုကြပါ။ သူတို့တွေဟာ တိုင်းပြည်ရဲ့ အစိတ်အပိုင်းတွေဖြစ်တယ်။ နိုင်ငံသားတွေဖြစ်တယ်။ လူနည်းစုမဟုတ်ပါဘူး။ အခွင့်အရေးအပြည့်၊ တာဝန်အပြည့်ရှိတဲ့ နိုင်ငံသားတွေ ဖြစ်ပါတယ်”

တနင်္ဂနွေနေ့က ရောက်ရှိလာတဲ့ ပုပ်ရဟန်းမင်းကြီးဟာ ဖေဖော်ဝါရီ ၅ ရက်နေ့ ဒူဘိုင်းက စိန့်မေရီ ကက်သလစ်ဘုရားကျောင်းမှာ ခရစ်ယာန်ဘာသာဝင်တွေနဲ့အတူ ၀တ်ပြုဆုတောင်းဖို့ရှိနေပြီး အရှေ့အလယ်ပိုင်းဒေသမှာ အကြီးမားဆုံး ၀တ်ပြုဆုတောင်းပွဲ ဖြစ်လာမှာ ဖြစ်ပါတယ်။

Ref: Aljazeera, Khaleej Times