သွေးနဲ့ အမုန်းတွေကို မိတ်ကပ်ဖို့ နေတဲ့ UAE (သူအမြင်)

ဖေဖော်ဝါရီ ၆ ၊ ၂၀၁၉
မြင်သစ်

UAE က 2019 ကို Year of Toleranceတဲ့။ 2018 နှစ်ကုန်ပိုင်းက ကမ္ဘာမှာ အစ္စလာမ်နဲ့ ငြိမ်းချမ်းရေးရဲ့ ပုံရိပ်ဖြစ်တဲ့ အစ္စလာမ့်ပညာရှင် ရှိခ်ဘင်ဘယားနဲ့ ရှိခ်ဟမ်ဇာယူစွဖ်တို့ ကို ခေါ် ဦးဆောင်စေပြီး နိုင်ငံတကာ ငြိမ်းချမ်းရေး ဖိုရမ်ကြီး လုပ်လေရဲ့။

ဒီရက်ပိုင်းလည်း နိုင်ငံရဲ့ အကြီးဆုံး ဗုဒ္ဓ့ တရားကျောင်းဖွင့်ပွဲနဲ့ ပုပ်ရဟန်းမင်းကြီးကို ဖိတ်ကြား အလည်လာတဲ့ သတင်းနဲ့ သတင်းခေါင်းကြီးပိုင်းတွေမှာ နေရာယူထားလေရဲ့။

UAE ဘာတွေလုပ်နေလဲဆိုတော့…ဆော်ဒီနဲ့ပေါင်းပြီး ယီမင်ကို စစ်တိုက်နေတာ မျက်မှောက်ခေတ်ရဲ့ အဆိုးဆုံး ကာလဝမ်းရောဂါကပ်ဘေးဆိုက်စေပြီးပြီ၊ အခုလည်း လူသန်းဆယ်ချီ ထိခိုက်သေကြေစေနေတဲ့ အဆိုးဝါးဆုံးအငတ်ဘေးကျ စေနေပြီ။ မပြီးသေး အရှေ့အလယ်ပိုင်းမှာ ဇီယွန်တွေတရားဝင်ဖြစ်အောင် နိုင်ငံရေးလှုံ့ ဆော်ပေး ညှိနှိုင်းပေး (ဂျူးနဲ့ ဇီယွန်တွေနဲ့ မတူပါ၊ ဇီယွန်တွေဟာ အစွန်းရောက်ပြီး ပါလက်စတိုင်းတွေကို နိုင်ငံရေး လူမျိုးရေး ဘာသာရေး ဖိနှိပ်စော်ကားသူတွေပါ)။

တခါ အာရပ်နွေဦးလူထုတော်လှန်ရေးကို တန်ပြန်ဖို့နဲ့ တော်လှန်ရေးရဲ့ အောင်ပွဲတစ်ခုဖြစ်တဲ့ အီဂျစ်ရဲ့ ပထမဆုံး ဒီမိုအစိုးရကို ဖြုတ်ချ အာဏာသိမ်းစေဖို့ ဒေါ်လာဘီလျံချီ စပွန်စာရှင်ပါ။ အဲ့တော့ စစ်အာဏာရှင်စနစ်ကို တော်လှန်တဲ့ အီဂျစ်ပြည်သူတွေ စစ်အာဏာရှင်သစ် ဆီဆီကို ရခဲ့တာပေါ့။

GCC မဟာမိတ်နိုင်ငံဖြစ်တဲ့ ကာတာကိုလည်း သူတို့ထက်သာလာတာကို မနာလိုဖြစ်ပြီး ဆော်ဒီနဲ့ပေါင်း လုပ်ကြံပိတ်ဆို့ဒုက္ခပေးခဲ့ပါတယ်။ သူတို့ပိတ်ဆို့မှုကို မထောက်ခံတဲ့ နိုင်ငံတွေကိုလည်း ရံပုံငွေ ထောက်ပံ့ကူညီမှု ရပ်စဲတာမျိုးတွေ လုပ်ခဲ့ပါတယ်။

လတ်တလော အာရုဖလားပွဲမှာ UAE အာဏာပိုင်နဲ့ ပရိသတ်ရဲ့ အမုန်းဟာ ရုပ်ပျက်ဆင်းပျက်ပါပဲ။ ကာတာအသင်းကို ဒုက္ခပေးတာမှာ ကာတာပရိသတ်ကို ပြည်ဝင်ခွင့်မပေး၊ ပွဲလက်မှတ်လက်ကျန်တွေကို UAEအစိုးရက အကုန်ဝယ်၊ ပရိသတ်က ရိုင်းစိုင်း၊ ရှုံးတော့ ရှုံးမဲမဲ၊ ကာတာကစားသမားတွေကို ကိုယ်ထိလက်ရောက်လုပ်။

မပြီးသေးပါ… နိုင်ငံတကာက ဆိုမာလီယာရဲ့ နယ်မြေအဖြစ်သာ သိမှတ်ပြုတဲ့ ဆိုမာလီlandခွဲထွက်သူပုန်နယ်မြေမှာ UAEရဲ့ စစ်အခြေစိုက်စခန်းကို ကန့်ကွက်မှုတွေကြားက 2018 နှစ်လယ်မှာ ဖွင့်ခဲ့ပါတယ်။

ကဒါဖီအလွန် ပြိုကွဲပျက်စီးနေတဲ့ လစ်ဗျားနိုင်ငံ တည်ဆောက်ရေးမှာ ရှေ့တစ်မျိုး နောက်တစ်မျိုးနဲ့ ကုလသမဂ္ဂနဲ့ နိုင်ငံတကာသိမှတ်ပြု အစိုးရကို ဆန့်ကျင်တိုက်ခိုက်နေတဲ့ လစ်ဗျားအရှေ့ခြမ်းက စစ်ခေါင်းဆောင်ကို ထောက်ပံ့ပြီး ပြည်တွင်းစစ်ပွဲသက်ဆိုးရှည်နေစေပါတယ်။

UAE ရဲ့ 2019 ပါ…Year of Tolerance ပါ။ စစ်ပွဲတွေ ရန်လိုမှုတွေ မုန်းတီးမှုတွေ အနိုင်ကျင့်မှုတွေကို Tolerance ဖြစ်တယ်လို့ပဲ ဖွင့်ဆိုရမှာပါ။ UAEရဲ့ 2019 Year of Tolerance ဟာ မျက်မှာပြောင်တိုက် အညံ့စား နိုင်ငံရေးဟာသတစ်ပုဒ်ပါပဲ။

ဒီနေ့ခေတ်ကိုက လူပြိန်းကြိုက် အပေါစား မိတ်ကပ်ဖို့ နိုင်ငံရေးနဲ့ ညစ်ပတ်တဲ့ ကစားပွဲတွေ ခေတ်ထနေတယ်ပဲ သြချရတော့မှာပါ။

Photo from internet