ဟွာဝေးကုမ္ပဏီနှင့် ပတ်သက်ခြင်းမပြုရန် မဟာမိတ်များကို အမေရိကန်သတိပေး

ဖေဖော်ဝါရီ ၁၂၊ ၂၀၁၉
M-Media

အမေရိကန်နိုင်ငံခြားရေးဝန်ကြီး ပွမ်ပီယို

– တရုတ် ထိပ်တန်း ဆက်သွယ်ရေးကုမ္ပဏီ Huawei က ပစ္စည်းတွေကို အသုံးမပြုကြဖို့အတွက် အမေရိကန်နိုင်ငံခြားရေးဝန်ကြီး မိုက် ပွမ်ပီယိုက မဟာမိတ်တွေကို သတိပေးလိုက်ပြီး၊ အဲဒီလို အသုံးပြုနေတဲ့နိုင်ငံတွေဟာ အမေရိကန်နဲ့ မိတ်ဖက်အဖြစ်ဆက်ဆံဖို့ ခက်ခဲလိမ့်မယ်လို့လည်း ပြောကြားလိုက်ပါတယ်။

တရုတ်အစိုးရဟာ ဟွာဝေးထုတ်ပစ္စည်းတွေနဲ့ သူလျှိုလုပ်ငန်း လုပ်ဆောင်နေတယ်လို့ အမေရိကန်နဲ့ မဟာမိတ်နိုင်ငံတွေက ယုံကြည်နေကြပါတယ်။

ဟန်ဂေရီနိုင်ငံ မြို့တော် ဘူဒါပက်စ်ကို ရောက်ရှိနေတဲ့ ပွမ်ပီယိုက ဟွာဝေးပစ္စည်းတွေကို အသုံးပြုခြင်းရဲ့ ကောင်းကျိုး၊ ဆိုးကျိုးတွေကို မဟာမိတ်တွေဆီ ပြောပြထားတယ်လို့ ပြောကြားခဲ့ပါတယ်။ ပွမ်ပီယိုဟာ ဟန်ဂေရီကနေတစ်ဆင့် ဆလိုဗက်ကီးယားနဲ့ ပိုလန်နိုင်ငံတို့ကို သွားရောက်မှာ ဖြစ်ပါတယ်။

ကမ္ဘာအကြီးဆုံး ဆက်သွယ်ရေးပစ္စည်းထုတ်လုပ်တဲ့ ဟွာဝေးကုမ္ပဏီဟာ ဟန်ဂေရီနဲ့ ပိုလန်တို့မှာ ဈေးကွက်ချဲ့ထွင်လာမှာကို အမေရိကန်က စိုးရိမ်နေပါတယ်။

ဟွာဝေးတော့ သူလျှိုလုပ်တယ်ဆိုတဲ့ စွပ်စွဲချက်တွေကို ငြင်းဆိုခဲ့ပြီး ဟန်ဂေရီနိုင်ငံမှာ အစိုးရပိုင်လုပ်ငန်းတွေအပါအ၀င် ပြည်သူ ၇၀ ရာခိုင်နှုန်းလောက်ကို ၀န်ဆောင်မှုပေးနေတယ်လို့ တုန့်ပြန်ခဲ့ပါတယ်။

ပွမ်ပီယိုက ဟွာဝေးနဲ့ ပတ်သက်လာတာဟာ အမေရိကန်နဲ့ ဆက်ဆံဖို့ ခက်ခဲသွားစေမယ်လို့ ထည့်သွင်းပြောကြားခဲ့ပါတယ်။

“အမေရိကန်ရဲ့ အရေးပါတဲ့စနစ်တွေနဲ့အတူ ဟွာဝေးရဲ့ပစ္စည်းတွေ တွဲပြီး ရှိနေမယ်ဆိုရင် အဲဒီနိုင်ငံတွေနဲ့ ဆက်လက်လက်တွဲဖို့ ခက်မှာပါ”

ဟန်ဂေရီနဲ့ ကာကွယ်ရေးသဘောတူညီချက်တစ်ခုကို လက်မှတ်ရေးထိုးနိုင်ခဲ့တယ်လို့လည်း ဘူဒါပက်စ်က သတင်းစာရှင်းလင်းပွဲမှာ ပွမ်ပီယိုက ပြောကြားခဲ့ပါတယ်။ ဟန်ဂေရီအစိုးရဟာ တရုတ်ရဲ့ ရင်းနှီးမြှုပ်နှံမှုတွေကို လက်ခံဖို့ စိတ်အားအထက်သန်ဆုံးနိုင်ငံတွေထဲမှာ ပါဝင်ပါတယ်။ ပွမ်ပီယိုကတော့ တရုတ်ဝင်လာရင် ဖြစ်လာမယ့်အန္တရာယ်အကြောင်း ဟန်ဂေရီနိုင်ငံခြားရေးဝန်ကြီးကို ပြောပြခဲ့တယ်လို့ ဆိုပါတယ်။

ဒီကနေ့ ပွပ်ပီယိုသွားရောက်မယ့် ပိုလန်နိုင်ငံဟာ ပြီးခဲ့တဲ့လက ဟွာဝေးကုမ္ပဏီရဲ့ တရုတ်ဝန်ထမ်းတစ်ဦးနဲ့ ပိုလန် လုံခြုံရေးတာဝန်ရှိသူ တစ်ဦးကို သူလျှိုစွဲချက်နဲ့ ဖမ်းဆီးခဲ့ပြီး နိုင်ငံမှာ ဆောင်ရွက်နေတဲ့ 5G ကွန်ယက်မှာ ဟွာဝေးကုမ္ပဏီ ပါဝင်မှုကို ဖယ်ရှားဖို့ ရှိနေပါတယ်။

ဟန်ဂေရီဟာ အမေရိကန်ကနေ တာလတ် ဒုံးခွင်းစနစ်ကို ၀ယ်ယူဖို့ရှိနေပြီး၊ ပိုလန်က အမေရိကန်တပ်တွေကို နိုင်ငံအတွင်း ပိုမိုချထားခွင့်ပေးဖို့ စီစဉ်နေပါတယ်။ ဆလိုဗက်ကီးယားကတော့ အမေရိကန်ကနေ F16 တိုက်လေယာဉ်တွေ ၀ယ်ယူမှာ ဖြစ်ပါတယ်။

Ref: Reuters