ယီမင်စစ်ပွဲမှ နှုတ်ထွက်ရေး ဆုံးဖြတ်ချက်တစ်ခုကို အမေရိကန်အောက်လွှတ်တော် အတည်ပြု

ဖေဖော်ဝါရီ ၁၄၊ ၂၀၁၉
M-Media

– ယီမင်စစ်ပွဲမှာ ပါဝင်တိုက်ခိုက်နေတဲ့ ဆော်ဒီနဲ့ ယူအေအီး မဟာမိတ်အဖွဲ့အပေါ် ထောက်ပံ့မှုကို အဆုံးသတ်မယ့် ဆုံးဖြတ်ချက်တစ်ခုကို အမေရိကန်အောက်လွှတ်တော်က မနေ့မှာ အတည်ပြုလိုက်ပြီး အမေရိကန်သမ္မတ ဒေါ်နယ်ထရမ့်ရဲ့ ယီမင်ကိစ္စမှာ ဆက်လက်ပါဝင်ချင်တဲ့ ဆန္ဒကို ဆန့်ကျင်လိုက်တာလည်း ဖြစ်ပါတယ်။

“ကြဲတဲ့ဗုံးတွေအားလုံးမှာ ‘အမေရိကန်တွင်ထုတ်သည်’ ဆိုတဲ့ စာတန်းတွေ ပါနေပါတယ်။ အဲဒီဗုံးတွေဟာ မင်္ဂလာဆောင်တွေ၊ ဆေးရုံတွေနဲ့ နေအိမ်တွေပေါ်ကို ကျသွားကြတယ်။ ဈာပနအခမ်းအနားတွေ၊ ဒုက္ခသည်စခန်းတွေ၊ ကျောင်းကားတွေပေါ်မှာ ကျတယ်။ ဒီစစ်ပွဲဟာ နေ့စဉ်နဲ့အမျှ လူတွေကိုသတ်နေတဲ့ ဗုံးကြဲမှုကြီးပါပဲ” လို့ ဒီမိုကရက်တစ် လွှတ်တော်အမတ် ဂျင် မက်ဂါဗန်က ပြောကြားခဲ့ပါတယ်။

ထောက်ခံမဲ ၂၄၁ မဲ၊ ကန့်ကွက်မဲ ၁၇၇ မဲနဲ့ အတည်ပြုနိုင်ခဲ့တဲ့ အဲဒီဆုံးဖြတ်ချက်ကို အထက်လွှတ်တော်မှာ ထပ်မံမဲခွဲဖို့ ရှိနေပါတယ်။ ယီမင်စစ်ပွဲမှာ ပါဝင်မှုကို ရပ်တန့်ပေမယ့် ဆော်ဒီနဲ့ ထောက်လှမ်းရေးအချက်အလက်တွေ ဆက်လက်မျှဝေရေး ခွင့်ပြုမယ့် အချက်ကိုလည်း ဆုံးဖြတ်ချက်မှာ ထည့်သွင်းထားပါတယ်။

သမ္မတဒေါ်နယ်ထရမ့်ဟာ ယီမင်စစ်ပွဲမှာ ပါဝင်လိုတဲ့ဆန္ဒ ရှိနေတာကြောင့် အခုဆုံးဖြတ်ချက်ကို အထက်လွှတ်တော်က အတည်ပြုလိုက်ရင်လည်း ထရမ့်က ဗီတိုသုံးပြီး ပယ်ချနိုင်ဖွယ် ရှိနေပါတယ်။ ဒီဗီတိုကို ပယ်ဖျက်ဖို့အတွက် လွှတ်တော်အမတ် ၃ ပုံ ၂ ပုံရဲ့ မဲပေးမှု လိုအပ်ပါတယ်။

ထရမ့်ရဲ့ပါတီ ရီပက်ဘလစ်ကန်က လွှတ်တော်အမတ်တစ်ချို့ကလည်း အစိုးရရဲ့ ယီမင်စစ်ပွဲမှာ ဆက်လက်ပါဝင်လိုတဲ့ဆန္ဒကို ထောက်ခံနေကြပါတယ်။ ယီမင်စစ်ပွဲဟာ ဆော်ဒီနဲ့ အီရန်တို့ရဲ့ တစ်ဆင့်ခံအားပြိုင်မှုဖြစ်ပြီး အမေရိကန် ထွက်သွားမယ်ဆိုရင် အီရန်ရဲ့သြဇာ ပိုမိုကြီးထွားလာမှာကို ရီပက်ဘလစ်ကန်အမတ်တွေက စိုးရိမ်နေကြပါတယ်။

Ref: Aljazeera