IS ၏ နောက်ဆုံးစခန်းကို ချေမှုန်းရေး အရပ်သားများ ကယ်ထုတ်ရမှုကြောင့် နှောင့်နှေး

ဖေဖော်ဝါရီ ၂၂၊ ၂၀၁၉
M-Media

– IS အကြမ်းဖက်အဖွဲ့ရဲ့ ဆီးရီးယားက နောက်ဆုံးခြေကုပ်ကို ရှင်းလင်းရေးဟာ အရပ်သားတွေ ကယ်ထုတ်ရမှုကြောင့် ကြန့်ကြာနေပြီး အရပ်သားတွေကို ကုန်သွားတာနဲ့ ထိုစစ် စတင်မယ်လို့ စစ်ဆင်ရေးကို ဦးစီးနေတဲ့ Syrian Democratic Forces (SDF) အဖွဲ့က ပြောပါတယ်။

ယူဖရေးတီးမြစ်တစ်လျှောက်က IS ခြေကုပ်ဒေသတွေကို တစ်ဖြည်းဖြည်း ပြန်လည်သိမ်းပိုက်နိုင်ခဲ့တဲ့ SDF အဖွဲ့ဟာ ဆီးရီးယားအရှေ့ပိုင်း အီရတ်နယ်စပ် ဘဂ်ဟုဇ်ရွာကို ၀ိုင်းထားပြီး ဖြစ်ပါတယ်။ ဒီရွာဟာ IS အဖွဲ့ရဲ့နောက်ဆုံးခြေကုပ်ဖြစ်ပြီး နိုင်ငံခြားသားအများစုအပါအ၀င် တိုက်ခိုက်ရေးသမား ၅၀၀ လောက်ရှိမယ်လို့ ခန့်မှန်းထားပါတယ်။

SDF အဖွဲ့ကို ကာ့ဒ်တပ်ဖွဲ့ YPG က ဦးဆောင်တာဖြစ်ပြီး အမေရိကန်က ကျောထောက်နောက်ခံပြုတာ ဖြစ်ပါတယ်။

နောက်ဆုံး စစ်ဆင်ရေး ဆောင်ရွက်ဖို့အတွက် SDF ဟာ လက်ရှိ ဘဂ်ဟုဇ်ရွာက အရပ်သားတွေကို ကယ်ထုတ်ပေးနေပါတယ်။ အဖွဲ့ရဲ့ပြောရေးဆိုခွင့်ရှိသူ မွတ်စတာဖာ ဘာလီက အရပ်သားတွေ ကုန်တာနဲ့ ထိုးစစ် စတင်သွားမယ်လို့ ပြောပါတယ်။

၈ နှစ်တာကြာမြင့်နေပြီဖြစ်တဲ့ ဆီးရီးယားစစ်ပွဲဟာ ဒီစစ်ဆင်ရေးပြီးရင် တစ်မျိုးတစ်ဖုံ ပြောင်းလဲသွားမယ်လို့ မျှော်လင့်မှုတွေလည်း ရှိနေပါတယ်။ အမေရိကန်သမ္မတ ဒေါ်နယ်ထရမ့်က ဆီးရီးယားမှာရှိတဲ့ အမေရိကန်တပ်တွေ အားလုံးကို ပြန်ခေါ်သွားမယ်လို့ မကြာသေးခင်က ပြောကြားခဲ့ပေမယ့် မနေ့က အိမ်ဖြူတော်ကနေထုတ်ပြန်တဲ့ ကြေငြာချက်မှာ စစ်သား ၂၀၀ ဆက်လက်ထားရှိမယ်လို့ ဖော်ပြထားပါတယ်။

၂၀၁၄ ခုနှစ်က အီရတ်နဲ့ ဆီးရီးယားတို့က နယ်မြေတော်တော်များများကို သိမ်းပိုက်နိုင်ခဲ့တဲ့ IS အကြမ်းဖက်အဖွဲ့ကို အီရတ်နိုင်ငံက ၂၀၁၇ ခုနှစ်မှာ အပြီးတိုင်ချေမှုန်းနိုင်ခဲ့ပါတယ်။

Ref: Aljazeera