အမေရိကန်တွင် အမုန်းဝါဒဖြန့်အဖွဲ့အရေအတွက် စံချိန်တင်မြင့်တက်

ဖေဖော်ဝါရီ ၂၂၊ ၂၀၁၉
M-Media

၂၀၁၈ ခုနှစ်က ပင်ဆဲလ်ဗားနီးယားပြည်နယ် ပစ္စဘာဂ့်မြို့ရှိ Tree of Life ဂျူးဘုရားကျောင်းတွင် လူဖြူအစွန်းရောက်တစ်ဦး၏ ၀င်ရောက်ပစ်ခတ်မှုကြောင့် သေဆုံးသွားသူများအတွက် အောက်မေ့ဖွယ်အခမ်အနား မြင်ကွင်း

– ပြီးခဲ့တဲ့နှစ်အတွင်း အမေရိကန်မှာ အမုန်းဆောင်အုပ်စုတွေ စံချိန်တင် မြင့်တက်လာသလို အမုန်းအခြေခံ တိုက်ခိုက်မှုတွေလည်း စံချိန် ဖြစ်ပွားလာတယ်လို့ အစွန်းရောက် လှုပ်ရှားမှုတွေကို စောင့်ကြည့်နေတဲ့ အမေရိကန်အခြေစိုက် Southern Poverty Law Center (SPLC) အဖွဲ့က ပြောကြာလိုက်ပါတယ်။

၂၀၁၇ ခုနှစ်မှာ နိုင်ငံအတွင်း လှုပ်ရှားနေတဲ့ အမုန်းဆောင်အဖွဲ့ ၉၅၄ ဖွဲ့ရှိရာကနေ ၂၀၁၈ ခုနှစ်မှာတော့ ၁၀၂၀ အထိ မြင့်တက်လာတယ်လို့ SPLC ရဲ့ အစီရင်ခံစာမှာ ဖော်ပြထားပါတယ်။ SPLC အဖွဲ့ဟာ ၁၉၇၁ ခုနှစ်ကတည်းက အစွန်းရောက်၊ အမုန်းဆောင်အဖွဲ့တွေကို လေ့လာစောင့်ကြည့်နေတာ ဖြစ်ပါတယ်။

အမုန်းတရားတွေ ဒီလိုမြင့်တက်လာမှုမှာ ထရမ့်ရဲ့ ပြောင်းရွှေ့အခြေချမှုဆန့်ကျင်ရေး စကားတွေနဲ့ ပေါ်လစီတွေက အကြောင်းအရင်း တစ်ရပ်အနေနဲ့ ပါဝင်ပြီး ဒီစကားတွေကို အမုန်းဝါဒီတွေက အသုံးချနေကြတာ ဖြစ်ပါတယ်။

လက်ယာအုပ်စုတွေရဲ့ တိုက်ခိုက်မှုကြောင့် ၂၀၁၈ ခုနှစ်အတွင်း သေဆုံးသူဟာ အနည်းဆုံး ၄၀ ရှိခဲ့တယ်လို့ SPLC ရဲ့ အစီရင်ခံစာမှာ ဖော်ပြထားပါတယ်။

အမေရိကန်မှာ အမုန်းဝါဒီအုပ်စုတွေ အများဆုံးရှိခဲ့တဲ့ခုနှစ်ဟာ နိုင်ငံရဲ့ ပထမဆုံး လူမည်းသမ္မတ ဘာရက်အိုဘားမားကို ဆန့်ကျင်တဲ့ ၂၀၁၁ ခုနှစ်ကဖြစ်ပြီး ၁၀၁၈ ဖွဲ့ ရှိခဲ့ပါတယ်။

SPLC ရဲ့ သုတေသနစီမံကိန်း ဒါရိုက်တာ ဟိုက်ဒီ ဘီရစ်ခ်ျက မက္ကဆီကိုနယ်စပ်မှာ တံတိုင်းတည်ဆောက်ရမယ်ဆိုတဲ့ ပြောကြားမှုကို လူဖြူအစွန်းရောက်ဝါဒ ၀ဘ်ဆိုက်တစ်ခုမှာ ပထမဆုံး တွေ့ခဲ့ရတာဖြစ်ပြီး နောက်ပိုင်းမှာ သမ္မတထရမ့်ရဲ့ ရွေးကောက်ပွဲကတိက၀တ် ဖြစ်လာကြောင်း၊ အဲဒီအချိန်ကစလို့ နိုင်ငံအတွင်း အမုန်းဆောင် အဖွဲ့အစည်း အရေအတွက် မြင့်တက်လာတာ ဖြစ်တယ်လို့ ပြောကြာခဲ့ပါတယ်။

အမေရိကန်ထောက်လှမ်းရေးအဖွဲ့ FBI က နောက်ဆုံးထုတ်ပြန်တဲ့ အချက်အလက်တွေမှာ ၂၀၁၅ ခုနှစ်ကနေ ၂၀၁၇ ခုနှစ်အထိ ၃ နှစ်တာကာလအတွင်း အမုန်းဆောင် ရာဇ၀တ်မှုတွေဟာ ၃၀ ရာခိုင်နှုန်း မြင့်တက်လာတယ်လို့ ဖော်ပြထားပါတယ်။ ၂၀၁၂ ခုနှစ်ကန ၂၀၁၄ ခုနှစ်အထိ ၁၂ ရာခိုင်နှုန်း ကျဆင်းနေရာကနေ ရုတ်တရက် မြင့်တက်လာတာ ဖြစ်ပါတယ်။

SPLC ရဲ့ အစီရင်ခံစာမှာတော့ သမ္မတထရမ့်ဟာ အစွန်းရောက်ဝါဒအထွက် အိမ်ဖြူတော်တံးခါးကို ဖွင့်ပေးလိုက်ကြောင်း၊ ထရမ့်အစိုးရကခန့်တဲ့ အစိုးရ အရာရှိတွေဟာလည်း မွတ်လစင်တွေ၊ ပြောင်းရွှေ့အခြေချသူတွေ၊ ဒုက္ခသည်တွေနဲ့ လိင်တူချစ်သူတွေအပေါ် ရန်လိုတဲ့အဖွဲတွေနဲ့ ဆက်စပ်နေကြောင်း ဖော်ပြထားပါတယ်။

ထရမ့်လက်ထက်မှာ လူဖြူအမျိုးသားရေးအဖွဲ့တွေလည်း သိသိသာသာ မြင့်တက်လာပြီး ၂၀၁၇ ခုနှစ်က အဖွဲ့ ၁၀၀ ရှိရာကနေ ၅၀ ရာခိုင်နှုန်းနီးပါး မြင့်တက်ကာ ၂၀၁၈ ခုနှစ် ၁၄၈ အဖွဲ့အထိ ရှိလာတယ်လို့ SPLC က ပြောပါတယ်။ လူမည်းအမျိုးသားရေးအဖွဲ့ကတော့ ၁၃ ရာခိုင်နှုန်းမြင့်တက်ကာ ၂၆၄ ဖွဲ့ ဖြစ်လာပါတယ်။

မွတ်စလင်ဆန့်ကျင်ရေးအဖွဲ့အရေအတွက်က ကျဆင်းသွားပြီး ၂၀၁၇ ခုနှစ်က ၁၁၄ ဖွဲ့ ရှိရာကနေ ၂၀၁၈ ခုနှစ်မှာတော့ အဖွဲ့ ၁၀၀ သာ ရှိပါတော့တယ်။ ဒါပေမယ့် မွတ်စလင်တွေကို ပစ်မှတ်ထားတဲ့ အမုန်းအခြေခံ ရာဇ၀တ်မှုတွေကတော့ ၂၀၁၈ ခုနှစ်မှာ ပိုမို မြင့်တက်လာတယ်လို့ SPCL ရဲ့ စီရင်ခံစာမှာ ဖော်ပြထားပါတယ်။

အမေရိကန်က အမုန်းဆောင်အဖွဲ့တွေဟာ IS အကြမ်းဖက်အဖွဲ့အတိုင်း အွန်လိုင်းဝါဒဖြန့်ပေ့ခ်ျတွေကနေ လူသစ်စုဆောင်းနေတယ်လို့လည်း SPCL က ထောက်ပြခဲ့ပါတယ်။

မိန်းမမုန်းအဖွဲ့လည်း မြင့်တက်

အမျိုးသမီးမုန်းတီးရေးလှုပ်ရှားမှုတွေ အွန်လိုင်းမှာ ကျယ်ကျယ်ပြန့်ပြန့် ဖြစ်လာတာကြောင့် SPCL ဟာ ၂၀၁၈ ခုနှစ်က အမုန်းဆောင်အဖွဲ့စာရင်းထဲမှာ အမျိုးသမီးမုန်းတီးရေးအဖွဲ့ သတ်မှတ်ချက်တစ်ခုကို ထည့်သွင်းခဲ့ပါတယ်။

SPLC ရဲ့ သုတေသနစီမံကိန်း ဒါရိုက်တာ ဟိုက်ဒီ ဘီရစ်ခ်ျက အမျိုးသမီးမုန်းတီးရေးအဖွဲ့တွေဟာ ပုန်းလျှိုးကွယ်လျှိုး ရှိနေပေမယ့် ၂၀၁၈ ခုနှစ်အတွင်း အမျိုးသမီးတွေအပေါ် အကြမ်းဖက်မှုတွေ လုပ်ခဲ့တယ်လို့ ပြောကြားခဲ့ပါတယ်။

၂၀၁၈ ခုနှစ် ကြားဖြတ်ရွေးကောက်ပွဲကာလမှာ အကြမ်းဖက်မှုနဲ့ အိမ်တွင်း အစွန်းရောက်ဝါဒတွေ ပိုမိုမြင့်တက်လာခဲ့တယ်လို့ အဖွဲ့ရဲ့ အစီရင်ခံစာမှာ ဖော်ပြထားပါတယ်။

လက်ရှိသမ္မတထရမ့်ရဲ့ လှုံ့ဆော်မှု၊ တရားဝင်ဖြစ်အောင် ဖန်တီးပေးမှုကြောင့် အမုန်းဆောင်အဖွဲ့တွေဟာ ပိုမိုကျယ်ပြန့်လာကြောင်း၊ ဒီအဖွဲ့တွေကြောင့် အရင်က အကြမ်းဖက်မှုတွေ ဖြစ်ခဲ့သလို ၂၀၂၀ ရွေးကောက်ပွဲကာလ နီးကပ်လာတာနဲ့အမျှ စိုးရိမ်မှုတွေ မြင့်တက်လာဖွယ် ရှိနေကြောင်း SPLC ရဲ့ အစီရင်ခံစာမှာ သုံးသပ်ထားပါတယ်။

Ref: Aljazeera