အီရန်နိုင်ငံခြားရေးဝန်ကြီး ရာထူးမှ ရုတ်တရက်နှုတ်ထွက်

ဖေဖော်ဝါရီ ၂၆၊ ၂၀၁၉
M-Media

အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်

– အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်က သူ့အနေနဲ့ ရာထူးကနေ နှုတ်ထွက်တယ်လို့ မနေ့က ကြေငြာလိုက်ပြီး နျူသဘောတူညီချက်နဲ့ပတ်သက်လို့ နိုင်ငံအတွင်းက သဘောထားတင်းမာသူတွေ ဝေဖန်မှု မြင့်တက်လာတဲ့အချိန် ဒီလိုနှုတ်ထွက်မှု ပေါ်ပေါက်လာတာ ဖြစ်ပါတယ်။

“ပြီးခဲ့တဲ့နှစ်တွေမှာ နိုင်ငံခြားရေးဝန်ကြီးအဖြစ်ဆောင်ရွက်စဉ် ချို့ယွင်းချက်ရှိခဲ့တာတွေ အားလုံးအတွက် ကျွန်တော် တောင်းပန်ပါတယ်။ အီရန်နိုင်ငံနဲ့ အီရန်တာဝန်ရှိသူတွေကို ကျွန်တော် ကျေးဇူးတင်ပါတယ်” လို့ Instagram စာမျက်နှာမှာ ဇာရစ်ဖ်က ရေးသားခဲ့ပါတယ်။

ဘာ့ကြောင့် ရာထူးကနေ နှုတ်ထွက်ရလဲဆိုတာ ထည့်သွင်းပြောကြားခဲ့ခြင်းမရှိဘဲ ဒီလိုနှုတ်ထွက်မှုကို သမ္မတ ဟာဆန် ရူဟာနီက လက်ခံမှ အတည်ဖြစ်မှာ ဖြစ်ပါတယ်။

ဇာရစ်ဖ်ဟာ ၂၀၁၃ ခုနှ် သြဂုတ်လမှာ နိုင်ငံခြားရေးဝန်ကြီးအဖြစ် ခန့်အပ်ခံခဲ့ရပြီး ၂ နှစ်အကြာ ၂၀၁၅ ခုနှစ်မှာတော့ အမေရိကန်အပါအ၀င် အင်အားကြီး ၆ နိုင်ငံနဲ့ နျူသဘောတူညီချက် ရရှိအောင် ဆောင်ရွက်နိုင်ခဲ့ပါတယ်။ ရလဒ်အားဖြင့် အီရန်အပေါ် ပိတ်ဆို့မှုတွေကို အနောက်နိုင်ငံတွေက ဖယ်ရှားပေးခဲ့ပါတယ်။

ဒါပေမယ့် အမေရိကန်က ပြီးခဲ့တဲ့နှစ်မေလမှာ စာချုပ်ကနေ နှုတ်ထွက်ကာ ပိတ်ဆို့မှုတွေ ပြန်လည်လုပ်ဆောင်ခဲ့တဲ့နောက်ပိုင်း အီရန်နိုင်ငံရေးနယ်ပယ်က သဘောထား တင်းမာသူတွေဟာ သမ္မတ ဟာဆန်ရူဟာနီနဲ့ ဇာရစ်ဖ်တို့အပေါ် ဝေဖန်မှုတွေ အကြီးအကျယ် ပြုလုပ်ခဲ့ပါတယ်။

တစ်ကျော့ပြန်ပိတ်ဆို့မှုတွေကြောင့် အီရန်နိုင်ငံရဲ့စီးပွားရေး ဆိုးရွားလာတာကလည်း ရူဟာနီအစိုးရကို အထိနာစေခဲ့ပြီး ရာထူးကနေ ဖယ်ရှားဖို့ တောင်းဆိုမှုတွေအထိ ဖြစ်လာခဲ့ပါတယ်။

ဇာရစ်ဖ် ဒီလိုနှုတ်ထွက်သွားဟာ ပြုပြင်ပြောင်းလဲရေးသမား ရူဟာနီအတွက် ထိုးနှက်မှု ဖြစ်လာမှာဖြစ်ပြီး အီရန်ရဲ့ သံခင်းတမန်ခင်း နယ်ပယ်ကိုပါ ထိခိုက်စေလိမ့်မယ်လို့ သုံးသပ်မှုတွေ ရှိနေပါတယ်။

Ref: Aljazeera